Mavanga 4:34 - Musamu wu Mubwe

^34-35 A hwaba na mumosi wu akakiima isiha ve. Mu toni ati, ba baaba na mangundu buve manzo, baakasumbasa na baakava mbongo a fwanda huli bilumbi. Titswene bilumbi byakakaba mbongo huli muutu-muutu we bu hwaba manzala ma nde.

Mavanga 4:34 ပူးပေါင်းရင်းမြစ်များ

Luuka 12:33

Sumbasaani bisiha bi benu lili na byo byosi, na vaani mbongo huli biyaha. Vangaani bapaala ba mbongo ba baavelebiiya, kukahani busina bu bu uvelefwa hu yulu, hu bwo bu uveledimbala. Mu toni ati, huuna biibi utwala uto ve, na batsyedidi utwala ubiyasa bwo ve.

Luuka 16:9

Na Yisu abwebwese: «Na me, me ndeele benu, salilaani busina bu upfuta mu uvanga bumbaahi na baatu. Mana bu busina mo bufwa, bambaahi bayaka benu hutso manzo ma mu ukwilala bilima na bilima.

Luuka 22:35

Nde abweleele bo: «Ŋa me atsindihi benu hwavele ipoholo hya mbongo, tso koome, tso bikoodi, benu laakiimi mu isiha?» Bo baafutili: «Isiha tso imosi ve.»

Mavanga 2:45

Bo baakasumbasa busina bwa bo na bi bo baaba na byo. Bo baakakabasana mbongo, we bu hwaba nzala a muutu-muutu.

Mavanga 4:37

Nde asumbisi tsyehe yi nde haba na yo, abehi mbongo, na aviidi yo huli bilumbi.

1 Tesalonika 4:12

Buuna, ba baavele ba Kristo buuyusa mbiili a benu, na benu a libaakwamisa bana mu pasi dyambu li limiitala benu.

1 Timoteho 6:19

Buuna, bo buukukaha busina bu bubwe na bu bwavangama bwa hu busu, na ukanga monyi wa mbuli.

Yaki 1:27

Inzambi hi hyatsyeme na hi hyavele na tsumiili, ŋa busu bwa wu li Nzambi na Taata, ni mu ubaakumbasa bitsana na bakwili mutso minyongi mya bo. Inzambi hi hyatsyeme, ni mu uvelesumaha mu mambu mamabi ma tsi moyiniyi.