Mavanga 4:32 - Musamu wu Mubwe

³² Konge a banga a hiitu, yaba na matsimi mamosi, na mutima mumosi. A hwaba na muutu wu akaleele ti busina bwa nde, bwa nde siha ve. Ka byosi bi bo baaba na byo, aba bi itwadi.

Mavanga 4:32 ပူးပေါင်းရင်းမြစ်များ

Yowani 17:11

Mwana tangu hoole, me a humbwemba mu tsi ve, me upfutaha huli we Taata. Ka uto ti bo, bo bali ba tsi. We wu li wa ngidi, keelese bo itwadi na we, we wu li itwadi na me. Mana bo baba muutu mumosi, we bu we na me lili muutu mumosi.

Mavanga 1:14

Boosi mu matsimi mamosi, baakapfutana tangu yoosi mu usambila Nzambi. Itwadi na bakaasu bakima, Mariya ngu a Yisu, na baana ba ngu a Yisu.

Mavanga 2:1

Bu ilumbu hya Pantekote hyatodi, bo boosi baaba baapfutana mbuha mosi.

Mavanga 5:12

Bilumbi byakasa bilimbu na bimangu bibilahi bya kimwili, ŋa hati la baatu. Basambili boosi mu itwadi, baakatsonzomo ŋa mbongi yi baakateele «Mapombo ma Soolomo».

Looma 12:5

Bumosi kaka, tso lili ba balahi, bisu a benu lili nyutu ndulu mosi itwadi na Kristo, na lili itwadi bana na bana we binama bya nyutu ndulu mosi.

Filiipo 1:27

Pasi bu buuyiila, dyataani we bu hwayelemene na Musamu wu Mubwe wa Kristo. Tso me nzidi, tso me pelinza, me mbanzuha babaaleele ti, benu laavangama mu matsimi mamosi, na lili mu usala itwadi mu mutima mumosi, mu ulwanila Musamu wu Mubwe wu bisu laayaki.

1 Peetelo 3:8

Ni mu buuna, baani benu boosi matsimi mamosi. Baani na kwili lingebe mu bana, na bulembo, na litondo li mutima na kulimini.

1 Peetelo 4:11

Tso muutu li na bungodu bu utoyo, nde afwana uyabisa Mambu ma Nzambi. Tso muutu li na bungodu bu usalisa bambahi, nde afwana usalila bwo na mifudi mi Nzambi ubaava nde. Saani buuna mana mu moosi, Nzambi ayaka muyusu mu Yisu Kristo, mu nde huli na muyusu na matwala mu bilima na bilima. Ameni!