Mavanga 4:27 - Musamu wu Mubwe

²⁷ Ni mbuli: Eloode na Ponse Pilaato baamipfutana mutso musyenge mowunuwu. Bo baamipfutana itwadi na baatu ba matsi ma bumwenyi, na bisu Isereli, mu ubelele musalili a we wa ngidi, Yisu. Nde wuuna wu we asoolo Masiya.

Mavanga 4:27 ပူးပေါင်းရင်းမြစ်များ

Luuka 1:35

Pofi afutili nde: «Livupu la Ngidi lu ukulamana ŋa yulu a we, na matwala ma Nzambi a Pungu mu ufuuha we mu posi a mo. Ni mu buuna, mwana wa ngidi wu bu ubuta, sa bateele nde Mwana a Nzambi.»

Luuka 22:63

Baatu ba baakakelese Yisu baakakwede nde, na baakatete nde.

Luuka 23:1

Pfuundu banzonzi yoosi yatelimi na yabiti Yisu huli mutumi Pilaato.

Luuka 4:18

«Livupu la Pfumu lili ŋa yulu a me, mu toni ati, Pfumu amiisoolo me mu uyabisa Musamu wu Mubwe huli biyaha. Nde atsindihi me mu uleele huli ba baakangama: “Benu ka bunyanga!” Mu uleele huli binzimana: “Benu lu umono!” Nde atsindihi me mu uyobolo babali mu munyongi,

Luuka 9:22

Na nde abinduli ti: «Hwafwana ti Mwana a muutu amono pasi yindahi. Bapfumu, bakuutu ba banganga ba Nzambi na balongisi ba mikeele sa banyanza nde. Hwafwana ti baduba nde, na nde sa asuuha mu lipfu mu ilumbu hi bitatu.»

Yowani 1:11

Nde ayidi huli baatu ba nde, ka baatu ba nde a baayaki nde ve.

Yowani 10:36

Na me, Taata asoolo me na nde atsindaha me mu tsi. Ni mu buuna, me ndeeli ti: “Me ndi Mwana Nzambi.” Ka buni benu lili mu uleele ti me ndi mu utsafula Nzambi?

Yowani 18:28

Bamata hu nzo a Kayifa, bo baabiti Yisu hu nzo mutumi ŋa hati a ngwali. Ba baabiti nde, a baakoti mu nzo ve, mu uvelesumaha na mu toni udya Paake.

Yowani 18:29

Ni mubuuna, mutumi Pilaato hasusihi hupedu a bo humbadi. Nde afuuli bo: «Mu ki dyambu benu lili mu ukese bahala molinili?»

Yowani 19:34

Lisadaadu limosi laapihi nde libanzi mu kongo. Mu mawasa, makila na mamba byapali mu nyutu a nde.

Mavanga 10:38

Benu liyabi buni Nzambi hasooli Yisu musi Nazareti, na nde aluusi nde mu Livupu la Ngidi na mu matwala ma nde. Benu liyabi ka buni Yisu hakataangila, mu uvanga mamabwe na ubeloso boosi ba baaba baakangama hu tsina matwala ma mukuyi. Nde hasiidi buuna, bu Nzambi habeedi itwadi na nde.

Mavanga 2:27

Mu toni ati, we Nzambi, we a unyahula me mu tsi a babaakwa ve. We a usiingasa kaka ve ti me, musalili a we wa ngidi, nyutu a me yibolo hutso a ngila.

Mavanga 4:30

Mwese matwala ma we, mana babeedu babeeloho. Nyaha bilimbu na bimaangu bivangama mu nduhi a Yisu, musalili a we wa ngidi.»