Mavanga 3:6 - Musamu wu Mubwe

⁶ Buuna Peetelo aleeli nde: «Me a handi na mbongo, tso wolo ve. Ka bi me ndi na byo, me miipa we byo, mu nduhi a Yisu Kristo musi Nazareti: teleme na takula!»

Mavanga 3:6 ပူးပေါင်းရင်းမြစ်များ

Yowani 19:19

Pilaato atumi ubandiha baya ŋa kuruwa a Yisu. Baya li baaba baasonehe bunuubu: «Yisu musi Nazareti, Mutumi Bayudaayo.»

Mavanga 10:38

Benu liyabi buni Nzambi hasooli Yisu musi Nazareti, na nde aluusi nde mu Livupu la Ngidi na mu matwala ma nde. Benu liyabi ka buni Yisu hakataangila, mu uvanga mamabwe na ubeloso boosi ba baaba baakangama hu tsina matwala ma mukuyi. Nde hasiidi buuna, bu Nzambi habeedi itwadi na nde.

Mavanga 16:18

Nde akasa buuna, bilumbu bibilahi. Hu tsyelele, Pahuli afwengi na akinguhi mu uleele huli livupu moliina: «Mu nduhi a Yisu Kristo, me miituma we mu upala mu nuumba moyiniyi!» Masulubete, livupu laapali mu nyutu a nde.

Mavanga 2:22

Benu bisu Isereli, yuhani ma me undeele benu, mu toni a Yisu musi Nazareti. Ni bahala li Nzambi hasilasa ŋa busu bwa benu, mu bipadi na bilimbu bi Nzambi hasa mu nde ŋa hati la benu. Benu mwakulu liyabi ma nde havangi.

Mavanga 2:36

Ni mu buuna, baatu boosi ba Isereli baafwana uyaba mu mbuli yoosi ti: Yisu wu benu laakomini ŋa kuruwa, Nzambi amiibyalisa nde Pfumu na Kristo.»

Mavanga 3:16

Mu toni imiinu hi lili na hyo mu nduhi a Yisu, matwala ma nduhi a nde maabweva mifudi huli muutu mo wu benu limiimono, na wu benu liyabi. Ni imiinu hi nde ali na hyo mu Yisu, himiibeloso nde nzyeni ŋa busu bwa benu.

Mavanga 3:5

Nde atali bo na hiitu hyosi, mu toni ati, nde akakeele uyaka isiha huli bo.

Mavanga 3:7

Titswene, Peetelo akangi nde mu hoho hwa mbahala, atelimisi nde. Masulubete, miilu mya nde na makede byahwadi.

Mavanga 4:10

Bisu litondi ti benu litsikaha dyambu molinili bubwe, benu boosi, napa baatu ba Isereli boosi. Tso bahala molinili, lili polo ŋa busu bwa benu, ni mu toni a nduhi a Yisu Kristo, musi Nazareti. Yisu wu benu laakomini ŋa muti, na wu Nzambi hasuuli ŋa hati la babaakwa.

Mavanga 4:7

Bo baabiti bilumbi ŋa busu bwa bo, na bafuuli byo: «Mu ki matwala, buve mu nduhi a na benu limiibeloso muutu mowunuwu?»

Mavanga 9:34

Peetelo ni uleele nde: «Ene, Yisu Kristo miibeeloso we! Teleme na vanga taangi a we, we mwakulu.» Mu mawasa, Ene atelimi.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.

1 Peetelo 4:10

Pasi muutu ŋa hati la benu, abaasalila bungodu bu Nzambi hava nde mu ukumbasa bana. Baasaani buuna, mana benu liba bakeelisi ba babwe, ba hyese hi hilahi hya Nzambi.