Mavanga 3:26 - Musamu wu Mubwe

²⁶ Ni mu toni a benu, Nzambi hatswamisi utelemese musalili a nde. Nde atsindihi nde mu usyeme benu na mu usa ti muutu-muutu mu benu, atahuha na mavanga ma nde mamabi.»

Mavanga 3:26 ပူးပေါင်းရင်းမြစ်များ

Luuka 24:47

Bo baabwesonehe ti, sa balongese mu nduhi a nde, Musamu wu Mubwe huli baatu ba matsi moosi. Mana bo basobo mbiili a bo, na bayaka nyahulili masumu. Bo sa batswamina ulongese mo hu musyenge a Yeruselemi.

Yowani 4:22

Benu bisu Samariya, benu a liyaabi na benu lili mu ukuunda ve. Ka bisu Bayudaayo, bisu liyaabi na bisu lili mu ukuunda. Mu toni ati, liyobolo ubaamata huli Bayudaayo.

Mavanga 1:8

Ka benu lu uyaka matwala, bu Livupu la Ngidi lukulamana ŋa yulu a benu. Benu lu uba bambangi ba me mu Yeruselemi, mu itanzi hya Yuda hyosi na hya Samariya, nate hu hwasuka toto.»

Mavanga 13:26

«Baana ba ngu a me, benu ba imbisa hya Abrahami, na ba bubaakiinza Nzambi. Ni huli bisu a benu boosi, Nzambi hatsindaha musamu liyobolo wunuwu.

Mavanga 2:24

Ka Nzambi asuuli nde mu babaakwa, na ayobili nde mu mapasi ma lipfu. Mu toni ati, lipfu a laabahi matwala ma ukanga nde ve.

Mavanga 2:32

Nzambi asuuli nde ŋa hati la babaakwa. Yisu mo wu me ndi mu unzambila mu nde wunuwu. Bisu boosi lili bambangi.

Mavanga 26:20

Ka me anzaabisa Musamu wu Mubwe, tsomi huli bisu Damaseko, bisu Yeruselemi, ba itanzi hya Yuda yoosi na ba matsi makima. Me ateele bo mu usobo mbiili. Bo bakiinguha huli Nzambi, na umwese mu mavanga tsobiili moyina.

Mavanga 3:13

Nzambi a Abrahami, wa Isaki na wa Yakobi, Nzambi bakaaha ba bisu, miimwese muyusu a musalili a nde Yisu. Benu mwakulu laayehuli nde huli bakuutu, na utuna nde ŋa busu bwa Pilaato. Humbisa utsikaha mambu, Pilaato abeedi na tsimi yi unyahula nde.

Mavanga 3:15

Buuna, benu laatumi uduba Pfumu a monyi. Ka Nzambi asuuli nde mu babaakwa, na bisu lili bambangi ba mambu momaana.

Mavanga 3:20

Buuna Pfumu Nzambi uva benu matangu ma pumili. Nde utsindaha benu Yisu, ni Kristo wu nde hasooli mu toni a benu.

Mavanga 3:22

Ka Moose aleeli: “Pfumu Nzambi a benu utsindaha mumosi ŋa hati la baana ba ngu a benu, mumbihuli we me. Benu laafwana uyuha moosi ma nde huleele benu.

Mavanga 3:25

Benu lili baana ba mimbihuli, na ba lahi li Nzambi hakuti na bakaaha ba benu, ŋa nde haleeli huli Abrahami ti: “Mu bikiisa bya we, me utsyeme bibandu byosi bya ŋa toto.”

Looma 1:16

Me a handi na tsonyi mu uyaabisa Musamu wu Mubwe ve, mu toni ati, Musamu wu mubwe ni matwala ma Nzambi ali mu usalila, mu uyobolo pasi nde wu li mu usiila nde imiinu. Hati a tsomi mu Bayudaayo, titswene mu Bangeleke.

Looma 15:29

Na me nzabi ti ŋa me unziila benu, ni na lisyeme la Kristo li lafulala me unza.

Looma 15:8

Ka li me ndi mu utsilasa ni liniili: hati a tsomi, Kristo ayidi mu usalila Bayudaayo mu usilasa ti Nzambi li mu uleele mbuli. Ni mu liina, nde hakuhisi malahi ma Nzambi asiidi huli bakaaha ba bo.

1 Peetelo 1:3

Ba wu baasyeme Nzambi, Taata a Pfumu a bisu Yisu Kristo! Mu bunene bwa kwili a nde lingebe, nde amiiva bisu monyi wu munyatihi, mu tsuuhili a Yisu Kristo ŋa hati la babaakwa. Nde hasiidi buuna, mana bisu liba na hiitu hi hili monyi.

1 Peetelo 3:9

A lifutala lilibi mu lilibi ve, tso ituhi mu ituhi ve. Ka futalaani bunuubu: «Nyaha Nzambi asyeme benu!» Mu toni ati, ni muliina Nzambi hateele benu, mana benu liyaka lisyeme.

Yude 1:24

Nzambi li na matwala ma ukeelese benu, mana benu livelebwa mu masumu. Na nde ni wu usa ti, benu limonehele baatu ba baavele ipiha, na ba baaluula mu kinya ŋa busu bu muyusu a nde.