Mavanga 3:25 - Musamu wu Mubwe

²⁵ Benu lili baana ba mimbihuli, na ba lahi li Nzambi hakuti na bakaaha ba benu, ŋa nde haleeli huli Abrahami ti: “Mu bikiisa bya we, me utsyeme bibandu byosi bya ŋa toto.”

Mavanga 3:25 ပူးပေါင်းရင်းမြစ်များ

Luuka 1:72

Nzambi amwesi kwili a nde lingebe huli bakaaha ba bisu. Na nde ayibwili monyi mu lahi la nde la ngidi.

Mavanga 13:26

«Baana ba ngu a me, benu ba imbisa hya Abrahami, na ba bubaakiinza Nzambi. Ni huli bisu a benu boosi, Nzambi hatsindaha musamu liyobolo wunuwu.

Mavanga 2:39

Mu toni ati, lahi la Nzambi baasiidi mu benu, mu baana ba benu. Lahi la Nzambi baasiidi mu boosi ba bali hu matsi ma lala, na mu pasi muutu wu Pfumu Nzambi a bisu hu uteele.»

Looma 15:8

Ka li me ndi mu utsilasa ni liniili: hati a tsomi, Kristo ayidi mu usalila Bayudaayo mu usilasa ti Nzambi li mu uleele mbuli. Ni mu liina, nde hakuhisi malahi ma Nzambi asiidi huli bakaaha ba bo.

Looma 4:13

Ni mu buuna, Nzambi asiidi lahi huli Abrahami na imbisa hya nde, ti bo sa babyalila tsi. Lahi moliina basiidi lo, a mu toni ati Abrahami asiingili Mikele ve, ka mu toni ati Nzambi asiingi ti nde li wu akuha mu imiinu.

Ngalaatiya 3:16

Ni buuna ka, Nzambi hasiidi malahi ma nde huli Abrahami na huli mwana a nde. Ma baasonehe a mali mu uleele ve ti: «Huli baana ba nde». Ka we wu uleele ti, hi hyabaha babalahi. Ma basonehe ma Ngidi mali mu uleele ti: «Huli mwana nde.» Ni mu umwese ti ndulu muutu mumosi akangama mu lo, ni Kristo.

Ngalaatiya 3:29

Umono ti benu lili ba Kristo, benu lili imbisa hya Abrahami. Na benu sa liba babyalili ba mukobe wu Nzambi hasiidi lahi huli Abrahami.

Ngalaatiya 3:8

Nzambi aleeli mu mambu ma nde, ti nde sa akitusa babavele Bayudaayo mu uba baatu ba baakuha mu imiinu ŋa busu bwa nde. Ni mu buuna, nde abweleele huli Abrahami dyambu lilibwe li: «Nzambi sa asyeme bibandu bya ŋa toto byosi, mu toni a we.»