Mavanga 3:13 - Musamu wu Mubwe

¹³ Nzambi a Abrahami, wa Isaki na wa Yakobi, Nzambi bakaaha ba bisu, miimwese muyusu a musalili a nde Yisu. Benu mwakulu laayehuli nde huli bakuutu, na utuna nde ŋa busu bwa Pilaato. Humbisa utsikaha mambu, Pilaato abeedi na tsimi yi unyahula nde.

Mavanga 3:13 ပူးပေါင်းရင်းမြစ်များ

Luuka 22:57

Ka nde atuni na aleeli: «Mukaasu, me a nzaabi nde ve!»

Luuka 23:4

Pilaato aleeli huli bakuutu ba banganga ba Nzambi na huli konge a baatu: «Me a handi mu umono toni yi yayelemene mu ubelese bahala molinili ve.»

Luuka 6:37

A litsundasa ve, mana Nzambi a hatsundasa benu ka. A lisyembe ve, baasaani bana kolo-kolo, mana Nzambi asa benu ka kolo-kolo.

Yowani 12:16

Hu mbaandihili, bayihi ba nde a baatsikihi ma maakavyoho ve. Ka humbisa a hu Yisu hasyenuhi mu muyusu, bo baayibuhili monyi ti mambu momaana aba baasonehe mu nde. Bo baayibuhili kaka monyi mu mambu ma maavyohi mu ilumbu mohiina.

Yowani 18:40

Na bo baabwefulaha: «Naana, a nde ve! Nyahula bisu Barabasi!» Kaahu Barabasi aba mutaani.

Yowani 19:11

Yisu afutili: «We a hakiba na matwala mu me ve, tso mo a mamati huli Nzambi ve. Ni mu buuna, wu yehuli me huli we, bahi toni yi lisumu li linene hwafulala we.»

Yowani 19:12

Umata tangu moyiina, Pilaato akasaha unyahula Yisu. Ka Bayudaayo baakafulaha: «We unyahula nde, we a hali mbahi a mutumi Kayisali ve. Pasi muutu wu ubaabilumana pfumu a tsi, li muboho a Kayisali.»

Yowani 19:15

Na baabwi mu ufulaha: «Duba! Duba! Komene nde ŋa muti!» Pilaato afuuli bo: «Me komene pfumu a benu?» Ba nganga ba Nzambi ba tsomi baafutili: «Bisu a lili na pfumu mukima ve, ŋa yulu a mutumi Kayisali.»

Yowani 7:39

Yisu haleeli buuna, mu toni a Livupu la Nzambi li boosi ba baasiidi imiinu mu nde, baafwana uyaka. Mu tangu moyiina, Nzambi aba kini a haviidi Livupu ve, mu toni ati Yisu aba kini a hayaki muyusu ve.

Mavanga 22:14

Nde abweleele: “Nzambi bakaaha ba bisu hamiteehele usoolo we, mana we tsikaha litondo la nde. Nde hamiteehele usoolo we, mana we mono Wuna wu Akuha, na uyuha ndaha a nde.

Mavanga 24:14

Ka, me ndi mu utsiinga li ŋa busu bwa we. Me miikoto mu usalila Nzila a Yisu, yi bo bali mu umono we kabu li latahuha na mikele. Ka me ndi mu utsalila Nzambi bakaaha ba bisu. Na me ndi mu utsa hiitu mu moosi ma baasonehe mu tso Mikele na Mimbihuli.

Mavanga 3:12

Bu Peetelo hamoni buuna, nde ayabisi huli bo: «Bisu Isereli, mu hima benu likimuhi mu ipadi mohinihi? Benu litsimi ti, ni mu matwala ma bisu, buve mu ukangama hwa bisu mu Nzambi, bisu limiitelemese muutu mowunuwu. Naana a buuna ve!

Mavanga 3:26

Ni mu toni a benu, Nzambi hatswamisi utelemese musalili a nde. Nde atsindihi nde mu usyeme benu na mu usa ti muutu-muutu mu benu, atahuha na mavanga ma nde mamabi.»

Mavanga 4:27

Ni mbuli: Eloode na Ponse Pilaato baamipfutana mutso musyenge mowunuwu. Bo baamipfutana itwadi na baatu ba matsi ma bumwenyi, na bisu Isereli, mu ubelele musalili a we wa ngidi, Yisu. Nde wuuna wu we asoolo Masiya.

Mavanga 4:30

Mwese matwala ma we, mana babeedu babeeloho. Nyaha bilimbu na bimaangu bivangama mu nduhi a Yisu, musalili a we wa ngidi.»

Mavanga 7:32

“Me ni Nzambi bakaaha ba we, Nzambi ya Abrahami, ya Isaki na ya Yakobi!” Bu hakatsula likamba mu boomo, Moose a habweyehele utala ve.

Looma 9:5

Bo bali imbisa hi bakaaha ba bo, na Kristo mu bumuutu bwa nde li musi ibandu hya bo. Nde ni Nzambi wu li ŋa yulu a byosi. Nyaha ba baasyeme nde tangu yoosi. Amen!