Mavanga 3:12 - Musamu wu Mubwe

¹² Bu Peetelo hamoni buuna, nde ayabisi huli bo: «Bisu Isereli, mu hima benu likimuhi mu ipadi mohinihi? Benu litsimi ti, ni mu matwala ma bisu, buve mu ukangama hwa bisu mu Nzambi, bisu limiitelemese muutu mowunuwu. Naana a buuna ve!

Mavanga 3:12 ပူးပေါင်းရင်းမြစ်များ

Yowani 7:18

Muutu wu ubaatoyo mu nde mwakulu, ubaasaha ndulu muyusu a nde. Ka pasi nde wu ubaasaha muyusu a nde wuuna wu atsindaha nde, ubaaleele imbuli. A hu li na upfuta mu nde tso hoole ve.

Mavanga 13:26

«Baana ba ngu a me, benu ba imbisa hya Abrahami, na ba bubaakiinza Nzambi. Ni huli bisu a benu boosi, Nzambi hatsindaha musamu liyobolo wunuwu.

Mavanga 2:22

Benu bisu Isereli, yuhani ma me undeele benu, mu toni a Yisu musi Nazareti. Ni bahala li Nzambi hasilasa ŋa busu bwa benu, mu bipadi na bilimbu bi Nzambi hasa mu nde ŋa hati la benu. Benu mwakulu liyabi ma nde havangi.

Mavanga 3:11

Bu muutu mowunuwu hakaveletahuha na Peetelo buna Yowani, boosi hutso a kimwili, baahidumini huli bo hu mbongi yi baakateele «mbongi a Soolomo».

Mavanga 3:13

Nzambi a Abrahami, wa Isaki na wa Yakobi, Nzambi bakaaha ba bisu, miimwese muyusu a musalili a nde Yisu. Benu mwakulu laayehuli nde huli bakuutu, na utuna nde ŋa busu bwa Pilaato. Humbisa utsikaha mambu, Pilaato abeedi na tsimi yi unyahula nde.

Looma 11:1

Ni mu buuna, me ndi mu upfuula: Nzambi baatu ba nde hanyasula? Naana, ubila ve! Me mwakulu muutu hu Isereli me ndi, wu imbisa hya Abrahami, wa buli la Benyamini?

Looma 9:4

Bo ni bisu Isereli: Nzambi akitusa bo baana ba nde. Nde amwese bo muyusu a nde, nde asiidi likoongo na bo, na aviidi bo Mikele, nde alahi bo buni bo baafwana uyuusa nde, na nde asiidi bo malahi.