Mavanga 3:1 - Musamu wu Mubwe

¹ Peetelo na Yowani baakumi hu nzo a Nzambi mu lisambulu mu ngunga yi matatu ya humbisa a mwangulu.

Mavanga 3:1 ပူးပေါင်းရင်းမြစ်များ

Luuka 1:10

Mu tangu yi Zakariya hakatsuha bungodu bwa paha a tsulu yimbwe, baatu babalahi baaba mu usambila Nzambi hu mbadi.

Luuka 18:10

«Babahala boole baakumi hu nzo a Nzambi mu usambila. Mumosi aba Mufarisi, na wuna mukambi limandu.

Luuka 22:8

Yisu atsindihi Peetelo na Yowani hu busu na aleeli bo: «Yavangilaani bisu ilaambu hya Paake.»

Luuka 24:53

Bo baakapfuutana tangu yoosi mu litandala la nzo a Nzambi na baakayusa Nzambi.

Yowani 21:7

Na muyihi wu Yisu haba hatondo, ni uleele Peetelo: «Nde ni Pfumu!» Bu Simoni Peetelo hayuhi ti «nde ni Pfumu», nde apoti ikutu mu luungu la nde, mu toni ati nde aba pene, na nde abwidi mu mamba.

Mavanga 10:3

Ilumbu imosi, bebele na ngunga yi matatu ya humbisa a mwangulu, nde asi imono-miisu. Nde amoni pa yalala pofi a Nzambi mu ukoto mu nzo a nde. Pofi ateeli nde: «Korineye!»

Mavanga 10:30

Korineye afutili: «Loloyi huka bilumbu bitatu. Mu ngunga yi matatu ya humbisa a mwangulu, me katsambilanga Nzambi mu nzo a me. Masulubete, muutu mumosi wu alwata bikutu bi bibaamwedeme, ayateleme ŋa busu bwa me.

Mavanga 2:46

Pasi ilumbu, mu mutima mumosi, bo baakaba ŋa litandala la nzo a Nzambi. Bo baakakabasana byudya bya bo, mu itwadi mu manzo ma bo, na baakadya na kinya, mutima wu ayaluha.

Mavanga 3:3

Nde amono Peetelo na Yowani ba baakakoto mu nzo a Nzambi, nde avondi bo mbongo.

Mavanga 3:4

Peetelo na Yowani baasungimini nde, na Peetelo aleeli nde: «Tala bisu!»

Mavanga 4:13

Baatu ba pfuundu bakuutu baakimuhi hu ulahi, mu umono tsiki a Peetelo na Yowani. Bo baamoni ti bo baatu ba baakulamana, na ba baavele a nzaabili. Bo baayabi ti, bo baaba itwadi na Yisu.

Mavanga 5:25

Titswene muutu mumosi ayayaabisa bo: «Yuhaani! Baatu ba benu laabwaha mu kondaayi, babanaa mu litandala la nzo a Nzambi mu ulongese baatu.»

Mavanga 8:14

Bu bilumbi bi byaba hu Yeruselemi byayuhi ti bisu Samariya baasiingi mambu ma Nzambi, bo baatsindihi Peetelo na Yowani.

Ngalaatiya 2:9

Yaki, Peetelo na Yowani ba baaba makunzi ma libundu, baasilisi ti Nzambi, mu hyese hya nde, aviidi me mupfuna wu uyabisa Musamu wu Mubwe huli bangoyi. Na bo baayasiimba bisu a Baranabasi, mu umwese ti bisu a bo laayuhisini mu uba likoongo. Ni mu buuna, bisu a bo laakesi mu itwadi, ti bisu liyakuhasa isalu ŋa hati li bangoyi, mana bo bayasala ŋa hati la buli la ba baakete.