Mavanga 27:6 - Musamu wu Mubwe

⁶ Huuna, mukuutu masadaadu, amoni likuumbi li laapali mu musyenge a Alekizandi, mu uyene hu tsi a Italiya. Buuna, nde akotisi bisu mu tso likuumbi mo.

Mavanga 27:6 ပူးပေါင်းရင်းမြစ်များ

Mavanga 18:2

Huuna, nde abwani na Muyudaayo mumosi nga nduhi Akilasi. Muyudaayo mowunuwu, musi musyenge a Ponte. Mu bilumbu mobiina, nde amati hu tsi a Italiya na mukadi a nde Pilisile. Nde hamati huuna, mu toni ati Koloode, pfumu a Looma, avoli kesili ti Bayudaayo boosi, baafwana upala mu Looma. Pahuli ayeni huli Akilasi na Pilisile.

Mavanga 18:24

Muyudaayo mumosi ayidi hu musyenge a Efeso, nduhi a nde Apoloosi, wu baabuti hu Alekizandi. Nde aba muutu wu ubaatoyo bubwe, na nga buyedi wu akangama mu ma baasonehe ma Ngidi.

Mavanga 27:1

Bu bisu laavoli kesili mu uyene hu Italiya mu likuumbi, batumi baayehuli Pahuli na mwa litangu li bikondaayi ŋa myoho mi mukuutu masadaadu Yuliyusi. Muutu mowunuwu akatuma kabu li balwani li baakateele «kabu la nga tsi».

Mavanga 28:11

Humbisa batsungi batatu, bisu laanami mu likuumbi la nduhi «banzambi ba mavasa», li laakatalisa hu musyenge a Alekizandi. Likuumbi moliina, laavyosi maangala hutso a ngulu makuumbi a iliiŋa mohina.

Mavanga 6:9

Mwa litangu la baatu layakaakana na nde. Baatu mobaana aba ba kabu la baatu ba nzo lisambulu yi Bayudaayo, li bakateele kabu li «baviha na ba baaba bunyanga». Kabu mo aba na Bayudaayo ba misyenge mya Kilene na ba mya Alekizandi. Itwadi na bakima ba hu itanzi hya Silisiya, na ba tsi ya Asiya, bo boosi baakakini na Etyene.