Mavanga 27:4 - Musamu wu Mubwe

⁴ Bu laamati ŋaana, bisu laalondi simu li laasweme li iliiŋa hya Kipere, mu toni ifula hi hyakayabwana bisu.

Mavanga 27:4 ပူးပေါင်းရင်းမြစ်များ

Luuka 8:22

Ilumbu himosi, Yisu akoti mu bootehe na bayihi ba nde. Nde aleeli bo: «Tswendaani hu simu lina la dyanga.» Buuna, bo baayeni.

Mavanga 13:4

Livupu la Ngidi laatsindihi Baranabasi na Sahuli. Bo baakulimini hu ngulu yi makuumbi ma nzali mubaatsikama, hu bo baanami mu likuumbi la nzali mu uyene hu iliiŋa hya Kipere.

Mavanga 15:39

Buuna, paha yinene yatelimi, na bo baakabuhi. Baranabasi avoli Malako, na bo boole baayeni hu iliiŋa hya Kipere.

Mavanga 21:16

Kabu li bayihi ba musyenge a Sezare, laayabiisala bisu. Bo baabiti bisu huli muutu wu avangimi mu uyaka bisu hubwa nde. Nduhi a nde Manasoni, musi iliiŋa hya Kipere, wu aba muyihi umata beleve.

Mavanga 21:3

Bu laatoodi bebele mu utalila iliiŋa hya Kipere, bisu laakulimini hu baanda iliiŋa mohina, mu uyene hu tsyelo a tsi a Siriya. Bisu laatsikimi hu simu la kaasu li musyenge a Tiilo, hu baapalisi makatu mu likuumbi.

Mavanga 27:7

Humbisa bilumbu bibilahi, bisu laakayene mu nzali buke-buke, na bisu laamoni pasi yindahi, mu uyato ŋa masungimini ma musyenge a Kinide. Ifula hyakapfubasa bisu mu usuungama mu nzila yi laakatalisa. Buuna, bisu laavyohili hu tsyelo a Salomone, mu upalila hu tsoso iliiŋa hya Kerete, hi hyaswemene bifula.

Mavanga 4:36

Hwaba na muutu mumosi nduhi Yosefi, wu baabuti hu iliiŋa hya Kipere, wu ibandu hya Levi. Bilumbi byakateele nde Baranabasi, mbindulili a nduhi ti: «wu ubaabombesele».