Mavanga 27:1 - Musamu wu Mubwe

¹ Bu bisu laavoli kesili mu uyene hu Italiya mu likuumbi, batumi baayehuli Pahuli na mwa litangu li bikondaayi ŋa myoho mi mukuutu masadaadu Yuliyusi. Muutu mowunuwu akatuma kabu li balwani li baakateele «kabu la nga tsi».

Mavanga 27:1 ပူးပေါင်းရင်းမြစ်များ

Luuka 23:47

Hwaba na muutu mumosi, mukuutu a kama li balwani. Bu nde hamoni buuna, ayusi Nzambi na aleeli: «Ni mbuli, muutu mowunuwu a habeedi na toni ve.»

Luuka 7:2

Huuna, hwaba na mukuutu a kama li masadaadu, wu aba na musalili mumosi wu nde haba hatondo. Musalili mowuuna abeedi na ubeele hwa ŋa pedu lipfu.

Mavanga 10:1

Hu musyenge a Sezare, hwaba na muutu mumosi nduhi Korineye. Nde aba mukuutu a buli la kama (100) li balwani ba musyenge a Looma, wu bubaateele ti «konge ya Itali».

Mavanga 10:22

Bo baafutili: «Mukuutu balwani Korineye, miitsindaha bisu huli we. Nde li muutu wu asungama na wu ubaakinza Nzambi. Ni nde wuna, wu Bayudaayo boosi bubaasilasa mbiili. Pofi a Nzambi ayamonehele na nde, na uleele nde atsiha we hu nzo a nde. Muutu mowuna na nzala uyuha mambu ma we uyaabisa nde.»

Mavanga 16:10

Humbisa a imono-miisu mohina, bisu laatsimi mu mawasa, mu uyene hu Masedonya. Mu toni ati bisu laaba na tadi ti, Nzambi ni wu ateele bisu mu uyalongese Musamu wu Mubwe hu tsi moyiina.

Mavanga 18:2

Huuna, nde abwani na Muyudaayo mumosi nga nduhi Akilasi. Muyudaayo mowunuwu, musi musyenge a Ponte. Mu bilumbu mobiina, nde amati hu tsi a Italiya na mukadi a nde Pilisile. Nde hamati huuna, mu toni ati Koloode, pfumu a Looma, avoli kesili ti Bayudaayo boosi, baafwana upala mu Looma. Pahuli ayeni huli Akilasi na Pilisile.

Mavanga 19:21

Bu misamu momiina myavyohi, Pahuli atsimi uyene hu Yeruselemi mu uvyohele mu bitanzi bya Masedonya na Akayi. Nde akaleele: «Bu me umata huuna, me apfwana uyene ka hu musyenge a Looma.»

Mavanga 21:32

Mu mawasa, mukuutu balwani akungi masadaadu, na batumi ba mo. Nde ayeni lititinu na bo hu tsyelo yi konge a baatu yaba. Bu bo baamoni mukuutu balwani na masadaadu, bo baanyahi utete Pahuli.

Mavanga 22:26

Bu nde hayuhi buuna, mukuutu masadaadu ayayibusa mukuutu balwani: «We buni usa?» Nde aleeli: «Muutu mowunuwu musi Looma ali.»

Mavanga 23:11

Butsuhu bu bwaduukili, Pfumu ayamonehele na Pahuli na aleeli: «Hwada! Mu toni ati we miitiila me imbangi huni, hu Yeruselemi. Ni buuna, we afwana ka uta me imbangi hu musyenge a Looma.»

Mavanga 23:17

Buuna Pahuli ateeli mumosi mu bakuutu ba masadaadu. Nde aleeli nde: «Bita mufudu mbahala mowunuwu, huli mukuutu balwani. Mu toni ati, nde na dyambu li uyabisa nde.»

Mavanga 24:23

Nde atumi mukuutu masadaadu mu ukeelese Pahuli, na uva nde mwa bunyanga. Nde aviidi muswa huli bambaahi ba nde mu uva nde likumbasa.

Mavanga 25:12

Buuna, Fesitusi bu hamani pfuundu na batsyengi ba nde, afutili: «We miitondo ti Kayisaali nde mwakulu nga tsi, atsundasa we. We sa yene ŋa busu bwa nde.»

Mavanga 25:25

Me amono ti nde a habuka dyambu, li bafwana uduba nde mu love. Ka nde mwakulu, bu hatondi ti nga tsi Kayisaali avanga dyambu la nde, me moni ti hwafwana me mu utsindaha nde ŋa busu bwa nga tsi.

Mavanga 27:11

Mukuutu masadaadu aba asuusa hiitu fula-fula mu mubiti likuumbi na mu nga likuumbi, ka a mu mandongi ma Pahuli ve.

Mavanga 27:43

Ka mukuutu wu akatondo ufuuhasa Pahuli, alihi bo mu usa buuna. Nde atumi boosi ba baaba baayaba ubwila, mu uba baatsomi mu ubwa mu mamba na uyene hu simu.

Mavanga 27:6

Huuna, mukuutu masadaadu, amoni likuumbi li laapali mu musyenge a Alekizandi, mu uyene hu tsi a Italiya. Buuna, nde akotisi bisu mu tso likuumbi mo.

Mavanga 28:1

Humbisa a hu laatoodi mbenze ve muhahusunu ve, ni huuna bisu laayabi ti nduhi a iliiŋa mohina aba Malete.

Mavanga 28:16

Bu bisu laayato hu Looma, bakuutu baaviidi muswa huli Pahuli mu utsahala mu nzo a siha, na lisadaadu li laakakeelese nde.