Mavanga 26:18 - Musamu wu Mubwe

¹⁸ Me ndi mu utsindaha we, mana we dibula bo miisu. Me ndi mu utsindaha we, mana we palisa bo mu piipidi, mu uvyoso bo mu liyalala. Me ndi mu utsindaha we, mana we palisa bo hu tsina matwala ma Satana, mu ususa bo hu tsina lituma la Nzambi. Bu bu usiila me hiitu, Nzambi unyahula masumu ma bo, na bo bu ubaha mbuha ŋa hati la ba Nzambi hamiisoolo.”»

Mavanga 26:18 ပူးပေါင်းရင်းမြစ်များ

Luuka 1:77

mu uyabisa baatu ba nde ti nde uyobolo bo, mu umaasa masumu ma bo.

Luuka 1:79

Nde kaka uyalusa ba bali mu pipidi na mu posi lipfu, mana babita bisu mu nzila a hyenze.»

Luuka 2:32

Liyalala mu uyalusa matsi, na muyusu ibandu hya we, Isereli.»

Luuka 24:45

Buuna nde adibuli bo buyedi mana bo batsikaha mambu ma Ngidi.

Luuka 24:47

Bo baabwesonehe ti, sa balongese mu nduhi a nde, Musamu wu Mubwe huli baatu ba matsi moosi. Mana bo basobo mbiili a bo, na bayaka nyahulili masumu. Bo sa batswamina ulongese mo hu musyenge a Yeruselemi.

Luuka 4:18

«Livupu la Pfumu lili ŋa yulu a me, mu toni ati, Pfumu amiisoolo me mu uyabisa Musamu wu Mubwe huli biyaha. Nde atsindihi me mu uleele huli ba baakangama: “Benu ka bunyanga!” Mu uleele huli binzimana: “Benu lu umono!” Nde atsindihi me mu uyobolo babali mu munyongi,

Yowani 17:17

«Mambu ma we ni imbuli, tsyemese bo mu imbuli hya we.

Yowani 3:19

Mono buni tsundusu yuvangama: liyalala laayidi mu tsi, ka baatu baatondi hwa bo piipidi na baatiimbi liyalala, mu toni ati mavanga ma bo mali mamabi.

Yowani 4:10

Yisu ni ufutala nde: «Kini we ayaaba bungodu bwa Nzambi, na tso we kiyaaba na li mu uleele we: “Va me mamba ma unywa”, kini we ni wu kiivondo mamba ma unywa, na nde kiiva we mamba ma monyi.»

Yowani 4:14

Ka muutu wu unywa mamba ma me upa nde, a hubwebaha peyu ve. Mamba ma me upa nde, sa makituha mutswe a nzali mu nde. Ni mutswe a nzali wu ukaapalisa mamba na mifudi, te mu monyi wu bilima na bilima.»

Yowani 8:12

Yisu abweleele konge a baatu: «Me ni liyalala la tsi. Muutu wu uduukala me a hu udyata mu piipidi ve, ka nde sa abaha liyalala la monyi.»

Yowani 9:39

Titswene, Yisu aleeli nde: «Me miinza mu tsi moyiniyi, mana binzimana bimono, na ba bali mu umono, bakituha binzimana. Tsuundusu a me ni yiina.»

Yowani 9:5

Bu me kini mu tsi, me ndi liyalala la baatu boosi.»

Mavanga 10:43

Mimbihuli myosi myatiili nde imbangi. Mono imbangi mo: pasi muutu wu usa hiitu mu nde, yaki linyahula li masumu mu matwala ma nduhi a nde.»

Mavanga 13:47

Buuna monwani ma Pfumu hatuma bisu: “Me atsooli we mana we ba liyalala huli ba baaveleyaba me, mana we bita liyobolo, nate hu tsukusu a tsi.”»

Mavanga 15:9

Nde a hasa lisobosono ŋa hati la bo na bisu ve. Bu bo baasiidi hiitu mu Nzambi, nde atsyemisi ka mitima mya bo.

Mavanga 2:38

Peetelo akaali bo: «Sobwani mbiili, na pasi muutu mu benu batondehe mu nduhi a Yisu Kristo. Saani buuna, mana Nzambi amasa masumu ma benu. Ni huuna benu lu uyaka bungodu bu Livupu la Ngidi.

Mavanga 20:21

Me anzaabisi huli Bayudaayo na Bangeleke, mu usobo mbiili a bo nzyeni. Me ambwenzaabisa bo mu ukiinguha huli Nzambi, na usiingama mu Pfumu a bisu Yisu.»

Mavanga 20:32

Na bunuubu, me nzyehuli benu ŋa myoho mya Nzambi, na mu lituma li Musamu wu Mubwe wa pfuuhili. Nde na matwala ma uhwadisa benu mu imiinu, na uva benu mukobe wu nde haswehele boosi ba baakangama mu nde.

Mavanga 26:19

«Ni mu buuna, pfumu Agilipa, me a hambisa ukuhasa imono miisu hi hyamata hu yulu ve.

Mavanga 26:23

Kristo umono pasi, na nde uba muutu watsomi mu usuuha ŋa hati la babaakwa. Nde uyayabisa Musamu wu Mubwe, wu uli we liyalala li lu uyalusa nzila a bisu, ni we nzila yi mabuli makima moosi.»

Mavanga 3:19

Sobwani mbiili, na yafutahani huli Nzambi, mana nde atsindula masumu ma benu.

Mavanga 5:31

Nzambi asyenuli nde mu matwala ma nde, abyalisi nde we Pfumu na Muyobili. Nzambi hasiidi buuna, mana bisu Isereli basobo mbiili a bo, na bayaka nyahulili masumu ma bo.

Looma 8:17

Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

Ngalaatiya 2:20

Ni mu buuna, a me ndi monyi ve, ka ni Kristo li monyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli monyi a nde mu toni a me.

Ngalaatiya 3:14

Ni mu buuna, lisyeme li baasiidi Abrahami lahi, laatoodi kaka huli bangoyi, mu toni a Yisu Kristo, na mu nzila imiinu, bisu boosi lili mu uyaka Livupu li Nzambi asiidi lahi.

Ngalaatiya 3:2

Me tondi ti benu liva me ndulu mvutu mu hyuhu mohinihi: Benu laayaka Livupu la Nzambi, mu toni a bu benu laakuhasa Mikele mya Moose myosi? Vooti mu toni ati benu laasiidi imiinu mu Musamu wu Mubwe wu benu laayuhi?

2 Timoteho 2:26

Bo utwala uyafutaha mu matsimi ma tsiki, na upala mu myeto mi Mukuyi. Nde wu bedi amiikanga bo ba monyi, mu ususa bo hutso lituma la nde.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.

1 Peetelo 1:4

Tso bisu lili na hiitu mohiina, bisu sa liyaka mukobe wu Nzambi hamiiswehele baatu ba nde. Mukobe mowuuna wu buuveleduba, wu buuvelesa mbindu, ka nde afwana ukeelese umwedeme hwa nde. Nzambi amiiswehele benu nde hu mayulu.

1 Peetelo 2:25

Mu toni ati, benu laabeedi we «mameme ma maadimbala». Ka bunuubu, benu limiifutaha huli Mubungili a benu, na Keedi mivuumu mya benu.

1 Peetelo 2:9

Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.

1 Yowani 1:9

Ka tso bisu lili mu usiinga masumu ma bisu ŋa busu bwa Nzambi, bisu laasuusa hiitu hya bisu mu nde, mu toni ati nde li wu akuha, mu unyahula masumu ma bisu na utsyemese bisu mu mamabi moosi.

1 Yowani 2:12

Baana ba me, me ndi mu utsonehele benu muhanda mowunuwu mu toni ati, Nzambi amiisa kolo-kolo mu masumu ma benu, mu nduhi a Yisu Kristo.

1 Yowani 3:8

Woosi wu ubaakwilala mu usa masumu, li mwana Mukuyi mu toni ati, Mukuyi asiidi masumu umata mbandu a tsi. Ka Mwana a Nzambi hayidi ŋa tsi, mu udyata mavanga ma Mukuyi.

1 Yowani 5:19

Bisu liyabi ti bisu lili baana ba Nzambi, na tsi moyiniyi yoosi yili hutsina matwala ma Nga bubi.

Yude 1:1

Me Yude, muviha a Yisu Kristo na mwana a ngu a Yaki. Me ndi mu utsonehe muhanda mowunuwu, huli boosi ba Taata Nzambi hateele, ba nde hatondo na ba nde ubaakeelese mu Yisu Kristo.