Mavanga 26:16 - Musamu wu Mubwe

¹⁶ Ka suuha na teleme. Me miinzamonehele na we, mana we ba musalili a me. We uba mbangi a me, mu uyayabisa bakima, buni we miibwana na me loloyi. We uyayabisa bo mambu moosi, ma me umbwemwese we.

Mavanga 26:16 ပူးပေါင်းရင်းမြစ်များ

Luuka 1:2

Baatu mobaana ba baasonihi mambu momaana, bo bali bambangi umata mbandu. Bambangi mobaana, baakituhi basalili ba baakalongese mambu ma Nzambi.

Mavanga 1:17

Yuda aba mumosi ŋa hati la bisu a benu, na nde akasala itwadi na bisu.

Mavanga 1:25

mana nde asala isalu hi bulumbi ŋa ikiisa hya Yuda. Nde wuuna wu atimbi isalu hya nde, mu uyene hu mbuha yi yafwana na nde.»

Mavanga 20:24

Ka mu me, idiingu hya me a hili na tsoongo ve. Hya tsoongo huli me, ni mu ukuhasa ma me ndi mu utsa, na isalu hi Pfumu Yisu hamiiva me. Isalu mo, ni ulongese Musamu wu Mubwe wu litondo la Nzambi.»

Mavanga 21:19

Pahuli ayava bo mabwehe. Humbisa, nde ayabisi bo moosi ma Nzambi havangi ŋa hati la ba baavele Bayudaayo.

Mavanga 22:10

Buuna, me apfuuli nde: “Hima me apfwana usa Pfumu?” Na Pfumu aleeli me: “Teleme, yene hu musyenge a Damaseko, na huuna sa bayaabisa we moosi ma we afwana mu usa.”

Mavanga 23:11

Butsuhu bu bwaduukili, Pfumu ayamonehele na Pahuli na aleeli: «Hwada! Mu toni ati we miitiila me imbangi huni, hu Yeruselemi. Ni buuna, we afwana ka uta me imbangi hu musyenge a Looma.»

Mavanga 26:15

Me apfuuli: “Pfumu, we na?” Na Pfumu afutili: “Me ni Yisu, wu we li mu ukwamisa.

Mavanga 6:4

Buuna bisu lu ukaahwada tangu yoosi, mu lisambulu na mu isalu hi ulongese mambu ma Nzambi.»

Looma 1:5

Ni mu toni a Yisu, Nzambi haviidi me hyese hyuba ilumbi hya nde. Mu ubita baatu ba bibandu byosi, mana basiila nde imiinu na basiingala nde.

Looma 15:16

mu uba musalili a Yisu Kristo huli ba baavele Bayudaayo. Me ndi mu utsa isalu hya nganga a Nzambi, hi uyabisa Musamu wu Mubwe a Nzambi, mana ba baavele Bayudaayo bakituha bungodu bu bubwe, bu Nzambi husilasa, bu baamiisyeme mu matwala ma Livupu la Ngidi.

Ngalaatiya 1:12

Mu toni ati, a muutu alongese na uyakisa me nde ve. Ka Yisu Kristo nde mwakulu ni wu abaanguli me nde.

Ngalaatiya 2:2

Me anzyeni huuna mu nzabisili yi Livupu. Me anzaabisi bo Musamu wu Mubwe, wu me umbandongese ŋa hati la ba baavele Bayudaayo. Me ambahi imoho hya ŋa muvanga, na ba baakomo hutso libundu. Titswene, me a hantondi ve ti isalu hi me atsidi hu tsomi, na hi me ndi mu utsa loloyi, hiba hya mupu.

1 Tesalonika 3:2

Bisu latsindaha benu mwana a ngu a bisu Timoteho, wu li tsyengi a me mu isalu hya Nzambi, mu nzabisili a Musamu wu Mubwe wa Kristo. Bisu laatuma nde mu uhwadisa benu na uva benu mandongi mu toni imiinu hya benu,

1 Timoteho 1:12

Me ndi mu upfutala matondo huli Yisu Kristo Pfumu a bisu, wu aviidi me matwala, mu toni ati nde amoni ti me ndi wu apfwana, mu ukuhasa isalu hya nde.

1 Timoteho 4:6

Tso we viidi mandongi momaana huli baana ba ngu, we uba musalili wu mubwe wa Yisu Kristo. We umwese ti, baamiibungala we mu mambu ma imiinu, na mu ndongisili yimbwe yi we ayaki na bukuhu.

2 Timoteho 4:5

Ka we, kuta linyutu la we mu moosi. Kunda mapasi, yabisa Musamu wu Mubwe, na kuhasa bu hwafwana isalu hya we hi musalili a Nzambi.