Mavanga 26:10 - Musamu wu Mubwe

¹⁰ Ni mambu momaana me atsi ka hu Yeruselemi. Me anzaki lituma li bakuutu ba banganga ba Nzambi, na me akotisi mu kondaayi, babalahi mu ba baakasila Yisu hiitu. Na ŋa baakava kesili mu uduba bo, humbisa utsundasa bo, me akatsilasa.

Mavanga 26:10 ပူးပေါင်းရင်းမြစ်များ

Mavanga 7:58

Bo baapalisi nde hu mbadi musyenge, na baalangi nde mamanya mu toni uduba nde. Bambangi baasiisi bikutu bya bo ŋa miilu mi mufudu mbahala mumosi nduhi Sahuli, mu ukeelese byo.

Mavanga 8:1

Na Sahuli asilisi lipfu la Etyene. Ilumbu mo ni hiina, hwabaandihi mbingisili yinene mu Libundu la Yeruselemi. Banga hiitu boosi, vengo bilumbi, baatsamuhi mu bitanzi bya Yuda na Samariya.

Mavanga 8:3

Sahuli, akahwada mu utsala Libundu. Nde akakoto mu pasi nzo, akakaanga banga hiitu, babahala na bakaasu, na ubaabwaha bo mu kondaayi.

Mavanga 9:21

Boosi ba baakayuha nde baakimuhi na baakafulasana: «Be wunuuwu, a ni muutu wu akakwamisa mu mifudi baatu ba baakayusa Nzambi mu nduhi a Yisu hu musyenge a Yeruselemi ve? Na nde a hayidi huni mu usa ukana, mu uyakaanga bo na ubita bo huli bakuutu ba banganga ba Nzambi ve?»

Mavanga 9:26

Bu nde hayato hu musyenge a Yeruselemi, Sahuli ayehili upfuutana na bayihi. Ka boosi baaba na boomo bwa nde, mu toni a bu baaveli na hiitu ti mbuli nde kaka muyihi a Yisu.

Mavanga 9:32

Peetelo wu akataangila tsi yoosi, ayeni ilumbu imosi huli banga hiitu, ba baakatsahala hu musyenge a Lida.

Mavanga 9:41

Peetelo akangi hoho hwa nde na atelimisi nde. Nde ateeli banga hiitu na bakwili, na nde amwesi bo Tabita wu aba monyi.

Ngalaatiya 1:13

Benu laayuhi buni mbiili a me yaaba tangu a tsomi bu me akatsalila bukulu bu Bayudaayo. Me akatsuta libundu la Nzambi mu iteesi hi hyafulala na ubaatsala lo.