Mavanga 22:30 - Musamu wu Mubwe

³⁰ Mukuutu balwani asahi uyaaba mu tsiki, lilibi li nde havanga li Bayudaayo baakese nde. Ni mu buuna, ilumbu hi hyakaduuka, nde anyanguli nde mapanga. Na nde atsihi bakuutu ba banganga na pfuundu bakuutu ba Bayudaayo yoosi. Nde abiti Pahuli mana batsundasa nde ŋa busu bwa bo.

Mavanga 22:30 ပူးပေါင်းရင်းမြစ်များ

Mavanga 21:11

Nde avoli mudi a luungu wa Pahuli, akuti miilu na myoho mya nde mwakulu, na aleeli: «Yuhani mamali mu uleele Livupu la Ngidi: “Bahala nga mudi mowunuwu, Bayudaayo sa bakuta nde mu ifwani mohi hu Yeruselemi, na sa bayeholo nde ŋa myoho mya byenyi.”»

Mavanga 21:33

Buuna, mukuutu balwani ayasusaha hupedu a Pahuli. Nde atumi ukanga Pahuli, na ukutala nde mapanga moole. Titswene nde afuuli nde, nde na haba, na nde hima hasiidi.

Mavanga 22:5

Mukuutu banganga ba Nzambi na pfuundu bakuutu, utwala uta imbangi mu imbuli hya me. Me anzaki mihanda mya tumili mi baaviidi me, mu utoosele huli baana ba ngu ba musyenge a Damaseko. Me atoodi hu musyenge mowuna, mu uyakaanga buli la Yisu, na ubehe lo hu musyenge a Yeruselemi, mana lo liyaka tsyembili.»

Mavanga 23:1

Pahuli asungimini pfuundu Bayudaayo, na aleeli: «Baana ba ngu, me miitsalila Nzambi te ilumbu hya lolo, hwavele munyongo tso hoole.»

Mavanga 23:15

Buuna, benu mu itwadi na pfuundu bakuutu ba Bayudaayo, vondwani mukuutu balwani abehele benu Pahuli. Salilaani buyedi bu uleele ti, benu litondi utsikaha musamu a nde bubwe-bubwe. Hu tsyelo a bisu, bisu laamiivangama mu uduba nde, tswamina nde mu uyato huni.»

Mavanga 23:20

Mufudu mbahala afutili: «Bakuutu ba Bayudaayo baamiiyuhasana, mu uvondo we mu ubita Pahuli ngwali, ŋa busu bwa pfuundu bakuutu ba bo. Bo bamiiveloho ti, pfuundu yoosi yitondi utsikaha dyambu la nde bubwe-bubwe.

Mavanga 23:28

Bu me atsaha uyaba toni yi Bayudaayo baakese nde, me ambita nde ŋa busu bwa pfuundu bakuutu ba Bayudaayo.

Mavanga 23:6

Pahuli aba ayaba ti pfuundu moyina aba kabu limosi li Basaduki, na lina li Bafarisi. Ni mu buuna, nde hafulihi ŋa busu bwa bo: «Bana ba ngu, me Mufarisi ndi, na me mwana Bafarisi. Mu toni a hiitu hya me mu tsuuhili a babaakwa, bali mu utsundasa me.»

Mavanga 26:29

Pahuli aleeli: «Tso mu mawasa ma, tso hu busu, me ndi mu utsaambila Nzambi, mana benu boosi ka lisiingama mu nde. Peyu a me ni ti, benu boosi ba lili mu uyuha me loloyi, likituha we me, hwavele mapanga momanima!»

Mavanga 5:21

Bilumbi byasiingi, byo byayeni hu nzo a Nzambi tsumba a ngwali, na byabandihi ulongese baatu. Mukuutu banganga ba Nzambi, na boosi ba baakasala na nde, baateeli bakuutu ba Isereli mu utsonzomo mu pfuundu yinene. Na baatumisi masadaadu, mu uyavolo bilumbi hu nzo a kondaayi.