Mavanga 22:1 - Musamu wu Mubwe

¹ Pahuli aleeli bo: «Baana ba ngu na bataata ba me, bunuubu yuhani ma me tondi uleele benu, mu toni ulwanila nyutu a me.»

Mavanga 22:1 ပူးပေါင်းရင်းမြစ်များ

Luuka 12:11

Sa baabita benu hu utsundasa hu manzo ma lisambulu li Bayudaayo, ŋa busu bu bakuutu na lituma la tsi. A litsima buni benu lukalila nyutu a benu ve, tso ki mambu benu lupalisa ve.

Luuka 21:14

Yabani li: benu a lu utehele uvangimasa ma benu lu uleele mu ukalila nyutu a benu ve, tso ki mambu benu luupalisa ve.

Mavanga 13:26

«Baana ba ngu a me, benu ba imbisa hya Abrahami, na ba bubaakiinza Nzambi. Ni huli bisu a benu boosi, Nzambi hatsindaha musamu liyobolo wunuwu.

Mavanga 19:33

Mwana a kabu la baatu mu konge, baabinduli musamu huli muutu mumosi nga kumbu Alezande, wu Bayudaayo baakatehese ŋa busu. Alezande asyenuli hoho, mu uyabisa ti nde tondi utoyo. Na nde abinduli ŋa busu bwa konge ti ba bo baakangi, a bali na mbele ve.

Mavanga 23:1

Pahuli asungimini pfuundu Bayudaayo, na aleeli: «Baana ba ngu, me miitsalila Nzambi te ilumbu hya lolo, hwavele munyongo tso hoole.»

Mavanga 23:6

Pahuli aba ayaba ti pfuundu moyina aba kabu limosi li Basaduki, na lina li Bafarisi. Ni mu buuna, nde hafulihi ŋa busu bwa bo: «Bana ba ngu, me Mufarisi ndi, na me mwana Bafarisi. Mu toni a hiitu hya me mu tsuuhili a babaakwa, bali mu utsundasa me.»

Mavanga 24:10

Mutumi avondi Pahuli mu utoyo. Na Pahuli aleeli: «Me nzaabi ti umata bilima bibilahi, we li mu usa buzonzi mu tsi moyiniyi na bukuhu bwosi. Ni mu buuna, me ukala nyutu a me na hiitu ŋa busu bwa we.

Mavanga 25:16

Me anzaabisa bo ti bisu Looma a bali na ipfu hi uvahula pasi nde hu lipfu, hwavele nde umaakala nyutu a nde ŋa busu bu matonyi ma baakese nde ve.

Mavanga 25:8

Ka Pahuli akakala nyutu a nde. Na akaleele: «Me a hatsa lisumu tso limosi ve, tso ŋa busu bu mikele mi Bayudaayo, tso ŋa busu bwa nzo a Nzambi, tso ŋa busu bu lituma la pfumu a tsi, Kayisaali.»

Mavanga 26:24

Bu nde haba mu ukala nyutu a nde, mutumi Fesitusi aleeli na mifudi: «Pahuli, we ka ladi! Bu we amiisinzayiha, buyedi bwaka mu uyamisa we ladi!»

Mavanga 28:17

Bilumbu bitatu bu byavyohi, Pahuli atsihi bakuutu ba Bayudaayo ba hu musyenge a Looma. Bo baayakuukama huli nde mu uyuhala nde. Pahuli aleeli bo: «Baana ba ngu, me a hatsa pasi dyambu lilibi ŋa busu bwa buli la bisu a benu ve, tso unyanza bipfu bi bataata ba bisu a benu. Ka baakangi me hu Yeruselemi hwavele a toni, na baayehuli me ŋa myoho mi bakuutu ba Looma.

Mavanga 7:2

Etyene afutili: «Bataata na baana ba ngu ba me, yuhaani! Nzambi yi muyusu ayamonehele huli kaaha a bisu a benu Abrahami, ŋa nde haba hu itanzi hya Mezopotami. Nde ayamonehele na nde, tswamina nde mu uyatsahala hu musyenge a Harani.

Looma 2:15

Mu mbiili a bo yiina, bo bali mu umwese ti mavanga ma Mikele mili mu utuma, baasonehe mutso mitima mya bo. Tsikihili a bo yi misamu, yili mu uta imbangi. Ni bumosi kaka, matsimi ma mitima mya bo, mubaakese bo, buve mubaavolele bo milembe.

Filiipo 1:17

Kabu la tsomi la baatu, lili mu uyabisa Kristo mu mutima wu mubi. Bo bali mu usa lo na nyengi yoosi mu toni ati, bayabi ti me ndi mu kondaayi. Bo bali mu utsima urangisa mapasi ma me.

Filiipo 1:7

Hu li tsiitsa ti, me mba na matsimi ma bunuubu mu toni a benu boosi. Me ndi mu utondo benu mu mutima a me woosi. Mu toni ati, benu laakumbisi me mu isalu hi Nzambi havidi me, mu hyese hya nde. Benu laakumbisi me ŋa me ambedi bunyanga, mu ulwanila Musamu wu Mubwe, na uyabisa nde na mifudi myosi. Benu a laasuki ŋaana ve, ka benu laakumbisi me kaka nate mu tangu moyiniyi, yi me ndi mu mapanga.

2 Timoteho 4:16

Ŋa me anzakala nyutu a me kala la tsomi, muutu tso mumosi a havolili me milembe ve. Baatu boosi baatiimbi me. Nyaha Nzambi avengolo bo lo!

1 Peetelo 3:15

Ka baayusaani Kristo mu mitima mya benu we Pfumu a benu wa Ngidi. Baavangamaani mu ubaakala linyutu la benu, ŋa busu bwa ba bali mu ufuula benu toni a hiitu hya benu.