Mavanga 20:7 - Musamu wu Mubwe

⁷ Mu ilumbu hya saba ŋa tsitsaha, bisu laakuukimi mu udya itwadi. Pahuli akalongese libundu la Kristo. Bu nde hakiidyenge mu ilumbu hya ndaanda, Pahuli asusili ndongisili a nde nate hu hahati a busi.

Mavanga 20:7 ပူးပေါင်းရင်းမြစ်များ

Luuka 22:19

Titswene nde avoli lipa, afutili matondo huli Nzambi, abukili lo, akabili bo mu bitini na aleeli: «Yiniyi ni nyutu a me yi me piidi mu benu. Saani buuna mu uyibwala me monyi.»

Luuka 24:35

Bo mwakulu baaviidi ikumbu mu ma bo baamoni mu nzila, na buni bo baadihuli Yisu mu tangu a kabili lipa.

Yowani 20:1

Mu ilumbu hya Saba ŋa tsumba a ngwali, Mariya musi Magadala ayeni hu ngila. Nde amoni ti manya la ŋa kotili a ngila baamiimasa.

Yowani 20:19

Tsitsaha a ilumbu mohiina, ilumbu hi limiingu, bayihi baaba baakukama mutso a nzo. Bo baaba badibuha minywa mya nzo mu batsaafi, bu bo baaba na boomo bu bakuutu ba Bayudaayo. Yisu ayidi, ayateleme ŋa hati la bo, na aleeli: «Nyaha hyenze hiba na benu!»

Yowani 20:26

Bilumbu tsambu bivyoho, bayihi baabwekukama mutso a nzo, na Tomasi kaka abeedi ŋaana. Minywa mya nzo myaba baadibuha mu batsaafi. Masulubete, Yisu ayidi, ayateleme ŋa hati la bo na aleeli: « Nyaha hyenze hiba na benu!»

Mavanga 16:10

Humbisa a imono-miisu mohina, bisu laatsimi mu mawasa, mu uyene hu Masedonya. Mu toni ati bisu laaba na tadi ti, Nzambi ni wu ateele bisu mu uyalongese Musamu wu Mubwe hu tsi moyiina.

Mavanga 2:42

Bo baakahwada mu ubaayuha tangu yoosi ndongisili bilumbi, mu ubaatsahala mu itwadi na bana, mu ubaadya na ubaasambila mu itwadi.

Mavanga 2:46

Pasi ilumbu, mu mutima mumosi, bo baakaba ŋa litandala la nzo a Nzambi. Bo baakakabasana byudya bya bo, mu itwadi mu manzo ma bo, na baakadya na kinya, mutima wu ayaluha.

Mavanga 20:11

Bu Pahuli habwekumasa hu ibanga, nde akabi lipa na adidi. Titswene nde abwelongese bulahi nate tsuumba a ngwali, na ayeni.

Mavanga 20:31

Ni mu buuna, kebaani! Yibwalaani monyi ti, mu bilima bitatu, butsuhu na nyangu, me a hakolo mu uva mumosi mumosi mu benu mandongi ve. Mu toni a benu, me ambeedi na matsanga mu miisu.

Mavanga 20:5

Baaniiba ni ba baatswamini mu uyakeele bisu hu musyenge a Tolowasi.

Mavanga 20:9

Mufudu mbahala mumosi, nga nduhi Etikusi, aba atsahala ŋa nenenge liluta. Bu Pahuli hakasusala ndongisili a nde, mufudu mbahala mowunuwu abwamini tolo la kidumana. Hutso a tolo, nde alengumini, na asakuhi umata hu mutaabu mutatu wu ibanga hya nzo. Bu bo baakiitelemese nde, bo baamoni ti nde aba amiimana muvumu.

Mavanga 28:23

Bo baabwesoolo ilumbu ikima, hi ubwepfuutana na Pahuli. Bu ilumbu mohina hyatoodi, bo baayeni huli nde, mu litangu lililahi li laafulala la tsomi. Imoho hyabaandihi ŋa ngwali nate ŋa tsitsaha. Mu ndongisili a nde, Pahuli akalongese na ubindula mambu ma Ipfumu hya Nzambi. Nde akabindula bo mikele mya Moose, na mihanda mi mimbihuli mya Nzambi myasonihi, mana nde abita bo mu ukangama mu Yisu.

2 Timoteho 4:2

Yabisa Mambu ma Nzambi, na mukonono, tso mu tangu yimbwe, tso mu tangu yimbi. Pamina, syembe, hwadisa baatu na kwilala mu ulongese bo na mukami woosi.