Mavanga 20:4 - Musamu wu Mubwe

⁴ Ba baakadyenge na nde ni baaniiba: Sopatere, mwana a Pilusi, musi musyenge a Beere, Arisitake na Sekundusi bisu Tesalonika, Ngayusi musi Derebe, Timoteho, titswene Tisike na Tolofime bisu itanzi hya Asiya.

Mavanga 20:4 ပူးပေါင်းရင်းမြစ်များ

Mavanga 14:20

Ka bu bayihi baadiingi nde, Pahuli atelimi na afutihi hutso musyenge. Ilumbu hi hyaduuki, Pahuli na Baranabasi baayeni hu musyenge a Derebe.

Mavanga 14:6

Ka bu bo baayabi lo, bo baabati hu tsyelo a Lisitele na Derebe, misyenge mya itanzi hya Likawoni, na mala ma bibiingi bya mo bina.

Mavanga 16:1

Pahuli ayeni hu musyenge a Derebe nate hu musyenge a Lisitele. Huuna hwaba na muyihi mumosi, nduhi a nde Timoteho. Ngu a nde aba Muyudaayo wu asiidi hiitu mu Yisu, na taata a nde musi Ngeleke.

Mavanga 16:6

Bu Livupu la Ngidi laalihi bo mu ulongese mambu ma Nzambi hu itanzi hya Asiya, bo bataangili bitanzi bya Filizi na Ngalatiya.

Mavanga 17:1

Pahuli na Silaasi baavyohili mu misyenge mya Apfipolisi na Apoloniya, na baayato hu musyenge a Tesalonika, hu bo baamoni nzo lisambulu yi Bayudaayo.

Mavanga 17:13

Ka Bayudaayo ba hu Tesalonika, baayuhi ti Pahuli aka mu ubwelongese mambu ma Nzambi hu Beere. Bo baayeni huuna, mu uyatuumbasa na usa kele ŋa hati la konge a baatu.

Mavanga 19:29

Buuna, bisu musyenge a Efeso boosi, baakoti mu muyungisi. Konge a baatu yakaangi bisu Masedonya boole, Ngayusi na Arisitake, bambaahi ba Pahuli ba midyenge. Boosi mu mutima mumosi, baabingilili udutaha bo ŋa litandala li mikuungi.

Mavanga 2:9

Ŋa hati la bisu a benu, huli na bisu tsi a Palatesi, ya Mediya na ya Elami. Huli kaka na bisu Mezopotamiya, hu tsi a Yuda na hu Kapadosi, hu Pooti na ba itanzi hya Asiya.

Mavanga 20:16

Kaahu, Pahuli ataasi uveletsikama ŋa musyenge a Efeso, mu uvelevyoso tangu hu itanzi hya Asiya. Mu toni ati, nde akabingalala uto hu musyenge a Yeruselemi, mu ilumbu hya Pentekote tso huyelimini.

Mavanga 20:18

Bu bo baayabiisala nde, Pahuli aleeli bo: «Benu liyabi mbiili a me ŋa hati la benu tangu yoosi, umata ilumbu hya tsomi hya nziili a me mu tsi ya Asiya.

Mavanga 21:29

Bo baaleeli buuna, mu toni ati bo baamoni muutu mumosi, nduhi Tolofime musi Efeso, na Pahuli hutso musyenge. Muutu mowuuna aba musi musyenge a Efeso. Bo baakatsima ti, Pahuli akotisi Tolofime mu litandala la nzo a Nzambi.

Mavanga 27:2

Bisu laakoti mutso likuumbi la Adalamite li laaba mudwe hu ngulu makuumbi yi itanzi hya Asiya, na bisu laayeni. Arisitake, musi Masedonya, wu musyenge a Tesalonika, aba na bisu.

Looma 16:21

Timoteho, tsyengi a me mu isalu mu Kristo li mu uva benu mabwehe. Ni bumosi, Lusyusi, Yasoni na Sozipatere, bikuta bya me, batsindihi benu mabwehe.

Looma 16:23

Ngayusi wu miiyaka me mu nzo a nde, viidi benu mabwehe. Ni huli nde libundu loosi libaakuukama. Erasite, iswehe mbongo hi musyenge, na mwana a ngu Karitusi baviidi mabwehe.

Filiipo 2:19

Me ndi na hiitu mu Yisu Kristo ti, me utsindahala benu Timoteho mawasa-mawasa, me ukwada bu me unzaka matsangu ma benu.

1 Timoteho 1:1

Me Pahuli, ndi ilumbi hya Kristo Yisu. Me ndi mu unzabisa we mu tumili a Nzambi Mufuhisi a bisu, na mu tumili a Kristo Yisu wu uli hiitu hya bisu.

2 Timoteho 1:2

Me ndi mu utsonehele we Timoteho, mwana a me wu litondo: Nyaha Nzambi Taata na Yisu Kristo, Pfumu a bisu bava we hyese, litondo na hyenze.

2 Timoteho 4:12

Me miitsindaha Tisike hu musyenge a Efeso.

2 Timoteho 4:20

Erasite miisaala hu musyenge a Koliinto. Me miitsisa Tolofime, hu ngulu makumbi ma nzali a musyenge a Mile, hutso bubeedu.

Tiite 3:12

Me tsa tsindaha we Aritemisi na Tisike. Bu bo buuyato, a hatamba mu uyabiisala me hu musyenge a Nikopolisi, mu tonyi ati, ni huuna me upyoso mangala.

Filemoni 1:24

Malako, Alisitake, Damasi na Luuka, bambaahi ba me ba isalu, bo kaka batsindihi we mabwehe.

3 Yowani 1:1

Wu ni me mukuutu, ndi mu utsonehe muhanda mowunuwu huli mbahi a me wu litondo Ngayusi, wu me atondo mu mbuli.