Mavanga 2:5 - Musamu wu Mubwe

⁵ Hu musyenge a Yeruselemi, hwaba na Bayudaayo ba baakakiinza Nzambi, ba baamati mu matsi moosi.

Mavanga 2:5 ပူးပေါင်းရင်းမြစ်များ

Luuka 17:24

We bu muvedyavedi ubaamwedeme na uyalusa mayulu tsoso moyi nate yina, ni buuna ka bu uba mu Mwana a muutu mu ilumbu hi nde hu uya.

Luuka 2:25

Hu musyenge a Yeruselemi hwaba na muutu mumosi, nduhi a nde Simeyoni. Nde aba wu asungama na nga likinzu ŋa busu bwa Nzambi. Nde akakeele muutu wu Nzambi hafwana utsindaha mu uyobolo bisu Isereli, na Livupu la Nzambi laaba ŋa yulu a nde.

Luuka 24:18

Mumosi mu bo, nga nduhi a Kelopasi, akaali nde: «Mu boosi ba bali mu Yeruselemi, ndulu ni we dimbili ma mamiivyoho bilumbu mobiinibi?»

Yowani 12:20

Hwaba na Bangeleke ŋa hati la baatu ba baakumisi hu Yeruselemi, mu ukunda Nzambi mu ilumbu hi mukungi a Paake.

Mavanga 10:2

Nde na ikuta hya nde hyosi, baakakinza Nzambi, mu mifudi mya nde myosi. Akabaakwila lingebe na ubaakumbasa biyaha bi Bayudaayo. Nde akasambila Nzambi tangu yoosi.

Mavanga 10:7

Bu pofi wu akatoyo na nde hayeni, Korineye ateeli basalili ba nde boole na lisadaadu limosi, muutu wu asungama. Nde li ŋa hati la ba baabaambana na nde.

Mavanga 13:50

Ka Bayudaayo baasimbilili bakaasu ba biita lilinene, ba baakayusa Nzambi, napa bangeele ba musyenge. Bo baatsumbili kwamisili ya Pahuli na Baranabasi, na baabingi bo mu itanzi hya bo.

Mavanga 2:1

Bu ilumbu hya Pantekote hyatodi, bo boosi baaba baapfutana mbuha mosi.

Mavanga 22:12

«Hwaba huuna, na muutu mumosi nduhi Ananya, muutu wu akinza Nzambi na wu ubaaduukala mikele mya bisu. Nde wuna wu Bayudaayo boosi ba musyenge a Damaseko, bubaatila imbangi hi ibwe.

Mavanga 8:2

Baatu ba baakinza Nzambi, baayadiiha mvumbi a Etyene na baalili hu ulahi mu toni lipfu la nde.

Mavanga 8:27

Mu mawasa Filipo atelimi na ayeni. Nde abiisili muutu wu baaba baavangula, musi tsi a Etyopi mumosi, mukuutu wu munene mu Etyopi. Nde akakeelese busina bwa Kandaase, pfumu wu mukaasu hu Etyopi. Nde wuuna wu ayidi hu Yeruselemi mu uyasambila Nzambi.