Mavanga 2:47 - Musamu wu Mubwe

⁴⁷ Bo baakayusa Nzambi, na baatu boosi baaba na hyese hya bo. Na pasi ilumbu Pfumu akabwese hu kabu la banga hiitu, ba nde hakayobolo.

Mavanga 2:47 ပူးပေါင်းရင်းမြစ်များ

Luuka 19:48

Ka bo a baabahi nzila ve, mu toni ati baatu baakasilasa ma nde hakaleele na isuusi hyosi.

Luuka 2:52

Na Yisu akakula mu nzaabili na mu mutele. Nde akamwese kinya huli Nzambi na huli baatu.

Mavanga 11:21

Matwala ma Pfumu maabeedi na bo. Ni mu buuna, baatu babalahi baasiidi hiitu mu Pfumu na baaduukili nde.

Mavanga 11:24

Baranabasi abeedi muutu wu mubwe, wu aluula mu Livupu la Ngidi na mu imiinu mu Nzambi. Baatu babalahi baabiisili Pfumu.

Mavanga 13:48

Bu ba baavele Bayudaayo baayuhi mambu momaana, bo baaluuli mu kinya na baayusi mambu ma Pfumu. Boosi ba Nzambi hasooli mu ubaha monyi wu bilima na bilima, baasiidi hiitu mu Pfumu.

Mavanga 14:1

Bu Pahuli na Baranabasi baatoodi hu musyenge a Ikoniwumi, bo baakoti mu nzo lisambulu yi Bayudaayo. Huuna, ndongisili a bo yasiidi ti Bayudaayo na ba baavele Bayudaayo, baasiidi hiitu mu Pfumu.

Mavanga 14:21

Pahuli na Baranabasi baamani ulongese Musamu wu Mubwe hutso musyenge a Derebe. Huuna, baatu babalahi baakinguli buyedi mu usa hiitu mu Yisu. Buuna bo baafutihi hu misyenge mya Lisitele, Ikoniwumi na hu Antyokya.

Mavanga 16:5

Mabundu maakahwada mu hiitu mu Nzambi, na maakakula mu litangu la baatu pasi ilumbu.

Mavanga 17:12

Buuna, babalahi mu bo baasiidi hiitu. Na ŋa hati li Bangeleke, bakaasu ba likinzu na babahala babalahi ka, baasiidi hiitu.

Mavanga 2:39

Mu toni ati, lahi la Nzambi baasiidi mu benu, mu baana ba benu. Lahi la Nzambi baasiidi mu boosi ba bali hu matsi ma lala, na mu pasi muutu wu Pfumu Nzambi a bisu hu uteele.»

Mavanga 2:41

Kabu li lilahi laasiingi mambu ma Peetelo hakaleele. Baatondihi bo mu nyahulili a masumu. Mu ilumbu mohiina, we biveeve bitatu (3000) bya baatu baabiisili kabu la banga hiitu.

Mavanga 4:21

Baatu ba pfuundu banzonzi baakanini bo, titswene baanyahuli bo. Bo a baabahi toni yi usyembe Peetelo na Yowani ve, mu toni ati, baatu boosi baakayusa Nzambi mu mambu ma maavangimi.

Mavanga 4:33

Na mifudi mimilahi, bilumbi byakata imbangi mu toni a tsuuhili a Pfumu Yisu. Nzambi akava bo boosi hyese hi ilahi.

Mavanga 4:4

Ka, ŋa hati la ba baayuhi mambu ma Nzambi, babalahi baasiidi hiitu mu Yisu. Buuna, litangu la baatu latodi bebele a biveeve bitanu (5000).

Mavanga 6:1

Mu bilumbu mobiina, litangu li bayihi laakapfuna, Bayudaayo ba baakayambila ndaha a Bangeleke, baakaŋono. Bo baakaŋono mu toni ati, pasi ilumbu, mu tangu a kabili a byudya, Bayudaayo ba baakayambila Ibeleho, baakafumbasa bakwili ba bo ba bakaasu.

Mavanga 6:7

Mambu ma Nzambi maakatsamuha, litangu li bayihi laakakula bulahi hu Yeruselemi. Na litangu lilinene li banganga ba Nzambi, baakasa hiitu mu Yisu.

Mavanga 9:31

Libundu laaba mu hyenze mu bitanzi byosi bya Yuda, bya Ngalili, na bya Samariya. Livupu la Ngidi laakakulasa libundu mu hiitu, na mu likinzu la Pfumu. Litangu la banga hiitu laabwefulala bulahi mu likumbasa li Livupu la Ngidi.

Mavanga 9:35

Bisu Lida boosi na baatu ba hu kumu a Saroni, bu baamoni nde, baasobi mbiili na baasiidi hiitu hya bo mu Pfumu.

Looma 14:18

Ni buuna, woosi wu ubaasalila Kristo mu biteesi mobiina, li wu mubwe ŋa busu bwa Nzambi, na baatu bubaasilasa nde.

Looma 8:30

Baatu ba Nzambi hatswamini usoolo, nde ateeli kaka bo. Ba nde hateeli, nde akitusi bo kaka ba butsiitsa ŋa busu bwa nde, ba nde hakitusi ba butsiitsa, nde aviidi bo kabu li muyusu a nde.

Looma 9:27

Mu ma matali baatu ba Isereli, mumbihuli Esaya li mu uyaabisa: «Ka tso bisu Isereli bali bulahi we musyeŋunyu mu muvanga mubu, ka ndulu baatu hoole ba busaala ŋa hati la bo, bu uyoboho.