Mavanga 2:23 - Musamu wu Mubwe

²³ Muutu mowunuwu baayehuli benu nde, we bu hwaba kesili a Nzambi, nde wu aba ateehele moosi uyaba. Ni benu laadubi nde. Benu ba laayehuli nde huli ba baaveleyaba Nzambi, mana bakomene nde ŋa kuruwa.

Mavanga 2:23 ပူးပေါင်းရင်းမြစ်များ

Luuka 22:22

Mwana a muutu sa akwa we bu huli kesili a Nzambi. Ka ni lingebe huli nde wuna wu usumbasa nde!»

Luuka 22:37

Ka me ndeele benu, hwafwana mu ukuhasa ma mumbihuli a Nzambi hasonehe mu me: “Baasuusi nde mu litangu la banga mamabi, na dyambu mo liinili lafwana utswiha mu toni a me.” Mu toni ati moosi ma baasonehe mu me, sa matswiha.»

Luuka 23:33

Ŋa baayato ŋa mbuha mosi yi baakateele «Ibanga», masadaadu maakomini Yisu ŋa kuruwa, nzila mosi na biyahudi bibyole. Mumosi ŋa mbahala a Yisu, wuna ŋa kaasu a nde.

Luuka 24:20

Bakuutu ba banganga ba Nzambi na batumi ba bisu, baayehuli nde, batsundisi nde nate hu lipfu, na baakomini nde ŋa kuruwa.

Yowani 19:18

Ni huuna, bo baakomini Yisu ŋa muti na baatu boole bakima, ba baakomini mu bakuruwa ba bo. Mumosi baakomini hu mbahala, na wuna hu kaasu na Yisu ŋa hahati.

Yowani 19:24

Masadaadu maalelisini: «linyahaani ukasula hyo, ka litaani hyo ngodo, mu uyaaba na ubaha hyo.» Aba mu toni ati, ma baasonehe mu Mabuuku ma Ngidi matswiha: «Bo baakabisini bikutu bya me, na bo baatidi ikutu hya me ngodo.» Mono mambu ma masadaadu maavangi.

Mavanga 13:27

Ka bisu Yeruselemi na baatumi ba bo a baatsikihi Yisu na ali ve. Ŋa batsundisi nde, bo baakuhisi mambu ma mimbihuli ma bubaataanga pasi ilumbu hya Saba.

Mavanga 15:18

wu ayabisi matsimi ma nde umata beleve.”»

Mavanga 2:36

Ni mu buuna, baatu boosi ba Isereli baafwana uyaba mu mbuli yoosi ti: Yisu wu benu laakomini ŋa kuruwa, Nzambi amiibyalisa nde Pfumu na Kristo.»

Mavanga 3:18

Ka Nzambi hakuhasa buuna, ma nde haba hamiiteehele uyabisa mu minywa mi mimbihuli myosi. Nde aleeli ti Kristo a nde afwana umono munyongi.

Mavanga 4:28

Bo baavangi maana moosi, we bu we atondi na akeesi mo mu hati a tsomi, mu matwala ma we.

Mavanga 5:28

Nde aleeli bo: «Bisu laasa benu mukele mu mifudi mu ubwevelelongese mu nduhi a muutu mowuuna. Ka benu ki lo livangi? Benu limiitsala ndongisili a benu mu musyenge a Yeruselemi woosi, na benu litondi ususa pfuta lipfu la nde ŋa yulu a bisu!»

Mavanga 5:30

Nzambi bakaaha ba bisu amiisuula Yisu mowunuwu, wu benu laadubi mu ukomene ŋa muti a kuruwa.

Mavanga 7:52

Ki mumbihuli bakaaha ba benu baavelitsuta? Bo baadubi boosi ba baayayabisa nziili a wuuna wu asungama. Na bunuubu, nde ni wu benu laayehuli na laadubi.

Looma 2:12

Boosi ba bubaasumaha hwavele uyaaba Mikele mya Moose, buunyambana tso bu baaveleyaaba Mikele momiina. Ka boosi ba bayaabi Mikele na bubaasumaha, buutsundasa bo mu Mikele momiina.

Looma 4:17

we bu ma baasonehe mali mu uleele: «Me atsoolo we taata mabuli mamalahi ma baatu ba tsi.» Nde li taata a bisu ŋa busu bwa Nzambi wu nde ubaasiila imiinu, Nzambi wu ubaafutala monyi huli babaakwa na wu ubaatsunda bi byavele.

1 Tesalonika 2:15

Bo ni ba baadubi Pfumu Yisu Kristo na mimbihuli. Bo baanyongisi bisu kaka. Bo bali bababi ŋa busu bwa Nzambi. Bo bali baboho ba baatu boosi.

1 Peetelo 1:2

Taata Nzambi atswamini usoolo benu, we bu huli matsimi ma nde. Nde miikitusa benu ibandu hya ngidi, mu likumbasa li Livupu la nde. Nde hasiidi buuna, mana benu lisiingala Yisu Kristo, na makila ma nde ma maapuhimi matsyemese benu. Nyaha Nzambi asyeme benu na ava benu hyenze hi hyafulala.

1 Peetelo 1:20

Nzambi asooli nde tswamina paangili a tsi, na mu libwe la benu, nde ayabisi benu Kristo mu tangu mo ya tsyelele yi.

1 Peetelo 2:8

Baabwesonehe bunuubu: «Lo lili manya li libaakubasa baatu baku. Lo lili manya li libaabwisa baatu.» Tso baatu bubaakuba baku mu lo, mu toni ati, bo bubaabisa usa imiinu mu mambu ma Nzambi. Maana ni ma mu uyiila bo.

Yude 1:4

Me ndi mu utsonehele benu, mu tonyi ati, ŋa hati la benu baatu bababi bakima, baamiiyakotelele benu mu tswehi. Bo bali baatu ba baavelekinza Nzambi a bisu, mu usobo bubwe bwa nde mu mbili a bo yi bumbembo. Na bo bali mu utunala ka Yisu Kristo, Mulongisi na Pfumu a bisu mumosi wu. Ka umata beleve, Libuuku la Ngidi laamiiyabisa tsyembili yi bo buyaka.