Mavanga 19:9 - Musamu wu Mubwe

⁹ Ka mitima mya babalahi ŋa hati la bo, myaba miminono. Bo a baakasa hiitu ve, na baakakwede ŋa kuungi la baatu boosi, baana ba baakaduukala nzila a Pfumu. Ka Pahuli atahuhi na bo. Nde abiti bayihi hu nzo a nzihili ya Tiranyusi, na akatoyo na bo pasi ilumbu.

Mavanga 19:9 ပူးပေါင်းရင်းမြစ်များ

Yowani 12:40

«Nzambi adibuhi miisu ma bo, nde aviidi bo kamini mutima, mana bo bavelemono mu miisu ma bo, mana baveletsikaha mu mitima mya bo, mana bavelekingula buyedi na uyafutaha huli me, kini me umbeeloso bo.»

Mavanga 11:26

Bu nde hasooli Sahuli, nde abiti nde hu Antyokya. Bo baboole baavyosi ilima hi itindala itwadi mu libundu moliina. Bo baakalongese mabuli mamanene ma baatu. Hu Antyokya, ni huuna baateeli bayihi ba Yisu hati a tsomi, ti bo «Bakristo».

Mavanga 14:4

Buli li musyenge laakabuhi. Bamosi baakakalila Bayudaayo, bana baakakalila bilumbi bya Nzambi.

Mavanga 17:4

Mwana a baatu bakima ŋa hati la bo, baasiidi hiitu mu mambu momaana, na baabambini na Pahuli na Silaasi. Buuna ni bu hwasiidi kabu lilinene la bisu Ngeleke ba baakayusa Nzambi, na bakaasu babalahi ba likinzu, baayapfuutana na bo.

Mavanga 19:23

Mu tangu moyina, muyungisi wu munene abwidi hu musyenge a Efeso, mu toni a ndongisili yi yatala «Nzila a Pfumu».

Mavanga 19:30

Pahuli akatondo umonehele mu utoyo ŋa busu bwa baatu boosi, ka bayihi baalihi nde.

Mavanga 20:31

Ni mu buuna, kebaani! Yibwalaani monyi ti, mu bilima bitatu, butsuhu na nyangu, me a hakolo mu uva mumosi mumosi mu benu mandongi ve. Mu toni a benu, me ambeedi na matsanga mu miisu.

Mavanga 22:4

Me akwamisi nate hu lipfu, boosi ba baakaduukala Nzila a Yisu. Me atumisi ukanga na ubwaha mu kondaayi, bakaasu na babahala.

Mavanga 24:21

Peleve bo baakaangila me piinga, mu toni a ma me anzaabisa na mifudi myosi, ŋa busu bwa bo. Me atelimi na me andeeli: “Bali mu utsundasa me loloyi ŋa busu bwa benu, mu toni ati, me ndi mu utsa hiitu mu tsuuhili a babaakwa!”»

Mavanga 28:22

Ka bisu litondi ti, we mwakulu yaabisa bisu matsimi ma we. Mu toni ati bibiingi byosi, bisu liyaabi ti baatu bubaabisa kabu li we akangama mu lo.»

Mavanga 7:51

Benu baatu ba lili na mitswe ngolo. Mitima mya benu mili ngototo, na matswi ma benu maakinda mu mambila ma Nzambi. Benu libaabisa usiingala tangu yoosi Livupu la Ngidi! Benu lili we bakaaha ba benu!

Mavanga 9:2

avondi nde mihanda mi uva nde muswa a kotili mu manzo ma masambulu ma Bayudaayo ma hu musyenge a Damaseko. Nde hasiidi buuna, mana bu nde hu ubiisa baatu, babahala tso bakaasu, ba baakaduukala nzila a Pfumu, nde akanga bo na ubita bo hu musyenge a Yeruselemi.

Looma 11:7

Ka hima? Baatu ba Isereli a baabaha hi bo baakasaha ve. Ka ndulu ba nde hasoolo baayaki hi bo baakasaha. Ka uto ti bakima, baamiikondosono bo utsikaha,

Looma 9:18

Ni mu buuna, Nzambi ubaakwila lingebe huli muutu wu nde atondi ukwila lingebe na nde ubaatumbasa woosi wu nde atondi utumbasa.

1 Timoteho 6:5

Mo mubaabehe kaka ukakana hu hwavelefwa, ŋa hati la baatu banga buyedi bu bwatengeme. Bo a baabweyaba imbuli ve. Bo bubaatsima ti imiinu mu Nzambi, ni nzila yi ubahila busina.

2 Timoteho 1:15

We bu we yabi, boosi ba itanzi hya Asiya, baamiitimba me. Baatu we Fizeli na Emozeni.

2 Timoteho 3:5

Bo sa bayusa Nzambi hutso muwala, ka bo bubaatuna ti matwala ma Nzambi matuma idiingu hya bo. Tahuha na baatu mo baana.

2 Timoteho 4:2

Yabisa Mambu ma Nzambi, na mukonono, tso mu tangu yimbwe, tso mu tangu yimbi. Pamina, syembe, hwadisa baatu na kwilala mu ulongese bo na mukami woosi.

2 Peetelo 2:12

Ka milongisi mo mi mapfuta minimi, myafwana na bibulu bi byavele na buyedi. Bo bali we bibulu bi Nzambi havanga mu ukangama mu myeto, mana baduba byo. Milongisi mi mapfuta minimi, mili mu utuha bi bo baaveleyaba. Bo buukwa we bu bibulu bibaakwa.

2 Peetelo 2:2

Baatu babalahi bu uduukala bo hutso a mbiili a bo yimbi. Na mu toni a bo, baatu bu utuha nzila yi imbuli.

Yude 1:10

Ka baatu mobaniba bali mu urokolo bi bo baaveletsikaha. Na bi bo baayaba, bo baayaba byo we bibulu bya bwadi bi byavele buyedi. Mbiili moyina yili mu ubungasana bo.