Mavanga 18:5 - Musamu wu Mubwe

⁵ Ka bu Silaasi na Timoteho baamati hu itanzi hya Masedonya, Pahuli asinzisalila tangu a nde, mu ubaalongese mambu ma Nzambi. Nde akasilasa huli Bayudaayo, ti Yisu ni Masiya.

Mavanga 18:5 ပူးပေါင်းရင်းမြစ်များ

Luuka 12:50

Me apfwana uyaka tondihili mapasi, na me na lehemene mu uyaka yo.

Luuka 16:28

mu toni ati, huuna me na baana ba ngu bataanu. Nde ayayabisa bo, mana bo ka a baya hutso a mbuha munyongi yiniyi.”

Yowani 1:41

Nde ayamono tsomi mwana a ngu a nde Simoni na aleeli nde: «Bisu limiisoolo Masiya!» Masiya mbindulili ni «Kristo».

Yowani 10:24

Bayudaayo baayadiinga nde na baaleeli nde: «Nate ki tangu we usiisa bisu hutso idiba? Tso mbuli we ni Kristo, yaabisa bisu payalala.»

Yowani 15:27

Benu kaka, sa litiila me imbangi, mu toni ati benu lili na me umata mbandu.»

Yowani 3:28

Benu mwakulu lili mu uta imbangi ti me andeeli: “Me, me a handi Kristo ve, ka baatsindihi me ŋa busu bwa nde.”

Mavanga 10:42

Yisu atumi bisu mu ulongese Musamu wu Mubwe huli baatu. Nde atumi bisu mu usilasa ti, nde ni wu Nzambi hatsahisi mu uba nzonzi a babali monyi na babaakwa.

Mavanga 15:22

Buuna bilumbi na bakuutu ba libundu, na libundu loosi baavoli kesili yi usoolo mwa bakima ŋa hati la bo. Na utsindaha bo hu Antyokya, nzila mosi na Pahuli na Baranabasi. Bo baasooli Yude nga kumbu Barasabasi na Silaasi. Bo boole baakuha ŋa hati la bana ba ngu.

Mavanga 16:1

Pahuli ayeni hu musyenge a Derebe nate hu musyenge a Lisitele. Huuna hwaba na muyihi mumosi, nduhi a nde Timoteho. Ngu a nde aba Muyudaayo wu asiidi hiitu mu Yisu, na taata a nde musi Ngeleke.

Mavanga 16:12

Bu laamati huuna, bisu laayeni hu musyenge a Filipo, musyenge wu munene wu itanzi hya Masedonya, wu bisu Looma baatungi. Bisu laavyosi mwa bilumbu huuna.

Mavanga 16:9

Butsuhu mobuuna, Pahuli amoni imono-miisu. Nde amoni musi Masedonya mumosi, wu aba mutele. Na muutu mowuna akabondele nde ti: «Vyohele hu itanzi hya Masedonya, mu ukuumbasa bisu!»

Mavanga 17:3

Mu mambu ma nde hakabindula bo, nde akamwese, we bu mo mali. Masiya afwana umaamono pasi, na usuuha mu babaakwa. Nde akaleele bo: «Yisu mo wu me ndi mu unzaabisa benu wu, nde ni Masiya.»

Mavanga 18:28

Ka mu mifudi myosi, nde akatungalala Bayudaayo ŋa kuungi la baatu boosi, na nde akamwese mu ma baasonehe ma Ngidi, ti Yisu ni Masiya.

Mavanga 2:36

Ni mu buuna, baatu boosi ba Isereli baafwana uyaba mu mbuli yoosi ti: Yisu wu benu laakomini ŋa kuruwa, Nzambi amiibyalisa nde Pfumu na Kristo.»

Mavanga 20:21

Me anzaabisi huli Bayudaayo na Bangeleke, mu usobo mbiili a bo nzyeni. Me ambwenzaabisa bo mu ukiinguha huli Nzambi, na usiingama mu Pfumu a bisu Yisu.»

Mavanga 20:23

Li me nzaabi ni ti, Livupu la Ngidi lili mu uyibusa me: “Mu pasi musyenge, kondaayi na mapasi bili mu ukeele we.”

Mavanga 20:24

Ka mu me, idiingu hya me a hili na tsoongo ve. Hya tsoongo huli me, ni mu ukuhasa ma me ndi mu utsa, na isalu hi Pfumu Yisu hamiiva me. Isalu mo, ni ulongese Musamu wu Mubwe wu litondo la Nzambi.»

Mavanga 4:20

Ka bisu, bisu utwala ubisa mu uyambila mu mambu ma bisu laamono na laayuha ve.»

Mavanga 9:22

Ka matwala ma Sahuli makavyohelele mifudi mu bilongisili bya nde, ti Yisu ni Masiya. Ni mu buuna, Bayudaayo ba hu Damaseko a baabweba na dyambu li uleele ve.

Filiipo 1:23

Me amiiteleme ŋa busu bwa mambu moole. Tsimi a me ya tsomi ni mu ukwa, mana me tsahala na Kristo. Liina ni li lafulala bubwe.

1 Tesalonika 3:2

Bisu latsindaha benu mwana a ngu a bisu Timoteho, wu li tsyengi a me mu isalu hya Nzambi, mu nzabisili a Musamu wu Mubwe wa Kristo. Bisu laatuma nde mu uhwadisa benu na uva benu mandongi mu toni imiinu hya benu,

1 Tesalonika 3:6

Ka bunuubu, Timoteho miiyafutahala bisu, na nde ava bisu matsangu mamabwe mu toni imiinu hya benu na litondo la benu. Nde ayabisa bisu, ti benu a laakolo mu utsima bisu na litondo loosi ve. Na ti benu lili na nzala mu ubwemono bisu, we bu bisu kaka lili na nzala ubwemono benu.

1 Peetelo 5:12

Me atsonihili benu muhanda mowunuwu wu mukusi, mu likumbasa la Silaasi wu me umbaapolo we mwana a ngu a me wu akuha mu imiinu. Me atsonihi nde, mu uhwadisa benu, na mu usilasa ti, benu hutso a hyese hya Nzambi laakangama.