Mavanga 18:12 - Musamu wu Mubwe

¹² Mu tangu yi Ngaliyoni haba mutumi itanzi hya Akayi, Bayudaayo ba baabelili Pahuli, baayuhisini mu itwadi mu ukanga nde. Na baabiti nde hu nzo a tsundusu.

Mavanga 18:12 ပူးပေါင်းရင်းမြစ်များ

Yowani 19:13

Bu Pilaato hayuhi mambu momaana, nde abiti Yisu hu mbadi, na atsahili ŋa itsiha hi mutsuundisi, ŋa mbuha yi bubaateele: «Mbuha yi baayala Mamanya», mu Ibeleho ubaateele «Ngabata».

Mavanga 13:12

Bu pfumu hamoni ma maavyohi, nde asooli nzila a Kristo. Ndongisili yi baasiili nde mu toni a Pfumu, yakotilili nde mu mutima.

Mavanga 13:50

Ka Bayudaayo baasimbilili bakaasu ba biita lilinene, ba baakayusa Nzambi, napa bangeele ba musyenge. Bo baatsumbili kwamisili ya Pahuli na Baranabasi, na baabingi bo mu itanzi hya bo.

Mavanga 13:7

Nde aba abambana na Seregiyusi nga kumbu Pahulusi, pfumu a iliiŋa mohina, wu aba muutu nga buyedi. Nde atsihi Baranabasi na Sahuli, bu haba na peyu yi uyuha mambu ma Nzambi.

Mavanga 13:8

Ka nganga mowuna, nga nduhi a «Elimasi» mu ndaha Bangeleke, abisi ma bo na akasaha ti pfumu a hasoolo nzila a Kristo.

Mavanga 14:19

Bayudaayo ba baamati hu misyenge mya Antyokya na Ikoniwumi baayatumbasa konge. Baateti Pahuli mamanya mu uduba nde, na baadutihi nde hu mbadi musyenge, bu baatsimi ti nde miikwa.

Mavanga 14:2

Ka Bayudaayo bakima ba baavelisa hiitu mu Pfumu, baatumbisi ba baavele Bayudaayo mana bayalwanisa baana ba bangu ba bo ba baasiidi hiitu.

Mavanga 17:13

Ka Bayudaayo ba hu Tesalonika, baayuhi ti Pahuli aka mu ubwelongese mambu ma Nzambi hu Beere. Bo baayeni huuna, mu uyatuumbasa na usa kele ŋa hati la konge a baatu.

Mavanga 17:5

Ka Bayudaayo bakima baamoni nyengi. Bo baakuukihi mwa biyahudi bi byaba mu manzila, na baatumi bo mu usa muyungisi na kele mutso musyenge woosi. Mu mawasa, bo baayapalila muutu mumosi nga nduhi a Yasoni hu nzo a nde, mu usaha Pahuli na Silaasi, mana babita bo ŋa kuungi la baatu.

Mavanga 18:11

Na Pahuli akwilili hu Koliinto ilima imosi na batsungi basamunu, mu ubaalongese baatu mambu ma Nzambi.

Mavanga 18:27

Bu nde haba na tadi yi uyene hu itanzi hya Akayi, baana ba ngu baahwadisi nde. Bo baasonihi muhanda huli bayihi ba huuna, mu uyaka nde bubwe. Bu nde hatoodi hu Akayi, nde abeedi na tsoongo mu ba baasiidi hiitu mu bubwe bwa Nzambi.

Mavanga 19:21

Bu misamu momiina myavyohi, Pahuli atsimi uyene hu Yeruselemi mu uvyohele mu bitanzi bya Masedonya na Akayi. Nde akaleele: «Bu me umata huuna, me apfwana uyene ka hu musyenge a Looma.»

Mavanga 25:10

Pahuli afutili: «Me miiteleme ŋa busu bwa tsundusu yi yili hutso lituma la Kayisaali, ni ŋa baafwana utsundasa me. Me a hatsa dyambu lilibi huli Bayudaayo ve, we bu we mwakulu yaabi lo bubwe-bubwe.

Looma 15:26

Eye, mabundu ma Masedonya na ma Akayi, maakese mu ukukaha bungodu bwa bo, bu ukumbasa ba nga puumbu ba libundu la Yeruselemi.

Looma 16:5

Bilaani kaka libundu li libaatsonzomo mu nzo a bo. Bilaani kaka Epayineti, mbahi a me wu litondo, nde li wa tsomi mu usa imiinu mu Kristo mu itanzi hya Asiya.

1 Tesalonika 2:14

Baana ba ngu, benu laamwese buuna, bu benu laaduukala ifwani hi mabundu ma Nzambi ma Itanzi hya Yude, ma mubaasa imiinu mu Yisu Kristo. Mu toni ati, baatu ba tsi a benu baamwesi benu pasi, we bu mabundu maamoni pasi ŋa busu bu lituma li Bayudaayo.

1 Tesalonika 2:16

Bo bali mu ukala bisu mu ulongese huli ba baavele Bayudaayo, Mambu ma Nzambi ma mu ubehele bo liyobolo. Bo bali mu ukulasa itesi hi masumu ma bo baasidi. Ka kesi a Nzambi yamiibwila bo.

Yaki 2:6

Ka benu limiikumba iyaha! A li buni! Bisina ti ni bi bili mu ukwamisa benu, na ubita benu mu manzo ma tsundusu. A ni buuna ve?