Mavanga 17:4 - Musamu wu Mubwe

⁴ Mwana a baatu bakima ŋa hati la bo, baasiidi hiitu mu mambu momaana, na baabambini na Pahuli na Silaasi. Buuna ni bu hwasiidi kabu lilinene la bisu Ngeleke ba baakayusa Nzambi, na bakaasu babalahi ba likinzu, baayapfuutana na bo.

Mavanga 17:4 ပူးပေါင်းရင်းမြစ်များ

Yowani 7:35

Bayudaayo baalelisini: «Nde huni ali mu dwe, mana bisu luuvelesoolo nde? Nde ka huli Bayudaayo ba bubaatsahala ŋa hati li Bangeleke nde uyene, buve Bangeleke huuyalongese?

Mavanga 13:43

Bu imoho hyafwidi, Bayudaayo babalahi na baatu bakima ba baasiingi uyusa Nzambi, baaduukili Pahuli na Baranabasi. Bo baakahwadisa bo mu ukangama mu Nzambi, wu ubanyahula masumu ma baatu.

Mavanga 13:50

Ka Bayudaayo baasimbilili bakaasu ba biita lilinene, ba baakayusa Nzambi, napa bangeele ba musyenge. Bo baatsumbili kwamisili ya Pahuli na Baranabasi, na baabingi bo mu itanzi hya bo.

Mavanga 14:1

Bu Pahuli na Baranabasi baatoodi hu musyenge a Ikoniwumi, bo baakoti mu nzo lisambulu yi Bayudaayo. Huuna, ndongisili a bo yasiidi ti Bayudaayo na ba baavele Bayudaayo, baasiidi hiitu mu Pfumu.

Mavanga 14:4

Buli li musyenge laakabuhi. Bamosi baakakalila Bayudaayo, bana baakakalila bilumbi bya Nzambi.

Mavanga 15:22

Buuna bilumbi na bakuutu ba libundu, na libundu loosi baavoli kesili yi usoolo mwa bakima ŋa hati la bo. Na utsindaha bo hu Antyokya, nzila mosi na Pahuli na Baranabasi. Bo baasooli Yude nga kumbu Barasabasi na Silaasi. Bo boole baakuha ŋa hati la bana ba ngu.

Mavanga 15:27

Bisu limiitsindaha benu Yude na Silaasi, ni bo mwakulu bu uyabisa ma bisu limiisonehe benu mu muhanda mowunuwu.

Mavanga 15:32

Yude na Silaasi, ba baaba mimbihuli bo mwakulu, baatoyi bulahi na baana ba ngu, mu uhwadisa bo na uva bo mifudi mu imiinu.

Mavanga 15:40

Ka Pahuli asooli Silaasi, na bo ka baayeni, bu baana ba ngu baavondi huli Pfumu mu ukeelese bo, na usyeme bo.

Mavanga 16:3

Pahuli atondi udyenge itwadi na nde. Ni mu buuna, Pahuli haketi nde mu uva likinzu huli Bayudaayo ba ibiingi mohina. Nde hasiidi buuna, mu toni ati Bayudaayo mobaana, aba baayaba ti taata a nde Mungeleke ali.

Mavanga 17:10

Bu busi bwayili, baana ba ngu baatsindihi Pahuli na Silaasi hu musyenge a Beere. Bu baayato huuna, bo baayakoto hu nzo lisambulu yi Bayudaayo.

Mavanga 17:12

Buuna, babalahi mu bo baasiidi hiitu. Na ŋa hati li Bangeleke, bakaasu ba likinzu na babahala babalahi ka, baasiidi hiitu.

Mavanga 17:14

Buuna mu mawasa, baana ba ngu baabatisi Pahuli hu tsyelo mubu mu uvolo likuumbi. Ka Silaasi na Timoteho baasaali hu Beere.

Mavanga 17:17

Nde akasobosono matsimi na Bayudaayo mu nzo lisambulu yi Bayudaayo, napa bakima ba baakakinza Nzambi. Pasi ilumbu, nde akamoho ka itwadi na ba baakaba mu mataandala ma mikuungi.

Mavanga 17:34

Ka mwana a kabu limosi la baatu, baayapfuutana na nde, na baasiidi hiitu mu Yisu. Ŋa hati la bo hwaba Denisya, mumosi wa pfuundu banzonzi ba Ayelopaze, na mukaasu mumosi nduhi Damalisya, na bakima-bakima.

Mavanga 18:4

Pasi ilumbu hya saba, mu nzo lisambulu yi Bayudaayo, Pahuli akalongese mu usaha ukiingula matsimi ma Bayudaayo na Bangeleke.

Mavanga 19:10

Pahuli ahwadi mu ulongese mu bilima byole, mana Bayudaayo na Bangeleke boosi, ba baakatsahala hu itanzi hya Asiya, bayuha mambu ma Pfumu.

Mavanga 2:44

Boosi ba baasiidi hiitu baaba itwadi, na baakapfuuta mbuha mosi byosi bi bo baaba na byo.

Mavanga 21:28

Bo baakafulaha: «Bisu Isereli, yakumbasaani bisu! Monwani muutu mowunuwu li mu uva huli boosi, matsyelo moosi, ndongisili yi yavelebambana na buli la bisu, na mikele mya Moose, na nzo a Nzambi. Ŋaniŋa, nde miiyakotese te ba baavele Bayudaayo mu litandala la nzo a Nzambi, na usumana mbuha ya ngidi yi!»

Mavanga 28:24

Bamosi baasiidi hiitu mu ma nde hakaleele, ka bakima baabisi.

Mavanga 4:23

Bu baanyahuli bo, Peetelo na Yowani baayeni huli bambaahi ba bo. Baayabisi bo ma bakuutu ba banganga ba Nzambi na bakuutu ba bibandu baaleeli bo.