Mavanga 17:30 - Musamu wu Mubwe

³⁰ Kaahu Nzambi asiidi kolo-kolo mu maana moosi, bu baatu baakaveleyaba ma baakavanga. Ka loloyi, nde li mu uyabisa huli boosi, mu mambuha moosi, mu unyongo mu mavanga ma bo, na usobo mbiili a bo.

Mavanga 17:30 ပူးပေါင်းရင်းမြစ်များ

Luuka 13:5

Naana, me ndeele benu! Ka benu livelesobo mbiili, benu ka sa likwa boosi we bo.»

Luuka 15:10

Ni bumosi ka, me ndeele benu, huli na kinya ŋa hati li bapofi ba Nzambi mu toni a nga masumu mumosi wu misobo mbiili.»

Luuka 24:47

Bo baabwesonehe ti, sa balongese mu nduhi a nde, Musamu wu Mubwe huli baatu ba matsi moosi. Mana bo basobo mbiili a bo, na bayaka nyahulili masumu. Bo sa batswamina ulongese mo hu musyenge a Yeruselemi.

Mavanga 11:18

Humbisa uyuha mambu momaana, bo baavudimini, baayusi Nzambi. Bo baaleeli: «Kaahu mbuli, Nzambi amiiva nzila yi usobo mbiili na yi uyaka monyi a mbuli, huli ba baavele Bayudaayo.»

Mavanga 14:16

Mu tsikulu, Nzambi anyahi baatu ba matsi moosi, baduukala manzila ma bo mwakulu baatondo.

Mavanga 17:23

Mu toni ati, me ataangila musyenge a benu, na me atsikaha bifwita bya benu. Mu hati bifwita mobiina, me atsoolo mwa ibanga imosi hya ndongisili, hi baasonehe bunuubu: “Huli nzambi wu baaveleyaba.” Wu benu libaakiinza hwavele uyaba, ni nde me miinzanzaabisa benu.

Mavanga 20:21

Me anzaabisi huli Bayudaayo na Bangeleke, mu usobo mbiili a bo nzyeni. Me ambwenzaabisa bo mu ukiinguha huli Nzambi, na usiingama mu Pfumu a bisu Yisu.»

Mavanga 3:19

Sobwani mbiili, na yafutahani huli Nzambi, mana nde atsindula masumu ma benu.

Looma 1:28

Bu bo baabisi uyaaba Nzambi, Nzambi atiimbi bo ŋa busu bu buyedi bwa bo bu bwadunga, na bo bali mu uvanga ma maavelefwaana.

Looma 2:4

Buve, we bubwe bu bunene bwa Nzambi ubaapenye, mu mukami a nde na bunene bu mutima a nde? We a hayabi ve ti bubwe bwa Nzambi buli mu ubita we hu usobo mbiili?

Looma 3:23

boosi baamiisa masumu na baamiivinda ukoto mu muyusu a Nzambi.

Looma 3:25

Ni nde Nzambi hayehuli we bungodu, mu ufwinzala mu makila ma nde, masumu ma boosi ba bubaasiila nde imiinu. Nzambi havangi buuna, mu umwese butsiitsa bwa nde, mu toni ati, mu tangu a tsomi, nde a hasyembi baatu mu masumu ma bo ve.

1 Peetelo 4:3

Hu tsomi, benu laavyosi tangu yindahi, mu ubaasa mavanga ma mubaava kinya huli ba baaveleyaba Nzambi. Benu laavahuli linyutu la benu mu bumbembo, mu mapeyu ma musunya, mu malaangi, mu mikungi mi udya na unywa, na ubaasambila bifwita.