Mavanga 17:23 - Musamu wu Mubwe

²³ Mu toni ati, me ataangila musyenge a benu, na me atsikaha bifwita bya benu. Mu hati bifwita mobiina, me atsoolo mwa ibanga imosi hya ndongisili, hi baasonehe bunuubu: “Huli nzambi wu baaveleyaba.” Wu benu libaakiinza hwavele uyaba, ni nde me miinzanzaabisa benu.

Mavanga 17:23 ပူးပေါင်းရင်းမြစ်များ

Yowani 17:25

Taata Nga Butsiitsa, baatu ba tsi a bayaaba we ve. Ka me, me anzaaba we, na bayihi ba me bamiisilasa ti we ni wu atsindaha me.

Yowani 17:3

Ka monyi wu bilima na bilima ni uyaaba we Nzambi, wu li Nzambi ndulu mosi wa mbuli, na uyaaba wu we atsindihi, Yisu Kristo.

Yowani 4:22

Benu bisu Samariya, benu a liyaabi na benu lili mu ukuunda ve. Ka bisu Bayudaayo, bisu liyaabi na bisu lili mu ukuunda. Mu toni ati, liyobolo ubaamata huli Bayudaayo.

Yowani 8:54

Yisu afutili bo: «Tso me ndi mu unzuusa me mwakulu, muyusu a me a hali na tsongo ve. Ka Taata a me ni wu ubaamwese muyusu a me. Benu lili mu uleele ti: “Nde li Nzambi a bisu”.

Mavanga 17:30

Kaahu Nzambi asiidi kolo-kolo mu maana moosi, bu baatu baakaveleyaba ma baakavanga. Ka loloyi, nde li mu uyabisa huli boosi, mu mambuha moosi, mu unyongo mu mavanga ma bo, na usobo mbiili a bo.

Looma 1:28

Bu bo baabisi uyaaba Nzambi, Nzambi atiimbi bo ŋa busu bu buyedi bwa bo bu bwadunga, na bo bali mu uvanga ma maavelefwaana.

2 Tesalonika 2:4

Muboho mowunuuwu, wu unangimana pasi baatu bubaasambila, bi bu baamono ti bili bya ngidi. Nde sa anangimana biina byosi na sa ayakoto nate mu nzo a Nzambi, na utsahala muuna na ubaatuka tulu, ti nde ni Nzambi.

1 Timoteho 1:17

Butsitu na muyusu biba, huli Pfumu matangu moosi! Nde wu uli Nzambi ndulu mosi, wu avelekwa, na wu bubaavelemono! Ameni!

1 Yowani 5:20

Bisu liyabi kaka ti, Mwana a Nzambi ayidi ŋa tsi na aviidi bisu buyedi mana bisu litsikaha Nzambi wa mbuli. Bisu lili ba baakangama mu Nzambi wa mbuli mu toni a Mwana a nde Yisu Kristo. Nde ni Nzambi wa mbuli na monyi wu bilima na bilima.