Mavanga 17:2 - Musamu wu Mubwe

² We bu huli ipfu hya nde, Pahuli ayeni huuna. Mu basaba batatu ba baalandisini, nde amohi na Bayudaayo mu ma baasonehe ma Ngidi.

Mavanga 17:2 ပူးပေါင်းရင်းမြစ်များ

Luuka 4:16

Yisu ayidi hu Nazareti, hu nde habuuhi. Mu ilumbu hya saba, nde akoti mu nzo lisambulu yi Bayudaayo, we bu huli ipfu hya nde. Nde atelimi mu utanga libuku la ngidi,

Yowani 18:20

Yisu afutili nde: «Me akatoyo payalala huli baatu boosi. Me akandongese tangu yoosi mu manzo ma lisambulu li Bayudaayo, na mu nzo a Nzambi hu Bayudaayo boosi bubaapfutana. Me a handeele pasi dyambu mu tswehi ve.

Mavanga 13:14

Bo bamata hu Perege, bo baaduukili nzila a bo na baayato hu musyenge a Antyokya ya Pisidiya. Mu ilumbu hya saba, bo baakoti mu nzo lisambulu yi Bayudaayo na baatsahili.

Mavanga 13:5

Bu bo baatoodi hu musyenge a Salamineya, bo balongisi mambu ma Nzambi mu manzo ma lisambulu ma Bayudaayo. Yowani nga kumbu Malako aba itwadi na bo na akabaakumbasa bo.

Mavanga 14:1

Bu Pahuli na Baranabasi baatoodi hu musyenge a Ikoniwumi, bo baakoti mu nzo lisambulu yi Bayudaayo. Huuna, ndongisili a bo yasiidi ti Bayudaayo na ba baavele Bayudaayo, baasiidi hiitu mu Pfumu.

Mavanga 17:10

Bu busi bwayili, baana ba ngu baatsindihi Pahuli na Silaasi hu musyenge a Beere. Bu baayato huuna, bo baayakoto hu nzo lisambulu yi Bayudaayo.

Mavanga 17:17

Nde akasobosono matsimi na Bayudaayo mu nzo lisambulu yi Bayudaayo, napa bakima ba baakakinza Nzambi. Pasi ilumbu, nde akamoho ka itwadi na ba baakaba mu mataandala ma mikuungi.

Mavanga 18:4

Pasi ilumbu hya saba, mu nzo lisambulu yi Bayudaayo, Pahuli akalongese mu usaha ukiingula matsimi ma Bayudaayo na Bangeleke.

Mavanga 19:8

Pahuli akayene tangu yoosi hu nzo lisambulu yi Bayudaayo, na nde akatoyo na imbuli hyosi. Mu batsungi batatu, nde akayabisa bo misamu mi Ipfumu hya Nzambi. Nde akahwada mu usundasa matsimi ma ba baakayuha nde.

Mavanga 24:25

Pahuli hakalongese bo, mu dyambu la mbiili yi yafwana ŋa busu bwa Nzambi, na buni hwafwana mu utuma nyutu, na mu dyambu la tsundusu a Nzambi yi yi uya. Humbisa uyuha maana, Felikisi abahi boomo na aleeli nde: «Maana mamiikuha loloyi. Ŋa me umbaha tangu, me tsambweteele we.»

Mavanga 28:23

Bo baabwesoolo ilumbu ikima, hi ubwepfuutana na Pahuli. Bu ilumbu mohina hyatoodi, bo baayeni huli nde, mu litangu lililahi li laafulala la tsomi. Imoho hyabaandihi ŋa ngwali nate ŋa tsitsaha. Mu ndongisili a nde, Pahuli akalongese na ubindula mambu ma Ipfumu hya Nzambi. Nde akabindula bo mikele mya Moose, na mihanda mi mimbihuli mya Nzambi myasonihi, mana nde abita bo mu ukangama mu Yisu.

Mavanga 8:35

Na Filipo abaandihi ubindula nde mambu momaana, na ayabisi nde Tsangu Yimbwe ya Yisu.

Mavanga 9:20

Ni mu tangu moyina, Sahuli habaandihi ulongese Tsangu Yimbwe mu manzo ma masambulu ma Bayudaayo. Na nde akayabisa ti Yisu ni Mwana a Nzambi.