Mavanga 17:11 - Musamu wu Mubwe

¹¹ Bayudaayo ba hu Beere baaba na matsimi mamabwe ti, ba bali hu musyenge a Tesalonika, baayaki mambu ma Nzambi mu bunyanga bu mutima. Pasi ilumbu, bo baakataanga ma baasonehe ma Ngidi, mu utsikaha tso ma baakayabisa bo, mali ma mbuli.

Mavanga 17:11 ပူးပေါင်းရင်းမြစ်များ

Luuka 1:2

Baatu mobaana ba baasonihi mambu momaana, bo bali bambangi umata mbandu. Bambangi mobaana, baakituhi basalili ba baakalongese mambu ma Nzambi.

Luuka 11:3

Byudya bya bisu bya pasi tsuhu, va bisu loloyi.

Luuka 16:29

Abrahami ni ukaala: “Baana ba ngu a we bo bali na Moose na mimbihuli mya Nzambi mu uyibusa bo. Nyaha bo bayuhala bo.”

Luuka 24:44

Titswene nde aleeli bo: «Monwani mambu ma me anzaabisi benu ŋa me amba kini ŋa hati la benu. Hwafwana ti, mambu momanima moosi ma baasonehe ma Ngidi mu me, matswiha. Mambu mo mali mu mikele mya Moose, hutso mabuuku ma mimbihuli na mu buuku li Mikuunga.»

Yowani 3:21

Ka nde wuuna wu ubaasalila imbuli, nde li mu uya hu liyalala, mana bayaaba ti mavanga ma nde mali ma litondo la Nzambi.»

Yowani 5:39

Bu benu libaatsima ubaha monyi wu bilima na bilima, benu lili mu ukengese bubwe-buwe Mabuuku ma Ngidi. Ka mo ni ma mali mu utiila me imbangi.

Mavanga 10:33

Ni mu buuna, me atsindaha baatu mu mawasa huli we, na we vangi bubwe bu we siingi uya. Bunuubu, bisu boosi baba ŋa busu bwa Nzambi, mu uyuha moosi ma Pfumu hatuma we mu uyabisa bisu.»

Mavanga 11:1

Bilumbi na baana ba ngu babaaba hu musyenge a Yuda, baayuhi ti baatu ba baavele Bayudaayo kaka, ba baasiingi mambu ma Nzambi.

Mavanga 17:1

Pahuli na Silaasi baavyohili mu misyenge mya Apfipolisi na Apoloniya, na baayato hu musyenge a Tesalonika, hu bo baamoni nzo lisambulu yi Bayudaayo.

Mavanga 2:41

Kabu li lilahi laasiingi mambu ma Peetelo hakaleele. Baatondihi bo mu nyahulili a masumu. Mu ilumbu mohiina, we biveeve bitatu (3000) bya baatu baabiisili kabu la banga hiitu.

1 Tesalonika 1:6

Benu laduukala ifwani hya bisu na hya Pfumu. Mu tangu moyiina, benu laamono mapasi ma manono, ka benu laayaka Mambu ma Nzambi na kinya yi Livupu la Ngidi.

1 Tesalonika 2:13

Ni mu buuna, bisu libaafutala matondo huli Nzambi tangu yoosi, bu benu laayaki mambu ma bisu laayabisi benu. Benu a laayaki mo we mambu ma maapali mu muutu ve, ka we bu mo mali ma mbuli, Mambu ma Nzambi, ma mali mu usala na mifudi, ma benu lili mu usa hiitu mu mo.

2 Tesalonika 2:10

Nde usalila bubi bwa pila mu pila, mu usoho boosi ba buudunga. Bo buudunga mu toni ati, bo a baayaka tso utondo imbuli hi hyuyobolo bo ve.

Yaki 1:21

Ni mu buuna, timbaani mbindu yoosi na mavanga moosi mamabi. Yakaani hutso a kulimini, mambu ma Nzambi ma baakuni mu benu, ma mu utwala ufuuhasa benu.

1 Peetelo 2:2

Benu lili we baana ba bamiibuta. Sahaani mambu ma Nzambi ma mbuli, we bu mwana ubaasaha unywa mabeelo ma ngu a nde. Mana mu mo, benu likula na liyaka liyobolo.