Mavanga 17:1 - Musamu wu Mubwe

¹ Pahuli na Silaasi baavyohili mu misyenge mya Apfipolisi na Apoloniya, na baayato hu musyenge a Tesalonika, hu bo baamoni nzo lisambulu yi Bayudaayo.

Mavanga 17:1 ပူးပေါင်းရင်းမြစ်များ

Mavanga 14:1

Bu Pahuli na Baranabasi baatoodi hu musyenge a Ikoniwumi, bo baakoti mu nzo lisambulu yi Bayudaayo. Huuna, ndongisili a bo yasiidi ti Bayudaayo na ba baavele Bayudaayo, baasiidi hiitu mu Pfumu.

Mavanga 15:21

Bo a bafwana uvanga maana ve, mu toni ati, umata tsikulu, baatu bali mu ulongese mikele mya Moose, mu pasi musyenge. Na ubaataanga nde mu manzo moosi ma lisambulu ma Bayudaayo mu pasi saba.”»

Mavanga 16:13

Mu ilumbu hya saba, bisu laapali mu musyenge mu uyene ŋa muvanga a nzali. Huuna, bisu laakatsima ti bisu lu umono mbuha yi lisambulu yi Bayudaayo. Bisu laatsahili, na laalongisi bakaasu ba baaba baakuukama ŋana.

Mavanga 17:10

Bu busi bwayili, baana ba ngu baatsindihi Pahuli na Silaasi hu musyenge a Beere. Bu baayato huuna, bo baayakoto hu nzo lisambulu yi Bayudaayo.

Mavanga 17:11

Bayudaayo ba hu Beere baaba na matsimi mamabwe ti, ba bali hu musyenge a Tesalonika, baayaki mambu ma Nzambi mu bunyanga bu mutima. Pasi ilumbu, bo baakataanga ma baasonehe ma Ngidi, mu utsikaha tso ma baakayabisa bo, mali ma mbuli.

Mavanga 17:13

Ka Bayudaayo ba hu Tesalonika, baayuhi ti Pahuli aka mu ubwelongese mambu ma Nzambi hu Beere. Bo baayeni huuna, mu uyatuumbasa na usa kele ŋa hati la konge a baatu.

Mavanga 20:4

Ba baakadyenge na nde ni baaniiba: Sopatere, mwana a Pilusi, musi musyenge a Beere, Arisitake na Sekundusi bisu Tesalonika, Ngayusi musi Derebe, Timoteho, titswene Tisike na Tolofime bisu itanzi hya Asiya.

Mavanga 27:2

Bisu laakoti mutso likuumbi la Adalamite li laaba mudwe hu ngulu makuumbi yi itanzi hya Asiya, na bisu laayeni. Arisitake, musi Masedonya, wu musyenge a Tesalonika, aba na bisu.

Filiipo 4:16

Ka tso ŋa me ambedi hu musyenge a Tesalonika, benu laatsindihi me likumbasa la mbongo tsindaha yoole, mu umana mapasi ma me.

1 Tesalonika 1:1

Ni me Pahuli, itwadi na Silaasi na Timoteho, ndi mu utsindaha muhanda mo wunuwu huli libundu la bisu Tesalonika, li lili mu Nzambi Taata na mu Pfumu Yisu Kristo. Lisyeme na hyenze biba na benu.

1 Tesalonika 2:2

Ka benu liyabi kaka ti bisu laayaka bituhi na laamono pasi hu musyenge a Filipo. Ka Nzambi ahwadisa mana bisu lilongese Musamu a nde wu Mubwe, hutso a mbingisili.

2 Tesalonika 1:1

Me Pahuli, Silaasi na Timoteho, lili mu ubila libundu la bisu Tesalonika, la Nzambi Taata a bisu na Pfumu Yisu Kristo.

2 Timoteho 4:10

Yanga yabiisala me, me aka siha, mu toni ati Demasi amiitimba me. Nde amiikangama mu makinya ma toto. Nde miiyene hu musyenge a Tesalonika. Keresenisi miiyene hu tsi a Ngalatiya, na Tiite hu tsi a Dalamatiya.