Mavanga 16:6 - Musamu wu Mubwe

⁶ Bu Livupu la Ngidi laalihi bo mu ulongese mambu ma Nzambi hu itanzi hya Asiya, bo bataangili bitanzi bya Filizi na Ngalatiya.

Mavanga 16:6 ပူးပေါင်းရင်းမြစ်များ

Luuka 1:2

Baatu mobaana ba baasonihi mambu momaana, bo bali bambangi umata mbandu. Bambangi mobaana, baakituhi basalili ba baakalongese mambu ma Nzambi.

Mavanga 10:19

Buuna, bu Peetelo haba mu utsima mu imono-miisu, Livupu laaleeli nde: «Yuha Peetelo, mono baatu batatu bali mu usaha we.

Mavanga 11:12

Livupu la Ngidi laaleeli me mu uyene na bo hwavele utsika. Baana ba ngu mu Kristo basamunu ba me anzidi na bo, baayavehese me hu Sezare. Na bisu boosi laakoti mu nzo a mukuutu Korineye.

Mavanga 16:7

Bu bo baayato bebele na itanzi hya Misiya, bo baabahi tsimi yi uyene hu tsi ya Bitiniya. Ka Livupu la Yisu, a laviidi bo muswa ve.

Mavanga 18:23

Mwana a tangu hole, nde asiisi musyenge a Antyokya mu uyene hu bitanzi bya Ngalatiya na Filizi, mu ubaahwadisa imiinu hi bayihi boosi.

Mavanga 19:10

Pahuli ahwadi mu ulongese mu bilima byole, mana Bayudaayo na Bangeleke boosi, ba baakatsahala hu itanzi hya Asiya, bayuha mambu ma Pfumu.

Mavanga 20:16

Kaahu, Pahuli ataasi uveletsikama ŋa musyenge a Efeso, mu uvelevyoso tangu hu itanzi hya Asiya. Mu toni ati, nde akabingalala uto hu musyenge a Yeruselemi, mu ilumbu hya Pentekote tso huyelimini.

Mavanga 20:28

Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu.

Mavanga 20:4

Ba baakadyenge na nde ni baaniiba: Sopatere, mwana a Pilusi, musi musyenge a Beere, Arisitake na Sekundusi bisu Tesalonika, Ngayusi musi Derebe, Timoteho, titswene Tisike na Tolofime bisu itanzi hya Asiya.

Mavanga 21:27

Bu bilumbu tsambu mo byaba hupedu ufwa, Bayudaayo bakima ba itanzi hya Asiya, baatalili Pahuli hutso litandala la nzo a Nzambi. Bo baatumbisi konge a baatu yoosi, na baakangi nde.

Mavanga 6:9

Mwa litangu la baatu layakaakana na nde. Baatu mobaana aba ba kabu la baatu ba nzo lisambulu yi Bayudaayo, li bakateele kabu li «baviha na ba baaba bunyanga». Kabu mo aba na Bayudaayo ba misyenge mya Kilene na ba mya Alekizandi. Itwadi na bakima ba hu itanzi hya Silisiya, na ba tsi ya Asiya, bo boosi baakakini na Etyene.

Mavanga 8:29

Livupu la Ngidi laaleeli huli Filipo: «Yene bebele na likumbi moliina.»

Looma 16:5

Bilaani kaka libundu li libaatsonzomo mu nzo a bo. Bilaani kaka Epayineti, mbahi a me wu litondo, nde li wa tsomi mu usa imiinu mu Kristo mu itanzi hya Asiya.

Ngalaatiya 1:2

Me na baana ba ngu boosi ba bali na me huni, lili itwadi mu utsindaha muhanda mowunuwu, huli mabundu ma itanzi hya Ngalatiya.

Ngalaatiya 3:1

Benu bisu Ngalatiya, ba baavele buyedi! Na aloho benu? Baamwesi benu pa yalala, buni baakomini Yisu Kristo ŋa muti.

2 Timoteho 1:15

We bu we yabi, boosi ba itanzi hya Asiya, baamiitimba me. Baatu we Fizeli na Emozeni.

2 Timoteho 4:10

Yanga yabiisala me, me aka siha, mu toni ati Demasi amiitimba me. Nde amiikangama mu makinya ma toto. Nde miiyene hu musyenge a Tesalonika. Keresenisi miiyene hu tsi a Ngalatiya, na Tiite hu tsi a Dalamatiya.

1 Peetelo 1:1

Me Peetelo, ilumbi hya Yisu Kristo. Me ndi mu utsindaha muhanda mowunuwu, huli ba Nzambi hasoolo na ba baamiilalaana hu tsi bumwenyi, ba bali mu bitanzi bya Pooti, Ngalatiya, Kapadosi, mu matsi ma Asiya, na Bitiniya.