Mavanga 16:12 - Musamu wu Mubwe

¹² Bu laamati huuna, bisu laayeni hu musyenge a Filipo, musyenge wu munene wu itanzi hya Masedonya, wu bisu Looma baatungi. Bisu laavyosi mwa bilumbu huuna.

Mavanga 16:12 ပူးပေါင်းရင်းမြစ်များ

Mavanga 16:10

Humbisa a imono-miisu mohina, bisu laatsimi mu mawasa, mu uyene hu Masedonya. Mu toni ati bisu laaba na tadi ti, Nzambi ni wu ateele bisu mu uyalongese Musamu wu Mubwe hu tsi moyiina.

Mavanga 16:21

na bali mu ulongese mbiili yi bisu baatu ba Looma laavele na muswa mu usiinga na mu usalila.»

Mavanga 16:9

Butsuhu mobuuna, Pahuli amoni imono-miisu. Nde amoni musi Masedonya mumosi, wu aba mutele. Na muutu mowuna akabondele nde ti: «Vyohele hu itanzi hya Masedonya, mu ukuumbasa bisu!»

Mavanga 18:5

Ka bu Silaasi na Timoteho baamati hu itanzi hya Masedonya, Pahuli asinzisalila tangu a nde, mu ubaalongese mambu ma Nzambi. Nde akasilasa huli Bayudaayo, ti Yisu ni Masiya.

Mavanga 19:21

Bu misamu momiina myavyohi, Pahuli atsimi uyene hu Yeruselemi mu uvyohele mu bitanzi bya Masedonya na Akayi. Nde akaleele: «Bu me umata huuna, me apfwana uyene ka hu musyenge a Looma.»

Mavanga 19:29

Buuna, bisu musyenge a Efeso boosi, baakoti mu muyungisi. Konge a baatu yakaangi bisu Masedonya boole, Ngayusi na Arisitake, bambaahi ba Pahuli ba midyenge. Boosi mu mutima mumosi, baabingilili udutaha bo ŋa litandala li mikuungi.

Mavanga 20:1

Bu muyungisi hafwidi, Pahuli ateeli bayihi ba nde. Nde amana uhwadisa bo, nde alanisi bo na ayeni hu itanzi hya Masedonya.

Mavanga 20:3

Huuna, nde avyosi batsungi batatu. Bu hakiiyene hu tsi a Siriya mu likuumbi la nzali, nde ayuhi pfuundu yi Bayudaayo baaba baamiikutala nde. Na nde amoni bubwe mu ufutahala mu nzila a Masedonya.

Mavanga 20:6

Buuna, humbisa mukungi mapa ma maaveledaana, bisu laakoti likuumbi la nzali ŋa ngulu makuumbi ya hu musyenge a Filipo. Humbisa bilumbu bitaanu, bisu laabiisili ba baatswamini bisu hu musyenge a Tolowasi. Ni huuna, bisu laavyosi bilumbu tsaambu.

Mavanga 27:2

Bisu laakoti mutso likuumbi la Adalamite li laaba mudwe hu ngulu makuumbi yi itanzi hya Asiya, na bisu laayeni. Arisitake, musi Masedonya, wu musyenge a Tesalonika, aba na bisu.

Looma 15:26

Eye, mabundu ma Masedonya na ma Akayi, maakese mu ukukaha bungodu bwa bo, bu ukumbasa ba nga puumbu ba libundu la Yeruselemi.

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

Filiipo 1:5

Me umbaatsambila na kinya, mu toni ati, benu laakumbisi me, mu uyabisa Musamu wu Mubwe, umata ilumbu hya tsomi, nate bunuubu.

1 Tesalonika 2:2

Ka benu liyabi kaka ti bisu laayaka bituhi na laamono pasi hu musyenge a Filipo. Ka Nzambi ahwadisa mana bisu lilongese Musamu a nde wu Mubwe, hutso a mbingisili.