Mavanga 14:8 - Musamu wu Mubwe

⁸ Hu musyenge a Lisitele, hwaba na bahala limosi li miilu myaba myavolo. Nde aba imbolo hi imbutala-ngu, wu akaveletwala dwe.

Mavanga 14:8 ပူးပေါင်းရင်းမြစ်များ

Yowani 5:7

Mubeedu ni ufutala nde: «Pfumu, me a handi na muutu wu ubwadiha me mu idiinga ŋa mamba mali mu unyingama ve. Mu tangu yi me tondi uyene huuna, mukima amiiteehele me.»

Mavanga 14:21

Pahuli na Baranabasi baamani ulongese Musamu wu Mubwe hutso musyenge a Derebe. Huuna, baatu babalahi baakinguli buyedi mu usa hiitu mu Yisu. Buuna bo baafutihi hu misyenge mya Lisitele, Ikoniwumi na hu Antyokya.

Mavanga 14:6

Ka bu bo baayabi lo, bo baabati hu tsyelo a Lisitele na Derebe, misyenge mya itanzi hya Likawoni, na mala ma bibiingi bya mo bina.

Mavanga 16:1

Pahuli ayeni hu musyenge a Derebe nate hu musyenge a Lisitele. Huuna hwaba na muyihi mumosi, nduhi a nde Timoteho. Ngu a nde aba Muyudaayo wu asiidi hiitu mu Yisu, na taata a nde musi Ngeleke.

Mavanga 3:2

Ŋa muvanga a ikotili hya mumbu a nzo a Nzambi, hi baakateele «ikotili hi ibwe», hwaba na muutu nga ipiha hi imbutala-ngu. Pasi ilumbu, baakabehe na baakatsahisa nde ŋana. Bo baakasa buuna, mana nde abaavondo bungodu huli ba baakakoto mu litandala la nzo a Nzambi.

Mavanga 4:9

Loloyi bali mu uva bisu byuhu, mu toni libwe li bisu limiisa huli muutu wu beedi na miilu mi myavolo. Benu lili mu usaha utsikaha buni nde habeluhi.

2 Timoteho 3:11

hutso a mbingisili na mapasi ma me. Ki mapasi me apelembwana na mo, hu misyenge mya Antyokya, Ikoniwumi na Lisitele! Ki mbingisili me apelekunda! Ka mu moosi, Pfumu ayobili me.