Mavanga 14:4 - Musamu wu Mubwe

⁴ Buli li musyenge laakabuhi. Bamosi baakakalila Bayudaayo, bana baakakalila bilumbi bya Nzambi.

Mavanga 14:4 ပူးပေါင်းရင်းမြစ်များ

Luuka 2:34

Simeyoni asyemi bo na aleeli Mariya ngu a Yisu: «Mwana mo wunuwu miiya mu ubwisa na mu utelemese babalahi mu Isereli. Nde uba iliimbu hya Nzambi, ka baatu bu unyanza nde.

Yowani 7:43

Na baatu baakabuhi mu toni a Yisu.

Mavanga 13:2

Ilumbu imosi, bu bo baakasambila Pfumu na bu bo baakadya ikaandi, Livupu la Ngidi laayabisi bo: «Vengolwani Baranabasi na Sahuli, mu toni isalu hi me ateele bo mu hyo.»

Mavanga 13:45

Bu Bayudaayo baamoni konge a baatu moyina, bo baaluuli mu nyengi. Na baakatuna ndongisili a Pahuli ti yi upfuta, na baakatuha nde.

Mavanga 13:50

Ka Bayudaayo baasimbilili bakaasu ba biita lilinene, ba baakayusa Nzambi, napa bangeele ba musyenge. Bo baatsumbili kwamisili ya Pahuli na Baranabasi, na baabingi bo mu itanzi hya bo.

Mavanga 14:14

Bu bilumbi byabyole byayuhi lo, baakasuli bikutu bya bo mu umwese lingebe ŋa busu bwa Nzambi. Na baabingilili ukoto hu tso a konge a baatu, na ubaafulaha mu mifudi:

Mavanga 14:19

Bayudaayo ba baamati hu misyenge mya Antyokya na Ikoniwumi baayatumbasa konge. Baateti Pahuli mamanya mu uduba nde, na baadutihi nde hu mbadi musyenge, bu baatsimi ti nde miikwa.

Mavanga 14:2

Ka Bayudaayo bakima ba baavelisa hiitu mu Pfumu, baatumbisi ba baavele Bayudaayo mana bayalwanisa baana ba bangu ba bo ba baasiidi hiitu.

Mavanga 14:5

Bisu musyenge na Bayudaayo napa bakuutu baba baavele Bayudaayo, baakavangama mu ukwamisa bilumbi na uduba bo mu mamanya.

Mavanga 19:9

Ka mitima mya babalahi ŋa hati la bo, myaba miminono. Bo a baakasa hiitu ve, na baakakwede ŋa kuungi la baatu boosi, baana ba baakaduukala nzila a Pfumu. Ka Pahuli atahuhi na bo. Nde abiti bayihi hu nzo a nzihili ya Tiranyusi, na akatoyo na bo pasi ilumbu.

Mavanga 28:24

Bamosi baasiidi hiitu mu ma nde hakaleele, ka bakima baabisi.

1 Tesalonika 2:14

Baana ba ngu, benu laamwese buuna, bu benu laaduukala ifwani hi mabundu ma Nzambi ma Itanzi hya Yude, ma mubaasa imiinu mu Yisu Kristo. Mu toni ati, baatu ba tsi a benu baamwesi benu pasi, we bu mabundu maamoni pasi ŋa busu bu lituma li Bayudaayo.