Mavanga 13:32 - Musamu wu Mubwe

³² Bisu mwakulu lili mu ubehele benu musamu wu mubwe wu Nzambi hasiidi lahi huli bakaaha ba bisu.

Mavanga 13:32 ပူးပေါင်းရင်းမြစ်များ

Luuka 1:19

Pofi afutili nde: «Me ni Ngabiyeli, wu ubaateleme ŋa busu bwa Nzambi mu ukumbasa nde. Nzambi miitsindaha me mu umohese we, na uyabisa we musamu mo wunuwu, wu mubwe.

Luuka 2:10

Ka pofi aleeli bo: «A liba na boomo ve, ka me miinza mu uyabisa benu Musamu wu Mubwe wa kinya yindahi mu baatu boosi:

Mavanga 10:36

Nde atsindihi bilumbi bya nde huli bisu Isereli, mana bayayaabisa bo Musamu wu Mubwe wa hyenze mu Yisu Kristo. Ni nde wu uli Pfumu a baatu boosi.

Mavanga 13:23

Mumosi ŋa hati li imbisa hya Davidi aba Yisu, wu Nzambi hasooli mu uba Muyobili a Isereli we bu nde hasiidi lahi.

Mavanga 13:38

Baana ba ngu a me, benu lafwana uyaba lo ti: ni mu toni a Yisu, Nzambi haminyahula masumu ma benu. Ka Mikele mya Moose a myatwali unyahula masumu ma benu ve.

Mavanga 14:15

«Oh! Bambaahi, hima lili mu usa buuna? Bisu ka baatu lili we benu. Bisu Musamu wu Mubwe lili mu ubehele benu, na uvondo benu mu utimba banzambi babavele na tsoongo. Buuna benu likinguha huli Nzambi a monyi, wu avanga yulu, toto, mubu, na byosi bi bili muuna.

Mavanga 26:6

Bunuubu bali mu utsundasa me, mu toni ati me ndi mu utsingama na kwadili mu lahi li Nzambi hasiidi huli bakaaha ba bisu.

Mavanga 3:19

Sobwani mbiili, na yafutahani huli Nzambi, mana nde atsindula masumu ma benu.

Mavanga 5:42

Na pasi ilumbu, mu nzo a Nzambi na mu manzo ma bo, bo baakahwada mu ubaalongese na ubaayabisa Musamu wu Mubwe ti Yisu ni Masiya.

Looma 1:2

Nzambi asiidi lahi li Musamu wu Mubwe wunuwu, umata beleve. Mimbihuli mya nde myasonihi Musamu mo wuuna, mu mabuuku ma nde ma Ngidi.

Looma 10:15

Buni milongisi myusoloho tso a batsindihi myo ve? We bu Mabaasonehe ma Ngidi mali mu uleele: «Miilu mya bo mili mi mibwe, bo baana ba bali mu uyaabisa misamu mi mibwe!»

Looma 4:13

Ni mu buuna, Nzambi asiidi lahi huli Abrahami na imbisa hya nde, ti bo sa babyalila tsi. Lahi moliina basiidi lo, a mu toni ati Abrahami asiingili Mikele ve, ka mu toni ati Nzambi asiingi ti nde li wu akuha mu imiinu.

Looma 9:4

Bo ni bisu Isereli: Nzambi akitusa bo baana ba nde. Nde amwese bo muyusu a nde, nde asiidi likoongo na bo, na aviidi bo Mikele, nde alahi bo buni bo baafwana uyuusa nde, na nde asiidi bo malahi.