Mavanga 13:12 - Musamu wu Mubwe

¹² Bu pfumu hamoni ma maavyohi, nde asooli nzila a Kristo. Ndongisili yi baasiili nde mu toni a Pfumu, yakotilili nde mu mutima.

Mavanga 13:12 ပူးပေါင်းရင်းမြစ်များ

Luuka 4:22

Na boosi baakasilasa nde, na baakakimuha mu mambu mamabwe ma maakapala mu munywa a nde na baakaleele: «Nde wunuwu a ni mwana a Yosefi ve?»

Luuka 7:16

Bu baatu baamoni maana, boosi baakiinzi na bayusi Nzambi. Bo baakaleele: «Mumbihuli wu munene mimonele ŋa hati la bisu. Nzambi miyakumbasa baatu ba nde.»

Yowani 7:46

Bakeedi baafutili: «A hu li na muutu wu amiitoyo we bahala moliina ve.»

Mavanga 13:48

Bu ba baavele Bayudaayo baayuhi mambu momaana, bo baaluuli mu kinya na baayusi mambu ma Pfumu. Boosi ba Nzambi hasooli mu ubaha monyi wu bilima na bilima, baasiidi hiitu mu Pfumu.

Mavanga 13:49

Maambu ma Pfumu maasinzitsaamuha mu itanzi mohina hyosi.

Mavanga 13:7

Nde aba abambana na Seregiyusi nga kumbu Pahulusi, pfumu a iliiŋa mohina, wu aba muutu nga buyedi. Nde atsihi Baranabasi na Sahuli, bu haba na peyu yi uyuha mambu ma Nzambi.

Mavanga 13:8

Ka nganga mowuna, nga nduhi a «Elimasi» mu ndaha Bangeleke, abisi ma bo na akasaha ti pfumu a hasoolo nzila a Kristo.

Mavanga 15:35

Buuna, Pahuli na Baranabasi, baasaali hu Antyokya. Itwadi na bakima-bakima, bo baakayihasa na baakalongese mambu ma Pfumu.

Mavanga 15:36

Mwana tangu hole, Pahuli aleeli huli Baranabasi: «Tswende liyamono baana ba ngu, hu misyenge myosi mi bisu a we laalongese mambu ma Pfumu, mu uyamono mbiili a bo.»

Mavanga 18:12

Mu tangu yi Ngaliyoni haba mutumi itanzi hya Akayi, Bayudaayo ba baabelili Pahuli, baayuhisini mu itwadi mu ukanga nde. Na baabiti nde hu nzo a tsundusu.

Mavanga 19:10

Pahuli ahwadi mu ulongese mu bilima byole, mana Bayudaayo na Bangeleke boosi, ba baakatsahala hu itanzi hya Asiya, bayuha mambu ma Pfumu.

Mavanga 19:20

Ni mu buuna, mu matwala ma Pfumu, mambu ma nde maakatsaamuha na maakafulala ubaha mifudi.

Mavanga 19:38

Tso Demetiyusi na bambaahi ba nde ba isalu batondi ukese muutu, bo baafwana uyene mu manzo ma tsundusu, ŋa busu bu banzonzi. Ni huuna baafwana uyakese bo.

Mavanga 19:7

Bo baabeedi bebele a kuumi na baatu boole.

Mavanga 28:7

Ŋa pedu a mbuha moyina, hwaba na ibuha hi mukuutu iliiŋa, nga nduhi a Pubiliyusi. Nde ni wu ayaki bisu mu litondo, na wu alaahi bisu mbuha yi ubwamina mu bilumbu bitatu.

Mavanga 6:10

Ka bo a baatwali ubiingala nde ve, mu toni ati nde akayambila mu tsiki yi Livupu laakava nde.

Mavanga 8:25

Bu baamani uta imbangi mu Yisu Kristo, mu ubaayabisa mambu ma Pfumu, bilumbi bibyole byafutihi hu Yeruselemi. Mu nzila, bo baakayabisa Tsangu Yimbwe mu mala mamalahi ma Samariya.