Mavanga 11:26 - Musamu wu Mubwe

²⁶ Bu nde hasooli Sahuli, nde abiti nde hu Antyokya. Bo baboole baavyosi ilima hi itindala itwadi mu libundu moliina. Bo baakalongese mabuli mamanene ma baatu. Hu Antyokya, ni huuna baateeli bayihi ba Yisu hati a tsomi, ti bo «Bakristo».

Mavanga 11:26 ပူးပေါင်းရင်းမြစ်များ

Yowani 2:2

Baatsihi kaka Yisu na bayihi ba nde hu makwele momaana.

Mavanga 1:15

Mu bilumbu mobiina, banga hiitu baapfutini. Bo aba bebele a kama na maku moole (120). Peetelo atelimi ŋa hati la bo, na aleeli:

Mavanga 11:20

Buuna bakima ŋa hati la bo, ba baaba ba ibiingi hya Kipere na bisu Kilene, bo ka baayeni hu musyenge a Antyokya. Ka bo baakayabisa ka Bangeleke na ulongese bo musamu wu mubwe wa Pfumu Yisu.

Mavanga 11:22

Libundu la Yeruselemi laayuhi tsangu a kinguli buyedi ya baatu mo baana. Lo laatsindihi Baranabasi hu musyenge a Antyokya.

Mavanga 11:27

Mu tangu moyina, hwabeedi na mimbihuli mi myamati hu Yeruselemi mu uyene hu Antyokya.

Mavanga 11:29

Bayihi baavoli kesili ti muutu-muutu mu bo, atsindaha likumbasa huli baana ba ngu ba baakatsahala hu itanzi hya Yuda.

Mavanga 14:20

Ka bu bayihi baadiingi nde, Pahuli atelimi na afutihi hutso musyenge. Ilumbu hi hyaduuki, Pahuli na Baranabasi baayeni hu musyenge a Derebe.

Mavanga 14:22

Bo baakahwadisa mitima mi bayihi, na baakatuma bo mu uteleme mu imiinu mu Nzambi. Bo baakaleele: «Bisu laafwana ubwana na mapasi mamalahi, tswamina mu ukoto mu Ipfumu hya Nzambi.»

Mavanga 14:23

Mu pasi libundu, Pahuli na Baranabasi baakatsahisa bakuutu mu isalu hya Nzambi. Bo baakadya ikaandi na usambila mu bo. Na bo baakayeholo bakuutu mobaana ŋa myoho mya Pfumu Yisu, wu bo baakasa hiitu mu nde.

Mavanga 14:27

Bu bo baatoodi hu musyenge a Antyokya, baakuukihi libundu. Baayabisi bo mambu ma Nzambi havangi mu mambuha moosi ma bo baaba. Na buni Nzambi hadibuli huli ba baavele Bayudaayo, nzila yi usa hiitu mu Pfumu.

Mavanga 14:28

Pahuli na Baranabasi baavyosi bilumbu bibilahi itwadi na bayihi mobaana.

Mavanga 18:27

Bu nde haba na tadi yi uyene hu itanzi hya Akayi, baana ba ngu baahwadisi nde. Bo baasonihi muhanda huli bayihi ba huuna, mu uyaka nde bubwe. Bu nde hatoodi hu Akayi, nde abeedi na tsoongo mu ba baasiidi hiitu mu bubwe bwa Nzambi.

Mavanga 19:9

Ka mitima mya babalahi ŋa hati la bo, myaba miminono. Bo a baakasa hiitu ve, na baakakwede ŋa kuungi la baatu boosi, baana ba baakaduukala nzila a Pfumu. Ka Pahuli atahuhi na bo. Nde abiti bayihi hu nzo a nzihili ya Tiranyusi, na akatoyo na bo pasi ilumbu.

Mavanga 20:1

Bu muyungisi hafwidi, Pahuli ateeli bayihi ba nde. Nde amana uhwadisa bo, nde alanisi bo na ayeni hu itanzi hya Masedonya.

Mavanga 20:30

Ŋa hati la benu mwakulu, baatu sa baleele ma upfuta mu udimbasa libundu, mana bayihi bakima mu benu, baduukala bo.

Mavanga 21:4

Huuna, bisu laabiisi banga hiitu, na laatsahili bilumbu tsaambu na bo. Hutso a nzaabili Livupu la Ngidi, bo baaleeli huli Pahuli mu uveleyene hu musyenge a Yeruselemi.

Mavanga 26:28

Agilipa afutili huli Pahuli: «We li mu utsima ti we ukiingula matsimi ma me, mu mwana a tangu hoole moyi, mu usiingama mu Kristo a we?»

Mavanga 6:1

Mu bilumbu mobiina, litangu li bayihi laakapfuna, Bayudaayo ba baakayambila ndaha a Bangeleke, baakaŋono. Bo baakaŋono mu toni ati, pasi ilumbu, mu tangu a kabili a byudya, Bayudaayo ba baakayambila Ibeleho, baakafumbasa bakwili ba bo ba bakaasu.

Mavanga 6:5

Baatu boosi baasiingi mambu ma bo baayabisi. Ni mu buuna, bo baasooli Etyene bahala li laaluula mu hiitu na mu Livupu la Ngidi, Filipo, Pokole, Nikanoli, Timoni, Palamenasi na Nikolasi musi Antyokya, wu asiingi usalila Nzambi Bayudaayo.

Mavanga 9:19

Titswene nde adidi na abahi mifudi. Sahuli avyosi mwa bilumbu na bayihi ba baaba hu Damaseko.

Mavanga 9:38

Bayihi ba hu musyenge a Yafa baayabi ti Peetelo aba hu musyenge a Lida. Musyenge mowuna aba bebele na Yafa. Bo baatsindihi nde babahala boole mu uyayabisa nde ti: «Kolo-kolo a we, a hadiinga mu uya huli bisu».

Yaki 2:7

Ni byo bili mu ubaya nduhi yi likinzu, ya nde wuuna wu uli Pfumu a benu.

1 Peetelo 4:14

Ni kinya huli benu tso baatu bali mu utuha benu bu lili bayihi ba Kristo. Mu toni ati, Livupu la Nzambi li muyusu, lili na benu.

1 Peetelo 4:16

Ka tso bali mu utsuundasa muutu mu toni ati nde li wa Mukristo, nde anyaha umono tsonyi. Nyaha muutu mowuuna abaafutala Nzambi matondo, bu bali mu uteele nde wa Mukristo.

1 Yowani 2:27

Ka uto ti mu benu, Livupu li Kristo hapuhili benu, lili mu ukwilala mu benu. Ni mu buuna, benu a lili na nzala mulongisi mukima ve. Mu toni ati, Livupu moliina, libaalongese benu mambu moosi. Lo lili Livupu li imbuli, ka a li mapfuta ve. Ni mu buuna, kwilalaani ba baakangama mu Kristo, we bu Livupu la Ngidi laalongisi benu.