Mavanga 11:23 - Musamu wu Mubwe

²³ Bu nde hayato huuna, nde amoni buni Nzambi hasyemi ba baasiili nde hiitu. Nde amoni kinya na ahwadisi bo boosi mu ukangama na hiitu hyosi mu Pfumu.

Mavanga 11:23 ပူးပေါင်းရင်းမြစ်များ

Yowani 15:4

Kangamaani mu me, we bu me akangama mu benu. Itabi hi muti a viinye utwala ubuta mbutu mu hyo mwakulu ve, tso hyo a hyakangama na muti a viinye ve. Ni bumosi kaka, benu utwala ubuta mbutu, tso benu a laakangama mu me ve.

Mavanga 13:43

Bu imoho hyafwidi, Bayudaayo babalahi na baatu bakima ba baasiingi uyusa Nzambi, baaduukili Pahuli na Baranabasi. Bo baakahwadisa bo mu ukangama mu Nzambi, wu ubanyahula masumu ma baatu.

Mavanga 14:22

Bo baakahwadisa mitima mi bayihi, na baakatuma bo mu uteleme mu imiinu mu Nzambi. Bo baakaleele: «Bisu laafwana ubwana na mapasi mamalahi, tswamina mu ukoto mu Ipfumu hya Nzambi.»

Mavanga 14:26

Bu Pahuli na Baranabasi baapali hu Ataliya, bo baakoti likuumbi la nzali mu uyene hu Antyokya musyenge a tsi a Syriya. Umata tangu moyina, hu Antyokya, ni huuna baasuusi bo ŋa myoho mya Nzambi, mu toni isalu hi bo baamani usa.

Mavanga 15:40

Ka Pahuli asooli Silaasi, na bo ka baayeni, bu baana ba ngu baavondi huli Pfumu mu ukeelese bo, na usyeme bo.

Mavanga 20:24

Ka mu me, idiingu hya me a hili na tsoongo ve. Hya tsoongo huli me, ni mu ukuhasa ma me ndi mu utsa, na isalu hi Pfumu Yisu hamiiva me. Isalu mo, ni ulongese Musamu wu Mubwe wu litondo la Nzambi.»

Mavanga 20:32

Na bunuubu, me nzyehuli benu ŋa myoho mya Nzambi, na mu lituma li Musamu wu Mubwe wa pfuuhili. Nde na matwala ma uhwadisa benu mu imiinu, na uva benu mukobe wu nde haswehele boosi ba baakangama mu nde.

Mavanga 4:36

Hwaba na muutu mumosi nduhi Yosefi, wu baabuti hu iliiŋa hya Kipere, wu ibandu hya Levi. Bilumbi byakateele nde Baranabasi, mbindulili a nduhi ti: «wu ubaabombesele».

Looma 12:8

Wu li na bungodu bu uhwadisa bana mu mavanga ma mabwe, nyaha abaahwadisa bo. Wu li na bungodu bu ukaba, nyaha abaasalila bwo mu mutima wu mubwe. Wu li mu utuma, nyaha abaatuma na lehemene loosi. Wu li mu ukumbasa nga puumbu, nyaha abaakumbasa na kinya.

2 Timoteho 3:10

Ka we, we aduukili me mu ndongisili a me, mu ndyatili a me, mu makani ma me, mu imiinu hya me, mu mukami a me, mu litondo la me, mu mukonono a me, mu usungama tso mu ibahala hya me,

1 Peetelo 5:12

Me atsonihili benu muhanda mowunuwu wu mukusi, mu likumbasa la Silaasi wu me umbaapolo we mwana a ngu a me wu akuha mu imiinu. Me atsonihi nde, mu uhwadisa benu, na mu usilasa ti, benu hutso a hyese hya Nzambi laakangama.

1 Yowani 2:28

Bunuubu, baana ba me, kangamaani mu Kristo, mana bisu liluula mu hiitu mu tangu yi nde huyamonehele. Kangamaani mu nde, mu uvelekwa tsonyi ŋa busu bwa Kristo, mu ilumbu hya nziili a nde.

3 Yowani 1:4

Kinya a me yi yafulala, ni mu uyuha ti baana ba me bali mu udyata mu imbuli.

Yude 1:4

Me ndi mu utsonehele benu, mu tonyi ati, ŋa hati la benu baatu bababi bakima, baamiiyakotelele benu mu tswehi. Bo bali baatu ba baavelekinza Nzambi a bisu, mu usobo bubwe bwa nde mu mbili a bo yi bumbembo. Na bo bali mu utunala ka Yisu Kristo, Mulongisi na Pfumu a bisu mumosi wu. Ka umata beleve, Libuuku la Ngidi laamiiyabisa tsyembili yi bo buyaka.