Mavanga 11:20 - Musamu wu Mubwe

²⁰ Buuna bakima ŋa hati la bo, ba baaba ba ibiingi hya Kipere na bisu Kilene, bo ka baayeni hu musyenge a Antyokya. Ka bo baakayabisa ka Bangeleke na ulongese bo musamu wu mubwe wa Pfumu Yisu.

Mavanga 11:20 ပူးပေါင်းရင်းမြစ်များ

Yowani 7:35

Bayudaayo baalelisini: «Nde huni ali mu dwe, mana bisu luuvelesoolo nde? Nde ka huli Bayudaayo ba bubaatsahala ŋa hati li Bangeleke nde uyene, buve Bangeleke huuyalongese?

Mavanga 11:19

Mbingisili yi yabwidi mu tangu yi baadubi Etyene, yaatumisi banga hiitu mu utsamuha. Bamosi ŋa hati la bo baayeni nate hu itanzi hya Fenesiya, hu iliiŋa hya Kipere na hu musyenge a Antyokya. Ka bo baakalongese mambu ma Nzambi ndulu huli Bayudaayo.

Mavanga 11:22

Libundu la Yeruselemi laayuhi tsangu a kinguli buyedi ya baatu mo baana. Lo laatsindihi Baranabasi hu musyenge a Antyokya.

Mavanga 11:26

Bu nde hasooli Sahuli, nde abiti nde hu Antyokya. Bo baboole baavyosi ilima hi itindala itwadi mu libundu moliina. Bo baakalongese mabuli mamanene ma baatu. Hu Antyokya, ni huuna baateeli bayihi ba Yisu hati a tsomi, ti bo «Bakristo».

Mavanga 11:27

Mu tangu moyina, hwabeedi na mimbihuli mi myamati hu Yeruselemi mu uyene hu Antyokya.

Mavanga 13:1

Mu tso libundu la Antyokya, hwaba na mimbihuli na milongisi: Baranabasi, Simehoni wu baakateele «Mupindi», Lukiyusi musi Kilene, Manaheni mbahi a Eloode wu bukenyi, wu akatuma itanzi hya Ngalili, na Sahuli.

Mavanga 14:26

Bu Pahuli na Baranabasi baapali hu Ataliya, bo baakoti likuumbi la nzali mu uyene hu Antyokya musyenge a tsi a Syriya. Umata tangu moyina, hu Antyokya, ni huuna baasuusi bo ŋa myoho mya Nzambi, mu toni isalu hi bo baamani usa.

Mavanga 15:22

Buuna bilumbi na bakuutu ba libundu, na libundu loosi baavoli kesili yi usoolo mwa bakima ŋa hati la bo. Na utsindaha bo hu Antyokya, nzila mosi na Pahuli na Baranabasi. Bo baasooli Yude nga kumbu Barasabasi na Silaasi. Bo boole baakuha ŋa hati la bana ba ngu.

Mavanga 15:23

Baaviidi bo mu ubita muhanda wu baasonehe bunuubu: «Bisu bilumbi na bakuutu ba libundu, bambaahi ba benu banga imiinu, limiisuula benu baana ba ngu ba laavele Bayudaayo. Bisu limiisuula benu ba lili hu musyenge a Antyokya, hu bitanzi bya tsi a Siriya na itanzi hya Silisiya.

Mavanga 15:30

Bo baasiisi baatu ba baasooli mu uyene hu Antyokya. Bu baatoodi huuna, bo baakuukihi libundu loosi na baayakisi bo muhanda.

Mavanga 17:18

Ni huuna, biyedi banga kumbu Bayepikule na Basotoyise, baakayatoyo na nde. Bana baakafuula: «Litodo molinili hima lili mu uleele hya tsiki?» Baatu bakima ti: «Nde we wu li mulongisi a mambu ma binzanzambi bya byenyi». Bo baafutili buuna, mu toni ati, bo baakayuha Pahuli mu uyabisa tsangu yimbwe ya Yisu na ya tsuhili a nde mu babaakwa.

Mavanga 18:22

Bu Pahuli hamati hu musyenge a Efeso, nde ayasutaha hu ngulu yi makuumbi mubaatsikama yi musyenge a Sezare. Nde akumisi hu musyenge a Yeruselemi mu uyava libundu suuhi. Titswene nde ayeni hu musyenge a Antyokya.

Mavanga 2:10

Bakima bisu Filizi na Papfiliya, bisu Ngipiti na bisu Silene mu tsi a Libya. Huli kaka na bisu Looma,

Mavanga 4:36

Hwaba na muutu mumosi nduhi Yosefi, wu baabuti hu iliiŋa hya Kipere, wu ibandu hya Levi. Bilumbi byakateele nde Baranabasi, mbindulili a nduhi ti: «wu ubaabombesele».

Mavanga 5:42

Na pasi ilumbu, mu nzo a Nzambi na mu manzo ma bo, bo baakahwada mu ubaalongese na ubaayabisa Musamu wu Mubwe ti Yisu ni Masiya.

Mavanga 6:1

Mu bilumbu mobiina, litangu li bayihi laakapfuna, Bayudaayo ba baakayambila ndaha a Bangeleke, baakaŋono. Bo baakaŋono mu toni ati, pasi ilumbu, mu tangu a kabili a byudya, Bayudaayo ba baakayambila Ibeleho, baakafumbasa bakwili ba bo ba bakaasu.

Mavanga 6:5

Baatu boosi baasiingi mambu ma bo baayabisi. Ni mu buuna, bo baasooli Etyene bahala li laaluula mu hiitu na mu Livupu la Ngidi, Filipo, Pokole, Nikanoli, Timoni, Palamenasi na Nikolasi musi Antyokya, wu asiingi usalila Nzambi Bayudaayo.

Mavanga 6:9

Mwa litangu la baatu layakaakana na nde. Baatu mobaana aba ba kabu la baatu ba nzo lisambulu yi Bayudaayo, li bakateele kabu li «baviha na ba baaba bunyanga». Kabu mo aba na Bayudaayo ba misyenge mya Kilene na ba mya Alekizandi. Itwadi na bakima ba hu itanzi hya Silisiya, na ba tsi ya Asiya, bo boosi baakakini na Etyene.

Mavanga 8:35

Na Filipo abaandihi ubindula nde mambu momaana, na ayabisi nde Tsangu Yimbwe ya Yisu.

Mavanga 8:5

Filipo ayeni hu musyenge a Samariya, na akayabisa Kristo huli baatu.

Mavanga 9:20

Ni mu tangu moyina, Sahuli habaandihi ulongese Tsangu Yimbwe mu manzo ma masambulu ma Bayudaayo. Na nde akayabisa ti Yisu ni Mwana a Nzambi.

Mavanga 9:29

Nde akabaamoho ka na Bayudaayo ba baakayambila ndaha yi Bangeleke, na usanzasana matsimi na bo. Ka bo baniiba, baakasaha uduba nde.

Ngalaatiya 2:11

Ka tangu yi Peetelo hayidi hu musyenge a Antyokya, me atsyembi nde ŋa misu ma baatu, mu toni ati nde avangi mamabi. Mono ma nde havangi.