Mavanga 11:19 - Musamu wu Mubwe

¹⁹ Mbingisili yi yabwidi mu tangu yi baadubi Etyene, yaatumisi banga hiitu mu utsamuha. Bamosi ŋa hati la bo baayeni nate hu itanzi hya Fenesiya, hu iliiŋa hya Kipere na hu musyenge a Antyokya. Ka bo baakalongese mambu ma Nzambi ndulu huli Bayudaayo.

Mavanga 11:19 ပူးပေါင်းရင်းမြစ်များ

Yowani 7:35

Bayudaayo baalelisini: «Nde huni ali mu dwe, mana bisu luuvelesoolo nde? Nde ka huli Bayudaayo ba bubaatsahala ŋa hati li Bangeleke nde uyene, buve Bangeleke huuyalongese?

Mavanga 11:20

Buuna bakima ŋa hati la bo, ba baaba ba ibiingi hya Kipere na bisu Kilene, bo ka baayeni hu musyenge a Antyokya. Ka bo baakayabisa ka Bangeleke na ulongese bo musamu wu mubwe wa Pfumu Yisu.

Mavanga 11:22

Libundu la Yeruselemi laayuhi tsangu a kinguli buyedi ya baatu mo baana. Lo laatsindihi Baranabasi hu musyenge a Antyokya.

Mavanga 13:1

Mu tso libundu la Antyokya, hwaba na mimbihuli na milongisi: Baranabasi, Simehoni wu baakateele «Mupindi», Lukiyusi musi Kilene, Manaheni mbahi a Eloode wu bukenyi, wu akatuma itanzi hya Ngalili, na Sahuli.

Mavanga 13:4

Livupu la Ngidi laatsindihi Baranabasi na Sahuli. Bo baakulimini hu ngulu yi makuumbi ma nzali mubaatsikama, hu bo baanami mu likuumbi la nzali mu uyene hu iliiŋa hya Kipere.

Mavanga 13:46

Buuna, Pahuli na Baranabasi baayabisi bo na hiitu hyosi ti: «Beedi hwafwana ti benu liba baatsomi mu uyuha mambu ma Nzambi. Ka bu benu lili mu unyasula mo, na umono ti benu a laakuha mu uyaka monyi wu bilima na bilima ve, bunuubu, bisu sa liyene huli ba baavele Bayudaayo.

Mavanga 14:26

Bu Pahuli na Baranabasi baapali hu Ataliya, bo baakoti likuumbi la nzali mu uyene hu Antyokya musyenge a tsi a Syriya. Umata tangu moyina, hu Antyokya, ni huuna baasuusi bo ŋa myoho mya Nzambi, mu toni isalu hi bo baamani usa.

Mavanga 15:22

Buuna bilumbi na bakuutu ba libundu, na libundu loosi baavoli kesili yi usoolo mwa bakima ŋa hati la bo. Na utsindaha bo hu Antyokya, nzila mosi na Pahuli na Baranabasi. Bo baasooli Yude nga kumbu Barasabasi na Silaasi. Bo boole baakuha ŋa hati la bana ba ngu.

Mavanga 15:3

Libundu laaviidi bo likumbasa li lafwana mu uvangimasa mudyenge mowuna. Bo baavyohi mu mukesu bitanzi bya Fenesiya na Samariya. Bo baakayabisa buni ba baavele Bayudaayo baasobi mbiili mu usa hiitu mu Nzambi. Ikumbu mohinihi hyakamwese kinya yinene huli baana ba ngu boosi.

Mavanga 15:30

Bo baasiisi baatu ba baasooli mu uyene hu Antyokya. Bu baatoodi huuna, bo baakuukihi libundu loosi na baayakisi bo muhanda.

Mavanga 15:35

Buuna, Pahuli na Baranabasi, baasaali hu Antyokya. Itwadi na bakima-bakima, bo baakayihasa na baakalongese mambu ma Pfumu.

Mavanga 15:39

Buuna, paha yinene yatelimi, na bo baakabuhi. Baranabasi avoli Malako, na bo boole baayeni hu iliiŋa hya Kipere.

Mavanga 18:22

Bu Pahuli hamati hu musyenge a Efeso, nde ayasutaha hu ngulu yi makuumbi mubaatsikama yi musyenge a Sezare. Nde akumisi hu musyenge a Yeruselemi mu uyava libundu suuhi. Titswene nde ayeni hu musyenge a Antyokya.

Mavanga 21:16

Kabu li bayihi ba musyenge a Sezare, laayabiisala bisu. Bo baabiti bisu huli muutu wu avangimi mu uyaka bisu hubwa nde. Nduhi a nde Manasoni, musi iliiŋa hya Kipere, wu aba muyihi umata beleve.

Mavanga 21:2

Huuna, bisu laabiisi likuumbi li laakasabuha hu tsyelo a tsi a Fenesiya. Buuna, bisu laakoti mu lo na laayeni.

Mavanga 3:26

Ni mu toni a benu, Nzambi hatswamisi utelemese musalili a nde. Nde atsindihi nde mu usyeme benu na mu usa ti muutu-muutu mu benu, atahuha na mavanga ma nde mamabi.»

Mavanga 4:36

Hwaba na muutu mumosi nduhi Yosefi, wu baabuti hu iliiŋa hya Kipere, wu ibandu hya Levi. Bilumbi byakateele nde Baranabasi, mbindulili a nduhi ti: «wu ubaabombesele».

Mavanga 6:5

Baatu boosi baasiingi mambu ma bo baayabisi. Ni mu buuna, bo baasooli Etyene bahala li laaluula mu hiitu na mu Livupu la Ngidi, Filipo, Pokole, Nikanoli, Timoni, Palamenasi na Nikolasi musi Antyokya, wu asiingi usalila Nzambi Bayudaayo.

Ngalaatiya 2:11

Ka tangu yi Peetelo hayidi hu musyenge a Antyokya, me atsyembi nde ŋa misu ma baatu, mu toni ati nde avangi mamabi. Mono ma nde havangi.