Mavanga 11:13 - Musamu wu Mubwe

¹³ Korineye ayabisi bisu buni nde hamoni pofi wu akateleme mu nzo a nde na wu akaleele nde ti: “Tsindaha muutu hu musyenge a Yafa mu uyavolo Simoni, nga kumbu Peetelo.

Mavanga 11:13 ပူးပေါင်းရင်းမြစ်များ

Mavanga 10:22

Bo baafutili: «Mukuutu balwani Korineye, miitsindaha bisu huli we. Nde li muutu wu asungama na wu ubaakinza Nzambi. Ni nde wuna, wu Bayudaayo boosi bubaasilasa mbiili. Pofi a Nzambi ayamonehele na nde, na uleele nde atsiha we hu nzo a nde. Muutu mowuna na nzala uyuha mambu ma we uyaabisa nde.»

Mavanga 11:12

Livupu la Ngidi laaleeli me mu uyene na bo hwavele utsika. Baana ba ngu mu Kristo basamunu ba me anzidi na bo, baayavehese me hu Sezare. Na bisu boosi laakoti mu nzo a mukuutu Korineye.

Mavanga 11:14

Nde sa aleele we mambu ma mu ubehele we liyobolo. Liyobolo huli we, nate huli ikuta hya we hyosi.”»

Mavanga 12:11

Buuna Peetelo apadumini na atsimi: «Bunuubu me miimono bubwe ti mu mbuli, Pfumu miitsindaha pofi a nde. Nde miiyobolo me ŋa myoho mya Eloode. Nde miiyobolo me, mu moosi ma buli li Bayudaayo bakiivangila me.»

Mavanga 9:36

Hwaba hu musyenge a Yafa, mukaasu nga hiitu mu Yisu, nga nduhi a Tabita, mbindulili a yo mu ndaha yi Bangeleke «Dolokasi» buve «tsyesi». Nde aba tangu yoosi ubaavanga mamabwe na ubaava likumbasa huli biyaha.

Mavanga 9:38

Bayihi ba hu musyenge a Yafa baayabi ti Peetelo aba hu musyenge a Lida. Musyenge mowuna aba bebele na Yafa. Bo baatsindihi nde babahala boole mu uyayabisa nde ti: «Kolo-kolo a we, a hadiinga mu uya huli bisu».

Mavanga 9:42

Tsangu yatsaamuhi mu musyenge woosi wa Yafa, na babalahi baasobi mbiili a bo na baasidi hiitu mu Pfumu.

Mavanga 9:43

Peetelo atsahili matangu mamalahi hu musyenge a Yafa, hu uli mutsonzihi a bibaanda bi banyama, nga nduhi a Simoni.