Mavanga 11:12 - Musamu wu Mubwe

¹² Livupu la Ngidi laaleeli me mu uyene na bo hwavele utsika. Baana ba ngu mu Kristo basamunu ba me anzidi na bo, baayavehese me hu Sezare. Na bisu boosi laakoti mu nzo a mukuutu Korineye.

Mavanga 11:12 ပူးပေါင်းရင်းမြစ်များ

Yowani 16:13

Ka bu nde huya, nde, Livupu li libaayabisa imbuli, nde sa abita benu mu imbuli hyosi. Nde a huyambila mu nde mwakulu ve. Ka nde sa aleele moosi ma nde huyuha na uyabisa benu mambu ma muuya hu busu.

Mavanga 1:15

Mu bilumbu mobiina, banga hiitu baapfutini. Bo aba bebele a kama na maku moole (120). Peetelo atelimi ŋa hati la bo, na aleeli:

Mavanga 10:23

Buuna Peetelo ayaki bo, na alaasi bo mu nzo a nde. Ŋa ngwali, nde atelimi na ayeni na bo. Banga hiitu bamosi, bisu Yafa, baayeni na nde.

Mavanga 10:45

Banga a hiitu, babali Bayudaayo ba baayidi na Peetelo, baakimuhi bo boosi. Bo baakimuhi, mu umono ti bungodu bu Livupu la Ngidi, bwakapuhama kaka nate hu uli ba baavele Bayudaayo.

Mavanga 11:13

Korineye ayabisi bisu buni nde hamoni pofi wu akateleme mu nzo a nde na wu akaleele nde ti: “Tsindaha muutu hu musyenge a Yafa mu uyavolo Simoni, nga kumbu Peetelo.

Mavanga 13:2

Ilumbu imosi, bu bo baakasambila Pfumu na bu bo baakadya ikaandi, Livupu la Ngidi laayabisi bo: «Vengolwani Baranabasi na Sahuli, mu toni isalu hi me ateele bo mu hyo.»

Mavanga 13:4

Livupu la Ngidi laatsindihi Baranabasi na Sahuli. Bo baakulimini hu ngulu yi makuumbi ma nzali mubaatsikama, hu bo baanami mu likuumbi la nzali mu uyene hu iliiŋa hya Kipere.

Mavanga 15:7

Humbisa usobosono minywa, Peetelo atelimi na aleeli bo: «Bana ba ngu ba me, benu liyabi umata beleve, ti Nzambi asooli me ŋa hati la benu. Nzambi asooli me, mana me nzanzaabisa Musamu wu Mubwe huli ba baavele Bayudaayo, mana bu bo buyuha nde, bo basa hiitu mu Nzambi.

Mavanga 15:9

Nde a hasa lisobosono ŋa hati la bo na bisu ve. Bu bo baasiidi hiitu mu Nzambi, nde atsyemisi ka mitima mya bo.

Mavanga 28:15

Baana ba ngu ba mu Kristo ba musyenge mowuna, baayuhi tsangu a bisu. Bo baayabwana bisu nate hu saandu la Apiyusi na hu «manzo matatu ma byenyi». Bu Pahuli hamoni bo, nde afutili matondo huli Nzambi na ahwadi.

Mavanga 8:29

Livupu la Ngidi laaleeli huli Filipo: «Yene bebele na likumbi moliina.»

Looma 3:22

Nzambi ubaakuhasa baatu, mu nzila yi imiinu mu Yisu Kristo. Nde ali mu uvanga buuna, mu boosi ba butsiitsa mu nde. Mu toni ati, lisobosono love ŋa hati la bo:

2 Tesalonika 2:2

A lilenge mu uba na boomo, buve mu uba matsimi helini-helini ve, tso muutu yayaabisa benu ti ilumbu hya nziili a Pfumu himiito. A liyuhala nde ve, tso baaleele ti mbihulili, buve ti malumbi, buve ti muhanda miimata huli bisu.