Mavanga 10:22 - Musamu wu Mubwe

²² Bo baafutili: «Mukuutu balwani Korineye, miitsindaha bisu huli we. Nde li muutu wu asungama na wu ubaakinza Nzambi. Ni nde wuna, wu Bayudaayo boosi bubaasilasa mbiili. Pofi a Nzambi ayamonehele na nde, na uleele nde atsiha we hu nzo a nde. Muutu mowuna na nzala uyuha mambu ma we uyaabisa nde.»

Mavanga 10:22 ပူးပေါင်းရင်းမြစ်များ

Luuka 2:25

Hu musyenge a Yeruselemi hwaba na muutu mumosi, nduhi a nde Simeyoni. Nde aba wu asungama na nga likinzu ŋa busu bwa Nzambi. Nde akakeele muutu wu Nzambi hafwana utsindaha mu uyobolo bisu Isereli, na Livupu la Nzambi laaba ŋa yulu a nde.

Luuka 23:50

Hwaba na bahala limosi, nduhi a nde Yosefi. Nde aba musi bula bu Bayudaayo bwa nduhi Arimate. Bahala moliina aba muutu wu mubwe na wu asungama, na nde akakeele nziili Ipfumu hya Nzambi. Nde aba mumosi ŋa hati la pfuundu banzonzi ba Bayudaayo. Ka nde a hasiingi kesili na ma banzonzi bakima baasiidi ve.

Luuka 9:26

Pasi nde wu uba na tsonyi mu toni a me, buve mu toni a mambu ma me, Mwana a muutu sa amonele nde ka tsonyi. Nde umoneele nde tsonyi. Nde umoneele nde tsonyi bu nde hu uya hutso muyusu a nde, na hutso muyusu a Taata na wu bapofi bangidi.

Yowani 13:20

Eye, me ndeele benu lo, ni mbuli: Pasi muutu wu uyaka wu me utsindaha, ni me nde ayaki; na pasi muutu wu uyaka me, yaki kaka wu atsindaha me.»

Yowani 17:20

Me a handi mu utsambila we ndulu mu bo ve, ka napa mu ba buusiila me imiinu mu ma bo buuleele mu me.

Yowani 17:8

Mu toni ati, me apa bo mambu ma we ava me. Bo baayaka mo, bo baayaba ti mu mbuli me mu we apala. Na bo baasa imiinu ti we ni wu atsindaha me.

Yowani 5:24

Mu mbuli, mu mbuli me ndi mu undeele benu, muutu wu li mu uyuha mambu ma me, na li mu usa imiinu mu wuuna wu atsindaha me, nde li na monyi wu bilima na bilima. Nde a hukoto mu tsuundusu ve, ka nde amiimata mu lipfu na uvyoho hu monyi.

Yowani 6:63

Ni Livupu la Nzambi libaava monyi. Musunya a hali na tsongo ve. Mambu ma me ndeeli benu mali mu umata mu Livupu, na mali ma uva monyi huli baatu.

Yowani 6:68

Simoni Peetelo ni ufutala nde: «Pfumu, bisu ka huli na luuyene? We ni nga mambu ma mubaava monyi wu bilima na bilima.

Mavanga 10:2

Nde na ikuta hya nde hyosi, baakakinza Nzambi, mu mifudi mya nde myosi. Akabaakwila lingebe na ubaakumbasa biyaha bi Bayudaayo. Nde akasambila Nzambi tangu yoosi.

Mavanga 10:21

Peetelo asutihi na aleeli huli baatu mobaana: «Me ni wu benu lili mu usaha. Ki toni yi ibehi benu ŋaniŋa?»

Mavanga 10:30

Korineye afutili: «Loloyi huka bilumbu bitatu. Mu ngunga yi matatu ya humbisa a mwangulu, me katsambilanga Nzambi mu nzo a me. Masulubete, muutu mumosi wu alwata bikutu bi bibaamwedeme, ayateleme ŋa busu bwa me.

Mavanga 10:33

Ni mu buuna, me atsindaha baatu mu mawasa huli we, na we vangi bubwe bu we siingi uya. Bunuubu, bisu boosi baba ŋa busu bwa Nzambi, mu uyuha moosi ma Pfumu hatuma we mu uyabisa bisu.»

Mavanga 10:6

Nde li mu utsahala huli muutu mukima nga nduhi a Simoni, wu uli mutaandi bibaanda bi banyama. Nzo a nde yili ŋa muvanga mubu.»

Mavanga 11:14

Nde sa aleele we mambu ma mu ubehele we liyobolo. Liyobolo huli we, nate huli ikuta hya we hyosi.”»

Mavanga 22:12

«Hwaba huuna, na muutu mumosi nduhi Ananya, muutu wu akinza Nzambi na wu ubaaduukala mikele mya bisu. Nde wuna wu Bayudaayo boosi ba musyenge a Damaseko, bubaatila imbangi hi ibwe.

Mavanga 24:15

Me ndi na hiitu mu Nzambi. Hiitu hi bo mwakulu bali na hyo, ti baatu bababwe we bababi sa basuuha humbisa lipfu.

Mavanga 6:3

Ni mu buuna, baana ba ngu, soolowani ŋa hati la benu, babahala tsambu ba bu utiila imbangi hi ibwe, ba baaluula mu Livupu la Ngidi na mu tsiki. Na bisu a benu livani bo isalu mohinihi.

Looma 1:17

Ni mu buuna, Musamu wu Mubwe li mu umwese bunuubu: Nzambi ubaatsikaha butsiitsa bwa baatu, mu tangu yi bo bali mu usa hiitu mu nde, we bu baasonehe mu ma Ngidi: «Mutsiitsa uba monyi mu imiinu.»

1 Timoteho 3:7

Hwafwana kaka ti, baatu babali hu mbadi libundu, batiila nde imbangi hi ibwe. Imbangi mohiina, mana bavelerokolo nde, na nde avelebwa mu myeto mi Mukuyi.

2 Peetelo 3:2

Yibwalaani monyi, mu mambu ma mimbihuli mya ngidi myayabisi umata beleve. Yibwalaani kaka mukele wu Pfumu na Muyobili hatoosili benu, mu nzila bilumbi bya nde.

3 Yowani 1:12

Ka uto ti Demetiliyusi, baatu boosi bali mu utiila nde imbangi hi ibwe, napa imbuli hili mu umwese ti nde na mbiili yimbwe. Bisu kaka lili mu utiila nde imbangi hi hibwe, na we yabi ti imbangi hya bisu hili hya mbuli.