Mavanga 1:8 - Musamu wu Mubwe

⁸ Ka benu lu uyaka matwala, bu Livupu la Ngidi lukulamana ŋa yulu a benu. Benu lu uba bambangi ba me mu Yeruselemi, mu itanzi hya Yuda hyosi na hya Samariya, nate hu hwasuka toto.»

Mavanga 1:8 ပူးပေါင်းရင်းမြစ်များ

Luuka 1:35

Pofi afutili nde: «Livupu la Ngidi lu ukulamana ŋa yulu a we, na matwala ma Nzambi a Pungu mu ufuuha we mu posi a mo. Ni mu buuna, mwana wa ngidi wu bu ubuta, sa bateele nde Mwana a Nzambi.»

Luuka 10:19

Yuhani! Me apiidi benu lituma li udyata ŋa yulu bataadi na bangenge, na uhesolo matwala moosi ma muboho. A huli na isiha hi hyutwala ukwamisa benu ve.

Luuka 24:29

Ka bo baayayiini nde na uleele: «Ba na bisu, mu toni ati, ilumbu hi mikulamana na butsuhu bwaka bebele.» Nde akoti mu uba na bo.

Yowani 15:27

Benu kaka, sa litiila me imbangi, mu toni ati benu lili na me umata mbandu.»

Mavanga 1:22

Muutu mowuna abeedi ŋana, umata tangu yi Yowani hakatondehe, nate bu Yisu havati hu yulu. Hwafwana ti mumosi ŋa hati la baatu mobaana, aba mbangi a bisu mu tsuhili a Yisu mu babaakwa.»

Mavanga 1:5

Yowani atondihi baatu mu mamba, ka mu bilumbu hole, Nzambi utondehe benu mu Livupu la Ngidi.»

Mavanga 13:31

Mu bilumbu bibilahi, Yisu amonihili huli ba baakadyenge na nde. Ni baatu ba baakayene na nde umata hu itanzi hya Ngalili nate hu Yeruselemi. Na bunuubu, bo bali bambangi ba nde, ŋa busu bwa bisu Isereli.

Mavanga 2:32

Nzambi asuuli nde ŋa hati la babaakwa. Yisu mo wu me ndi mu unzambila mu nde wunuwu. Bisu boosi lili bambangi.

Mavanga 22:15

Ka we uba mbangi a nde ŋa busu bwa baatu boosi, mu toni uyabisa bo maambu moosi ma we miimono na uyuha.

Mavanga 3:15

Buuna, benu laatumi uduba Pfumu a monyi. Ka Nzambi asuuli nde mu babaakwa, na bisu lili bambangi ba mambu momaana.

Mavanga 4:33

Na mifudi mimilahi, bilumbi byakata imbangi mu toni a tsuuhili a Pfumu Yisu. Nzambi akava bo boosi hyese hi ilahi.

Mavanga 5:32

Bisu lili bambangi ba misamu momiina, bisu na Livupu la Ngidi, li Nzambi havidi ba bali mu usiingala nde.»

Mavanga 6:8

Etyene wu aba aluula mu matwala na mu hyese akavanga bipadi na bimangu bibinene ŋa hati la baatu.

Mavanga 8:1

Na Sahuli asilisi lipfu la Etyene. Ilumbu mo ni hiina, hwabaandihi mbingisili yinene mu Libundu la Yeruselemi. Banga hiitu boosi, vengo bilumbi, baatsamuhi mu bitanzi bya Yuda na Samariya.

Looma 10:18

Buuna me ndi mu upfuula: Bayudaayo a baayuhi musamu mo wuuna ve? Eye, bo baayuhi nde! Mu toni ati, Mabaasonehe ma Ngidi mali mu uleele: «Ndaha a bo yaayuhini mu toto yoosi, na mambu ma bo baalongisi, maamiito nate hu tsi yaasuka.»

Looma 15:19

mu matwala ma biliimbu bya kimwili, na bipadi, mu matwala ma Livupu la Nzambi. Mono buni me anzaabisi we bu hwafwana Musamu wu Mubwe wa Kristo, mu ubaayene matsyelo moosi, umata musyenge a Yeruselemi nate hu itanzi hya Iliriya.