Mavanga 1:3 - Musamu wu Mubwe

³ Humbisa umono pasi yi lipfu, Yisu ayamonehele huli baatu mobaana, na umwese bo mu bilimbu bi bilahi, ti mbuli nde monyi ali. Nde ayamonehele huli bo, mu maku mana ma bilumbu. Mu tangu moyina, nde ayabisi bo mambu ma Ipfumu hya Nzambi.

Mavanga 1:3 ပူးပေါင်းရင်းမြစ်များ

Yowani 20:26

Bilumbu tsambu bivyoho, bayihi baabwekukama mutso a nzo, na Tomasi kaka abeedi ŋaana. Minywa mya nzo myaba baadibuha mu batsaafi. Masulubete, Yisu ayidi, ayateleme ŋa hati la bo na aleeli: « Nyaha hyenze hiba na benu!»

Yowani 21:1

Mwana a tangu yivyoho, Yisu abwemonehele huli bayihi ba nde ŋa muvanga a dyanga la Tibelyade. Mono buni nde hamonihili:

Yowani 21:14

Liina aba aka ni monehele li matatu li Yisu hamonihili huli bayihi ba nde, umata bu nde hasuuhi mu babaakwa.

Mavanga 13:31

Mu bilumbu bibilahi, Yisu amonihili huli ba baakadyenge na nde. Ni baatu ba baakayene na nde umata hu itanzi hya Ngalili nate hu Yeruselemi. Na bunuubu, bo bali bambangi ba nde, ŋa busu bwa bisu Isereli.

Mavanga 19:8

Pahuli akayene tangu yoosi hu nzo lisambulu yi Bayudaayo, na nde akatoyo na imbuli hyosi. Mu batsungi batatu, nde akayabisa bo misamu mi Ipfumu hya Nzambi. Nde akahwada mu usundasa matsimi ma ba baakayuha nde.

Mavanga 28:23

Bo baabwesoolo ilumbu ikima, hi ubwepfuutana na Pahuli. Bu ilumbu mohina hyatoodi, bo baayeni huli nde, mu litangu lililahi li laafulala la tsomi. Imoho hyabaandihi ŋa ngwali nate ŋa tsitsaha. Mu ndongisili a nde, Pahuli akalongese na ubindula mambu ma Ipfumu hya Nzambi. Nde akabindula bo mikele mya Moose, na mihanda mi mimbihuli mya Nzambi myasonihi, mana nde abita bo mu ukangama mu Yisu.

Mavanga 28:31

Nde akayabisa bo mu dyambu li Ipfumu hya Nzambi. Na nde akalongese baatu na isuusi hyosi, hwavele ikahu, mana bo babaha nzaabili mu Pfumu Yisu Kristo.

Mavanga 8:12

Ka bu makonge ma baatu maasiidi hiitu mu Tsangu Yimbwe yi Filipo hakayabisa bo mu Ipfumu hya Nzambi na mu Yisu Kristo, babahala na bakaasu boosi baayaki tondihili.

Looma 14:17

Eye, Ipfumu hya Nzambi a hili dyambu la byudya, buve la byunywa ve. Ka hyo hyakangama mu butsitsa, hyenze na kinya, bi Livupu la Ngidi libaava.

1 Tesalonika 2:12

Bisu laahwadisi benu, laabombisili benu na laayelisi benu mu ubaaba na mbiili yi yafwana ŋa busu bwa Nzambi. Nde wu li mu uteele benu mu ukoto mu ipfumu hya nde na mu muyusu a nde.

1 Yowani 1:1

Bisu lili mu uyaabisa benu musamu wu ubaava monyi, wu li umata mbaandu a tsi. Bisu laayuhi nde. Bisu laamoni nde mu miisu ma bisu. Bisu laakengisi nde na myoho mya bisu myabembi nde.