Luuka 9:45 - Musamu wu Mubwe

⁴⁵ Ka ma Yisu hakayabisa bayihi, bo a baakatsikaha mo ve. Bo a baakatsikaha ve, mu toni ati tsiki a mo yaba yasweme mana bo baveletsikaha. Bo baaba na boomo mu ufuula nde mu toni a mambu mo maana.

Luuka 9:45 ပူးပေါင်းရင်းမြစ်များ

Luuka 18:34

Ka bayihi a baatsikihi dyambu tso limosi, mu ma nde haleeli bo ve. Mbindulili a maana yaba yasweme huli bo. Na bo a baakatsikaha ma Yisu hakayabisa bo ve.

Luuka 2:50

Ka bo a baatsikihi ma Yisu hakaleele bo ve.

Luuka 9:46

Bayihi baakatsundaana ŋa hati la bo mu wu afula bukuutu.

Yowani 12:16

Hu mbaandihili, bayihi ba nde a baatsikihi ma maakavyoho ve. Ka humbisa a hu Yisu hasyenuhi mu muyusu, bo baayibuhili monyi ti mambu momaana aba baasonehe mu nde. Bo baayibuhili kaka monyi mu mambu ma maavyohi mu ilumbu mohiina.

Yowani 12:34

Baatu baafutili nde: «Bisu laayiha mu libuuku li Mikele ti Kristo ukwilala bilima na bilima. Ka we buni we li mu uleele ti: “Mwana a Muutu bafwana usyenolo nde”? Mwana a Muutu mo ka na?»

Yowani 14:5

Tomasi aleeli nde: «Pfumu, bisu a liyaabi hu we li mu uyene ve. Buni bisu luuyaaba nzila?»

Yowani 4:33

Bayihi baakalelesene: «Aa! Kahu na muutu wu behili nde byudya?»