Luuka 8:37 - Musamu wu Mubwe

³⁷ Ni mu buuna, bisu Ngelesaneya boosi baabahi boomo bu bulahi. Na baayavondo Yisu mu utahuha na bo. Nde abwekoto mu bootehe na afutihi.

Luuka 8:37 ပူးပေါင်းရင်းမြစ်များ

Luuka 10:16

Nde abweleele huli bayihi ba nde: «Muutu wu uyuhala benu, li mu uyuhala me. Wuli mu unyasula benu, li mu unyasula Nzambi wu atsindaha me.»

Luuka 5:8

Bu Simoni Peetelo hamoni buuna, nde atsokimi ŋa busu bwa Yisu na aleeli: «Pfumu, tahuha na me, ka me ni nga masumu.»

Luuka 8:28

Ka mataangu ma malahi, tengo moli laakakaanga nde. Ni mu buuna, mu uliha nde mu ubaayene, baaba bakuta nde mapanga na uhada nde bitali mu miilu. Ka nde akabaakese byo. Tengo lakabaabita nde hu kumu a nzala. Bu muutu mo hamoni Yisu, nde ayami, na nde ayabwa ŋa miilu mya Yisu. Yisu atumi tengo mu upala mu muutu mowunuwu. Muutu mo aleeli mu mifudi myosi: «Bisu a we ki toni, Yisu Mwana a Nzambi a Pungu? Kolo-kolo a we, a hakwamisa me ve.»

Luuka 8:36

Ba baamoni ma maavyohi, baayabisi bo buni nga matengo hayobihi.

Luuka 8:38

Muutu mo wu ayobihi mu matengo, afuuli Yisu tso nde utwala uyene na nde. Ka Yisu afutili na aleeli nde:

Luuka 9:5

Tso baatu a bayaki benu ve, ŋa benu lu upala mu musyenge mowuuna, kubalaani mufundu a miilu mya benu. Sa huba nzibusili huli bo.»

Luuka 9:56

Na bo baayeni hu bula bukima.

Mavanga 16:39

Banzonzi baayalembesene bo mu usa bo kolo-kolo. Na bo baapalisi bo mu kondaayi, na uvondo bo mu upala mu musyenge mowuna.