Luuka 8:13 - Musamu wu Mubwe

¹³ Mbutu yi yabwidi ŋa yulu a manya, ni baatu babali mu uyuha mambu ma Nzambi na babaayaka mo na kinya. Ka bo a bali na manganzi ve, imiinu hya bo hili hya tangu yi keehe. Ŋa tangu lobese, bo bamiitimba byosi.

Luuka 8:13 ပူးပေါင်းရင်းမြစ်များ

Luuka 8:12

Mbutu yi yabwidi mu muvanga a musoho, ni baatu ba bali mu uyuha mambu ma Nzambi. Ka Mukuyi ubayamaasa mo mu mitima mya bo, mana bo bavelesa hiitu na bavelefuuha.

Luuka 8:14

Mbutu yi yabwidi ŋatso matsyende, ni baatu ba bubayuha mambu ma Nzambi. Mu mambu ma idiingu hya bo ma we minyongi, busina na makinya ma tsi, bibaakwamisa bo mana bo bavelebuta mbutu yi yayele.

Yowani 15:2

Pasi itabi hi hyakangama mu me na hi hyavele na mbutu, Taata ubaatsakula hyo. Na pasi itabi hi hili na mbutu, nde ubaatsyemese hyo, mana hyo hibwefulala ubuta mbutu.

Yowani 15:6

Ka muutu avelekangama mu me, sa babwaha nde hu mbadi we itabi hi muti, na humbisa hyo hibaakanya. Bu bamiimana utolo bitabi bi byakanya, bubaabwaha byo hu mbahu na byo bibaanyenge.

Yowani 5:35

Yowani aba we mwinda wu bali mu ubaangisa, mana nde ayalusa baatu boosi. Mu mwana tangu hoole, benu laamoni kinya mu liyalala la nde.

Ngalaatiya 3:1

Benu bisu Ngalatiya, ba baavele buyedi! Na aloho benu? Baamwesi benu pa yalala, buni baakomini Yisu Kristo ŋa muti.

Ngalaatiya 3:4

Moosi ma benu laabingala, maka ma mu pu? Naana! Mo utwala uba ma mu pu ve!

1 Tesalonika 3:5

Ni mu buuna, bu me akambwepeletwala ukuunda ukeele, me atsindihi benu Timoteho mu usaha uyaaba kwadili imiinu hya benu. Me akambata boomo ti mukuyi, mulobisi mo wunuwu, alobese benu na pasi a bisu a yiba ya mupu.

1 Timoteho 1:19

Kelese imiinu hya we na matsimi mamabwe. Bakima baamiitimba matsimi ma bo, na imiinu hya bo hyamiiyene mu nyamba.

Yaki 2:26

Ni we bu nyutu yi yavele na ilunzi, yili yi yakwa, bumosi kaka, imiinu hi hyavele na mavanga mamabwe, hili hi hyakwa.

2 Peetelo 2:20

Mu mbuli, hu li na baatu ba baamiinyaha uvanga mambu mamabi mamali mu utuma tsi. Mu toni ati, bo baayabi bubwe-bubwe Pfumu na Mufuhisi a bisu Yisu Kristo. Ka tso babwekulamana hutsina lituma li mavanga ma makulu, idiingu hya bo hya tsyelele sa ifulala pasi na hya tsomi.

2 Peetelo 2:22

Ma mamiyila bo, ni ma makuma mali mu uleele: «Mvwa ubafutahala udya bi nde amiimana uluha!» Buve: «Ngulu wu miimana uyobo mamba, ubabweya uyobo murobo!»

1 Yowani 2:19

Baatu mo baniba baamiisiisa bisu, ka bo a babeedi banga imiinu ba mbuli ve. Mu toni ati, bo kini baabeedi banga imiinu ba mbuli, bo baakiikwilala na bisu. Ka bu bo baamiisiisa bisu, bumiimonehele ti, baatu mobaana a bali banga imiinu ba mbuli ve.

Yude 1:12

Baatu mobaana, bubaayungasa na bubaabiyasa mikuungi mya benu mi udya, mi itwadi hya baana bangu. Bo bubaadya itwadi na benu hwavele buyumu, na bo ubaatsima ndulu bo mwakulu. Bo bali we mayidu ma maleme, ma mavelenohese mvula, ma bifula bibaabita. Bo bali we miti mi myavelebuta mbutu, tso ŋa mwanga. Na bu bamitupala myo, myo mibaakwa kwa yoole.