Luuka 8:1 - Musamu wu Mubwe

¹ Humbisa a maana, Yisu akataangila misyenge na mala. Huuna nde akalongese na uyabisa Musamu wu Mubwe wu Ipfumu hya Nzambi. Bilumbi bya nde kuumi na byole byaba na nde.

Luuka 8:1 ပူးပေါင်းရင်းမြစ်များ

Luuka 1:80

Ka Mwana akakula na uhwada mu livupu la nde. Nde akatsahala hutso a kumu, nate ilumbu hi nde hayamonehele ŋa busu bwa bisu Isereli.

Luuka 20:1

Ilumbu imosi, Yisu akalongese baatu mu litandala la nzo a Nzambi, na nde akayabisa musamu wu mubwe. Bakuutu ba banganga ba Nzambi, balongisi ba mikele na bakuutu ba bibandu, baayasusaha huli Yisu.

Luuka 4:18

«Livupu la Pfumu lili ŋa yulu a me, mu toni ati, Pfumu amiisoolo me mu uyabisa Musamu wu Mubwe huli biyaha. Nde atsindihi me mu uleele huli ba baakangama: “Benu ka bunyanga!” Mu uleele huli binzimana: “Benu lu umono!” Nde atsindihi me mu uyobolo babali mu munyongi,

Luuka 9:6

Bilumbi byayeni, byo byakavyoho mutso a mala moosi, byakayabisa musamu wu mubwe na byakabeeloso babeedu.

Mavanga 10:38

Benu liyabi buni Nzambi hasooli Yisu musi Nazareti, na nde aluusi nde mu Livupu la Ngidi na mu matwala ma nde. Benu liyabi ka buni Yisu hakataangila, mu uvanga mamabwe na ubeloso boosi ba baaba baakangama hu tsina matwala ma mukuyi. Nde hasiidi buuna, bu Nzambi habeedi itwadi na nde.

Mavanga 13:32

Bisu mwakulu lili mu ubehele benu musamu wu mubwe wu Nzambi hasiidi lahi huli bakaaha ba bisu.

Looma 10:15

Buni milongisi myusoloho tso a batsindihi myo ve? We bu Mabaasonehe ma Ngidi mali mu uleele: «Miilu mya bo mili mi mibwe, bo baana ba bali mu uyaabisa misamu mi mibwe!»